Við erum bestir!!

Þetta var frækilegur sigur. Við völtuðum gjörsamlega yfir Hirosima. Strákarnir okkar stóðu sig glæsilega en það verður að segjast einsog er að Hreiðar Levy markvörður reddaði alveg seinni hálfleik. Hann varði 8 sinnum með pungnum og 17 sinnum með andlitinu. Geri aðrir betur. Frábær markvarsla. Hann var bókstaflega með nefið oní hvers manns bolta, ef þannig má að orði komast. Hann var allsstaðar með andlitið. Og punginn. Ekki má gleyma honum. Svona á að nota guðsgjafirnar. 

Japanir áttu enginn ráð við þessu. Það var sama hvert þeir negldu, alltaf small tuðran af miklu afli á alltumlykjandi trýninu á Hreðjari. Og pungnum. Ekki má gleyma honum. Það var sama hversu oft þeir dúndruðu boltanum í smettið á honum og i boltana á honum, aldrei missti hann andlitið. Ekki heldur punginn. Ekki að ástæðulausu að þessi íþrótt kallist handballs. Enginn markvörður fyrr né síðar hefur varið jafn oft með eistunum og andlitinu í einum leik. Alls 25 sinnum. Hann verður pottþétt kóngurinn á Fésinu. Þetta er gæi sem fær ekki bara flugu í höfuðið. Þetta er maður sem kann að nota á sér hausinn. Áfram Hreðjar!

 

Sumir halda að Jappar séu einhverjir vesalingar og hlandaular með hor í nefi sem kunni ekkert í handballs en það er öðru nær. Þeir eru með eitt besta lið heimsins í dag. Þeir hafa unnið Austur-ríkisstarfsmenn, Færeyinga, Íraka, Grænlendinga, Írani, Saudi-Araba og Úgandabúa svo nokkur dæmi séu tekin. Leikmennirnir eru allir heimskunnir. Þetta eru nöfn sem allir þekkja: Kenya Toyota, Daihatsu Kawasaki, Moskito Suzuki, Risotto Tomato, Shuss Hirosima, Hoza Heimasima, Mazda Yamaha, Mitsubishi Hahaha og svo mætti lengi áfram telja. Það voru semsé engir aukvisar sem við vorum að slátra.

Svo er bara að vona að Hreðjar nái að halda haus og þá tökum við þetta alla leið. Sýnum þessum útlensku ösnum að þó við kunnum ekki reka banka og kunnum ekki að reka bankaræningja í ævilangt fangelsi og kunnum ekki að reka pólitík og kunnum ekki að reka pólitíkusa út úr alþingi - þá kunnum við sko að sýna okkar rétta andlit og fá boltann í það. Og punginn. Ekki má gleyma honum. Við munum halda andlitinu. Áfram Ísland!

 

HÉR má finna myndbandið við Sigurlagið sem ég gerði árið 2004. Tileinkað Strákunum okkar, að sjálfsögðu. Við erum bestir!

Stórsigur á Japan

Athugasemdir

[Jens Guð, 18.1.2011 kl. 01:49]

  Hvað er eiginlega með þennan danska boltaleik sem fáir þekkja utan Íslands og Danmerkur?  Gott ef hann er ekki í næsta sæti á eftir mexíkönsku pokahlaupi á heimslista yfir furðulegustu keppnisgreinar heims?  Upphaflega orðinn til vegna þess að í dönskum skóla var bannað að sparka bolta á skólalóð.  Ég hef aldrei hitt útlending sem hefur heyrt um þennan danska boltaleik.  En veit þó að skrýtnustu nördar í sumum útlöndum eru athlægi sem þorpsfífl í nágrannaþorpum fyrir að taka þátt í þessum fíflagangi.   

[Guðmundur Ingi Kristinsson, 18.1.2011 kl. 01:51]

Hef oft vellt því fyrir mér að þegar landsliðið í handbolta vinnur leik þá vinnum við en þegar landsliðið tapar þá tapa þeir. Svo er þessi spurnig? Hvernig nennir fólk að horfa á fullorðna karlmenn í stuttbuxum eltast við þroskaleikfang.

[Sverrir Stormsker, 18.1.2011 kl. 05:40]

Jens, það er mikið til í þessu sem þú segir. Það er sama hvert ég hef þvælst um heimsbyggðina, aldrei hef ég nokkurntíma séð fullorðinn tvífættan geðheilbrigðan ófiðraðan mann leika handbolta við annan fullorðinn tvífættan geðheilbrigðan ófiðraðan mann. Nema í Skandinavíu. Kannski er þetta feimnismál utan Norðurlanda. Veit það ekki.

Þú tókst t.d. eftir því að það voru engir nema Íslendingar í höllinni þar sem þessi landsleikur var haldinn. Ekki einn einasti maður. Meiraðsegja dyraverðirnir voru íslenskir. En þetta sport er greinilega til annarsstaðar úr því að það er verið að keppa í þessu. Ég gat t.d. ekki betur séð en að þetta væru ekta Japanir sem voru í boltaleik í gær.

Ég man að ég sá einu sinni stelpur í Damaskus henda á milli sín bolta, en það var reyndar einhverskonar brennóbolti og þar að auki voru þær alræmd þroskaheft þorpsfífl. 

Hvað pokahlaupi áhrærir þá er sú íþróttagrein mun vinsælli en handbolti meðal almennings víða um heim. Sama má segja um dvergakast. Eiginlega alveg óskiljanlegt mannréttindabrot að það skuli ekki vera keppt í dvergakasti á Ólympíuleikunum.

[Sverrir Stormsker, 18.1.2011 kl. 05:54]

Guðmundur, þú spyrð: "Hvernig nennir fólk að horfa á fullorðna karlmenn í stuttbuxum eltast við þroskaleikfang?"

Þetta er góð spurning. Konur horfa á þessa seinfæru karlmenn vegna þess að þeir eru í stuttbuxum. Konum þykja sveittir karlar í átökum og stuttbuxum gasalega sexý, jafnvel þó þeir séu soldið á eftir.

Karlar horfa á þennan boltaleik vegna þess að þetta gefur þeim tilefni til að losna við eiginkonurnar og fara á næstu sportkrá með félögunum og hella í sig bjór og brennivíni. Þá veistu það. 

[Svanur Gísli Þorkelsson, 18.1.2011 kl. 12:19]

147 handbolta landssambond i heiminum med 60.000.000 handboltamenn og konur sem idkendur a skram sinum.

Ekki sem verst.

kv,

[Sverrir Stormsker, 19.1.2011 kl. 07:30]

Svanur, það eru líka til um 150 djöflatrúarlandssamtök með tugi milljóna meðlima og einhver svipaður fjöldi diggar dvergakast og dragshow og ballet og kúluvarp og mörgæsaflugsund og svoleiðis en meginþorri hvers lands hefur núll áhuga á þessu. Enda var enginn í höllinni að horfa á landsliðsleikina þarna úti nema Íslendingar. Hún var galtóm að öðru leyti.

Samt alveg ástæða til að óska strákunum góðs gengis. Þeir hafa staðið sig vel. Það má alveg hafa gaman af þessu á tíunda glasi.

[Svanur Gísli Þorkelsson, 19.1.2011 kl. 07:53]

Já, gott mál Sverrir :) Handboltinn er okkar súmu glíma, okkar krikket, okkar íshokkí og okkar strandblak. En umfram allt,  eina íþróttin sem við getum eitthvað í. - En ég skil samt sentimentið í "Við erum bestir".

Það er einhver kaldhæðni  í því að núna þegar Íslendingar hafa ekki lengur efni á að elta handboltaliðið sitt út í lönd og enginn banki býðst til að splæasa á vél þangað sem þeir eru að spila, og einn bankaræninginn hefur komið því þannig fyrir að aðeins 10% þjóðarinnar getur yfirleitt fylgst með liðinu í beinni, gengur því best. - Íslendingar eru nefnilega vanir tómum höllum.

[Sverrir Stormsker, 20.1.2011 kl. 04:46]

Svanur, það er rétt. En Íslendingar eru ekki bara vanir tómum höllum. Þeir eru líka vanir tómum vösum, tómum bönkum, tómum hausum pólitíkusa og tómum leiðindum. 

[Jón Ríkharðsson, 21.1.2011 kl. 02:05]

Fyrst það er alltaf verið að tala um nýsköpun og sameiningar á öllum sviðum, þá væri hægt að hafa dragdrottningar dansandi ballett á sinu sviði og annars staðar gætu verið djöflatrúarmenn í dvergakasti.

Þetta yrði ekki verri landkynning en hvað annað, en ég veit reyndar ekki hversu mörg glös þyrfti til að hafa gaman af þannig listviðburði.

[Ómar Ingi, 22.1.2011 kl. 14:44]

8 svar þitt er hellað ; )