Mannaráðningar Besta og Samfó á "faglegum forsendum"

Í samstarfsyfirlýsingu Besta flokksins og Samfylkingarinnar stendur: “Öll störf hjá Reykjavíkurborg verði auglýst og ráðningar ákveðnar á faglegum forsendum.”

Á þessum faglegu forsendum ákveður Besti og Samfó að ráða handrukkara hjá ræningjabælinu Lýsingu í fullt starf sem stjórnarformann Orkuveitu Reykjavíkur með um milljón á mánuði. Þegar þessi ráðning var ákveðin þá var náttúrulega horft til þess að maðurinn setti Viðskiptablaðið á hausinn með glæsibrag og tók svo til starfa sem yfirokrari og innheimtuböðull hjá Lýsingu en það fyrirtæki sérhæfir sig í að veita glæpsamleg gengistryggð okurlán og stela bílum fólks í skjóli nætur. Þeir hafa gengið svo hart fram í innheimtum á okurlánum að fólk hefur flúið undan þeim í gröfina.  

Besti og Samfó segjast ráða í störf Reykjavíkurborgar á “faglegum forsendum” og það þýðir að þeir telji að maður með þennan feril og einbeitta brotavilja sé akkúrat rétti maðurinn sem stjórnarformaður aðal fyrirtækis Reykjavíkurborgar. Hverjar eru þessar "faglegu forsendur?"

Jón Gnarr segir á Feisinu að hann efist stanslaust um eigin dómgreind. Það myndi ég líka gera ef ég myndi byrja minn “öðruvísi” borgarstjóraferil á hefðbundinni stórlaxaveiði og pólitískum mannaráðningum í þessum dúr. Ef þetta á að vera einn liðurinn í því að gera Reykjavík rosalega skemmtilega þá er það mjög leiðinlegur misskilningur.

Jón segist þurfa að sturta í sig panódíl til að höndla borgarráðsfundi. Kjósendur hans og aðrir borgarbúar munu líklega einnig þurfa fara að dæla í sig hausverkjapillum til að þola það sem kemur út úr þessum borgarráðsfundum.ef það á að vera eitthvað í líkingu við þetta bullshit.

Mér fannst sjálfsagt af fólki að gefa Besta flokknum tækifæri til að spreyta sig en þeir hafa kolfallið á fyrsta prófinu með mínus 4,9. Einföld staðreynd. Besti og Samfó ættu að fá ráðningu fyrir að standa að þessari ráðningu. Þeir skulda borgarbúum skýringu á því hversvegna þeir vilja ólmir ráða og verðlauna fyrrv. yfirlögfræðing og yfirlögbrjót Lýsingar sem tók þátt í því að svipta fólk aleigunni með glæpsamlegum hætti. Ekki þýðir að láta nýráðinn handrukkarann rukka inn þá skýringaskuld. Svo mikið er víst. Það þurfa borgarbúar sjálfir að gera, en þeir eru líklegast stjarfir af hrifningu.

Ný stjórn tekin við OR

Athugasemdir

[Aðalsteinn Agnarsson, 26.6.2010 kl. 08:58]

Allir stjarfir, þú einn Sverrir minn gætir rasskellt nýja borgarstjórann.

[Sverrir Stormsker, 26.6.2010 kl. 10:48]

Aðalsteinn, ég hefði gasalega gaman af því en er því miður staddur erlendis.

Hér er ágætis lýsing á Lýsingu, því kompaníi sem nýráðinn stjórnarformaður Orkuveitunnar starfaði svo ötullega hjá, áður en Gnarr réð hann til starfa. 

[Helga Kristjánsdóttir, 26.6.2010 kl. 10:59]

 Góðan dag! Jón Gnarr er eftir allt ekkert öðruvísi.

[Axel Jóhann Axelsson, 26.6.2010 kl. 11:15]

Fyrir kosningar mátti ekki segja eitt einasta gagnrýnisorð hér á blogginu um Jón Gnarr og "Besta" flokkinn, án þess að inn kæmu tugir athugasemda til andsvara og þó aðallega til að ausa yfir gagnrýnandann fúkyrðum og svívirðingum vegna skilnigsleysis hans á þeirri stórkostlegu breytingu, sem framboðið boðaði.

Í tvígang hef ég bloggað um þessa "einkavinavæðingu" OR, en þá bregður svo við, að allir kjósendur Jón Gnarrs eru horfnir af blogginu og ekki ein einasta athugasemd, hvað þá svívirðingar, hafa komið til varnar þessari ótrúlegu ráðningu "handrukkararns" frá Lýsingu, en þar var hann yfirmaður vörslusviptinga og eignasölu í kjölfarið, en Lýsing var eitt alræmdasta lánafyrirtækið, vegna hörkunnar við innheimtur.

Hafi einhver áhuga, má sjá bloggin hérna

[Haraldur Baldursson, 26.6.2010 kl. 13:07]

Merkilegur förunautur sem fortíðin getur orðið... en miðað við væntanlega hækkun á gjöldum OR (sem enginn flokkur hefði getað hindrað)... er þessi ráðning kannski skiljanleg. Borgarfulltrúar munu fjarlæga sig frá þeirri ákvörðun, með þeim orðum að allt sé þetta gert með faglegum vinnubrögðum...það sé ekki þeirra að hlutast til um störf faglegra stjórnenda borgarinnar.
Það hlutverk sem manna þarf er þó það að sýna forystu. 8.000 manna vinnustaður, sem Reykjavíkurborg er, þarfnast leiðtoga. Jón Gnarr þarf nú með eða án gríns að leiða og toga.

[RE, 26.6.2010 kl. 13:35]

Þetta er heiðarlegasti maðurinn sem þeir fundu innan Orkuveitu Reykjavíkur.

[Ómar Ingi, 27.6.2010 kl. 13:18]

Heiðarlega skemmtilegur pistill að venju ; )

[Sverrir Stormsker, 28.6.2010 kl. 07:42]

Helga, veit ekki hvort Gnarr er eða verður eitthvað öðruvísi en gamla slektið. Kannski verða menn værukærir og jarðsambandslausir þegar þeir eru komnir í svona mjúka lazyboy-stóla.

Þessi ráðning er allavega óverjandi sjálfsmark.

[Sverrir Stormsker, 28.6.2010 kl. 07:50]

Axel, mér finnst áríðandi að fólk gapi ekki uppí vindinn og gíni við öllu sem uppáhaldsliðið þeirra er að gera, - Besti flokkurinn í þessu tilviki. Fólk verður að reyna að temja sér gagnrýna hugsun og beina henni að öllu í kringum sig og tjá hana útávið óhrætt við viðbrögð. Aðeins almenningur veitir stjórnmálamönnum aðhald. Aldrei þeir sjálfir. Þetta þýðir raunverulega að pistlahöfundar og fjölmiðlar eiga alltaf að vera í stjórnarandstöðu.

 

Ef að Besti flokkurinn ætlar að fara í sömu steypuskóna og Fjórflokkurinn þá má alveg trilla honum fram af næstu bryggju mín vegna. Þó að ég sé mjög ánægður með að Besti flokkurinn skyldi hafa komið fram þá eru þetta engin trúarbrögð í mínum huga einsog fótboltaliðin. Annahvort standa menn sig eða ekki. Og það á að sparka mönnum útaf vellinum sem klúðra hlutunum, rétt einsog sprunginni tuðru.

[Sverrir Stormsker, 28.6.2010 kl. 07:53]

Haraldur, soldið apakattarlegt þegar það myndast gagnrýnilaus jákór eða neikór um persónur eða flokka. Varasamt. Ein af ástæðunum fyrir hruninu.

[Sverrir Stormsker, 28.6.2010 kl. 07:54]

RE, það er komið uppúr dúrnum að þetta er víst gamall vinur þeirra í Besta. Þessvegna fékk hann djobbið. Gamall vinskapur eru þær “faglegu forsendur” sem Besti byggir mannaráðningar sínar á. Hæfni skiptir hér engu máli frekar en fyrri daginn. Ísland verður alltaf gamla “góða” Ísland.

[Sverrir Stormsker, 28.6.2010 kl. 08:02]

Ómar, takk fyrir það. Þessi pistill er allavega heiðarlegri en téð mannaráðning Besta. Þarf reyndar ekki mikið til.

[Jakob Þór Haraldsson, 28.6.2010 kl. 18:03]

Ég skil að Jón Gnarrrr vilji standa við loforð sín um að TROÐA vinnum sínum í vellaunuð störf, en hann fer ekki vel að stað, svo mikið er víst.  Ég sem hélt að vont gæti ekki versnað hjá OR eftir aðkomu Framsóknar, Bófaflokksins & Samspillingarinnar að því fyrirtæki, en þvi miður hafði ég rangt fyrir mér.  Reyndar á þessi handrukkari sem nú starfar sem stjórnarformaður OR eina afsökun, sú afsökun tengist því að undir stjórn BÓFAflokksins síðustu 20 árin hefur okkar samfélagi í raun verið breytt í ræningjasamfélag þar sem "fákeppni, svindl & okur" er ávalt við lýði. Það eru því ófáir Íslendingar sem hafa þannig unnið eða vinna í dag fyrir siðblind ræningjarfyrirtæki. Þetta er ekki okkar BESTA fólk og því vekur það vissulega furðu & leiðindi að jafn illa skuli ráðið í þessa mikilvægu stöðu hjá OR.  Við skulum vona það besta en búast við því versta hjá OR.

kv. Heilbrigð skynsemi (www.fun.blog.is)

[RE, 28.6.2010 kl. 18:37]

Andskotinn. Eg fer að sjá eftir þvi að hafa verið að berja þetta í Réttó.

[Sverrir Stormsker, 29.6.2010 kl. 04:50]

Jakob, á umliðnum árum hefur tekist að steypa OR í um 250 milljarða skuld, hvernig sem það er nú hægt. Ég hefði skilið ef handrukkarinn hefði verið ráðinn af lánadrottnum til að rukka Orkuveituna, en ekki að Besti skuli hafa ráðið hann sem starfandi stjórnarformann. Hann er álíka hæfur í þetta djobb og þau Jóhanna Dýrfjörð og Steingrímur Mosdal til að stjórna landinu. En hann er besti vinur Besta og það virðist duga til að “faglegum forsendum” sé fullnægt.

RE,

[Haraldur Baldursson, 29.6.2010 kl. 17:13]

Ég var næstum því búinn að skrifa
-Góð fjárfesting að greiða einu sinni 300.000 til að fá 12x ári 900.000
en hætti svo við það...það er svo ódýrt að henda slíku fram...ég legg mig fram um að láta ekki svoleiðis.