Íþróttamenn - hommar - sama (tó)pakkið!!

Ég hef soldið verið að hugsa um íþróttir upp á síðkastið af einhverjum ástæðum. Einkennilegt nokk, því það er náttúrulega bara eitt bjálfalegra en að hugsa um íþróttir og það er að iðka þær. En ég hef komist að þokkalegri niðurstöðu og hún er þessi: Menn þurfa að vera verulega kinky og einkennilegir í hugsun til að sjá ekki að íþróttir eru lítið annað en dulbúið kynlíf og að íþróttamenn eru raknir hommar upp til hópa. Það er ekki bara að kynlíf sé íþrótt heldur eru íþróttir kynlíf. Frjálsar íþróttir – frjálsar ástir – eitt og hið sama. Þetta byrjar á forskólaaldri í köðlunum í leikfimisalnum og þróast svo uppí tæknilegra og ennþá dulbúnara sex. Íþróttir sökka en sumar sökka meira en aðrar. Það er til íþrótt sem sökkar svo svakalega að hún er einfaldlega kölluð sucker. (Stundum skrifað soccer). Skrítið að ferðast með Fokker til að fara að horfa á sucker.

 

En kíkjum aðeins á þetta. Rugby á tildæmis að heita gasalega karlmannleg íþrótt en er þegar betur er að gáð ekkert annað en hreinn hommaskapur, ef það er á annað borð hægt að tala um “hreinan” hommaskap. Rugby tottar feitt. Afhverju þarf alltaf einhver asni að glenna út á sér rassgatið og dilla því einsog gulrót framan í samherja sína í upphafi hverrar lotu? Og þegar einn apaköttur er felldur í grasið afhverju þurfa þá allir hinir að koma æðandi í sínum aðskornu rassborunáttbuxum og kasta sér ofan á hann þangað til þetta verður einsog mauraþúfa? Síðan hvenær hefur þurft 10 menn til að halda einum niðri? Aldrei. En það þarf auðvitað fleiri en tvo í hópsex. Þetta alltsaman verður fyrst skiljanlegt í ljósi þess að þarna eru spólgraðir hommar á ferð. Þegar maður fattar það þá segir maður í uppgötvunartóni við sjálfan sig: ”Jááá, auðvitað, þetta eru svona hommadindlar. Hvernig læt ég. Afhverju fara ekki fleiri en bara 10 uppá hann? Hverskonar væsklar eru þetta? Jááá, auðvitað. Þetta eru hommar.”

 

Box þykir sömuleiðis alveg gríðarlega karlmannleg íþrótt en er þó lítið annað en dulbúinn hommaskapur. Hvað er hommalegra en 2 sveittir massaðir bjánar í stuttbuxum og faðmlögum? Getur einhver sagt mér það? Alltaf að vingsa höndunum “óvart” undir beltisstað. Ekkert vafasamt, neinei. Stundum eru heilu leikirnir ekkert annað en faðmlög og kjass og káf og eyrnanart. Sumir boxarar koma útúr hringnum (“hringinum” einsog Bubbi segir) með fleiri sogbletti en kjaftshögg. Ægilega karlmannlegt. Það er nú meira. Þetta eru hommar. (Annað mál: Boxhringurinn er eini hringurinn sem er ferhyrndur). Lýsingar Ómars Ragnarssonar á Sýn eru dæmigerðar fyrir andann sem svífur yfir vötnum:

”Hann er alveg svakalega fallegur þessi. NEI, sjáiði brjóstkassann á honum. Vááááá! Það er ekki til arða af fitu á skrokknum á honum. Og lærin maður! Sjáiði lærin maður! Hann hlýtur að vera með rosalega stinnan rass líka. Ég er kominn með bóner. Haldiði að það væri ekki dúndur að fá að taka þennan í fjósið? VÁÁÁ!” 

Á þessum nótum eru lýsingar hans. Hann er að lýsa boxi en þó fyrst og fremst eigin kynórum. Box er fyrir kellingar, karlkyns kellingar. Það er ekki flóknara en það. 

Hafnarbolti. Í þessari íþróttagrein fer augljósasta viðreynsluaðferðin fram. Leikmennirnir klóra sér án afláts í hreðjunum allan tímann meðan á leiknum og þeim sjálfum stendur og þarafleiðandi má gera gera ráð fyrir að þeir klóri sér ennþá meira í kakóinu að sturtu lokinni ef dæmið gengur upp. Semsé: Drullupumpuíþrótt út í gegn.

Ballet getur varla talist íþrótt og þaðanafsíður listgrein en flestir geta ímyndað sér hverskonar týpur sækja í þetta pungbindasprikl. Smá hint fyrir andlega öryrkja: Þeir sem ekki eru sundlaugaverðir, flugþjónar eða hárgreiðslumenn eru í ballet. Einhverju nær?

 

En höldum okkur við “alvarlegar” íþróttagreinar. Glíma. Það er nú eitt. Hommaskapur í öllum sínum náttfötum. Tveir spýtukallar að nugga lærunum uppvið punginn hvor á öðrum. Aumkunarvert og fíflalegt í senn. Og hvor um sig reynir að leggja hinn flatan. Allan tímann eru þessir asnar að toga í belti hvors annars einsog þeir eigi í gríðarlegum erfiðleikum með að halda buxunum uppum sig og það er auðvitað asnalegt og bælt í ljósi þess að maður veit að þeirra æðsta ósk er að vera með allt niðrum sig. Það er eitthvað stirðbusalegt og beljulegt við þennan dulbúna hommaskap enda séríslenskt fyrirbrigði. Þetta er svona viðreynsla framsóknarhommans. Ekki hægt að horfa edrú á þessa vitleysu.

 

Ekki frekar en júdó, sem verður að teljast einhver ömurlegasta hommaíþrótt í heimi. Meiraðsegja Gunnar á Krossinum gæti ekki afhommað júdókappana og þá er nú fokið í flest skjól. Það er vægast sagt frekar dasað að horfa á karlmenn veltast um gólf í grenjandi greddu og losta undir því yfirskini að hér sé um merkilega íþrótt að ræða. Munurinn á þessu rugli og leðjuslag er að leðjuna vantar. Það er allt og sumt. Þetta er ekkert annað en pjúra pornó. Soft pornó að vísu en pornó engu að síður. Hommapornó. Þetta er kattliðugt pakk sem getur komið sér í fáránlegustu stellingar, getur vafið löppunum marga hringi utanum háls “andstæðingsins” (gólffélagans) einsog eiturslöngur þannig að klofið nemi við smettið á honum. Svo er honum haldið þannig föstum í nokkurn tíma og alveg örugglega hvíslað frygðarlega í eyrað á honum á meðan: ”Finnst þér þetta gott?” Fyrir svona sexshow eru menn að fá medalíur á Ólympíuleikum. Ef það er ekki svartur blettur á vestrænni siðmenningu þá er ég Sóley Tóma eða Kolrugluð Halldórsdóttir. Þessir delar eru yfirleitt hvítklæddir og það er náttúrulega bara til þess að tryggja að það sjáist örugglega ekki þegar þeir fá úr´onum.

Fleiri íþróttagreinar má nefna. Tildæmis sund. Hvað er sund annað en átylla fyrir perverta til að fara í sturtu með fólki af sama kyni. Þeir þora ekki að spyrja manninn á götunni beint: ”Hvað segirðu, þú ert með ansi ræktarlega bringu…eigum við kannski að koma í sturtu saman?”  og þessvegna fara þeir í laugarnar og fóðra þar sitt óeðli undir yfirskini sundáhuga. Þetta sjá nú allir menn.

Handbolti er sömuleiðis svo augljós hommaíþrótt að það tekur því varla að nefna hana. Fylgist bara með hreyfingunum en þó aðallega þreifingunum í vörninni. Maður gæti haldið að þeir ynnu allir hjá Fróunaraðstoð Sameinuðu þjóðanna. Þessi íþrótt ber sannarlega nafn með rentu: “Handballs.”  Viðurstyggð.

En ekki er fótboltinn skárri. Fótbolti er þvílíkur grenjandi öfuguggaháttur að það er leitun að öðru eins svínaríi á þessum hnetti. Menn eru fyrst og fremst í fótbolta til þess að stjúka rassinn á samherjum sínum þegar þeir hafa skorað. Þarf að ræða það eitthvað frekar? Stundum eru þessir kúkalabbar orðnir svo kynferðislega æstir þegar ekkert mark hefur verið skorað í langan tíma að loksins þegar einhver setur hann inn, semsé boltann í netið, þá ráðast þeir á hann slefandi og leggja hann flatan á jörðina og fara að kyssa hann og kjassa og strjúka hann allan hátt og lágt og riðlast á honum í hópum einsog kanínur. Það eru engar “kanónur” í fótbolta einsog íþróttafréttamenn eru svo gjarnir að klifa á heldur eingöngu kanínur. Hommakanínur. Og hvað er það fyrsta sem asnasparkari gerir þegar hann er búinn að skora? Jú, hann rífur sig úr skyrtunni í tryllingslegum ástarbríma til að gera snertingarnar nánari þegar félagarnir skutla sér á hann. Þetta ber allt að sama brund...brunni. Þegar andstæðingurinn á aukaspyrnu rétt fyrir utan vítateig þá safna þeir sér þétt saman og halda um slátrið á sér. Hálfvitar. Þeir eru ekki að passa á sér hausinn. Nei, þeir þurfa ekkert á honum að halda í fótbolta. En slátrið þurfa þeir að vera með í lagi ef þeir eiga að geta fengið eitthvað kikk útúr leiknum. Þessir asnasparkarar eru allirsaman saurþjöppur fram í fingurgóma og ættu að fara í lögformlegt umhverfismat.

Það má undrun sæta að sjálft Ríkissjónvarpið, sem dembir yfir okkur ótrúlega svæsnum spænskum dökkbláum myndum allar helgar, árið um kring, einsog t.d. Forrest Cunt og Hrafninn sýgur, skuli í þokkabót ausa íþróttaóhroða yfir "blá"saklaus börnin og það um hábjartan og blábjartan dag. Ég, sem góður og gegn skattborgari, ímynd siðgæðis og tandurhreins hugarfars, ætla að ganga í Vinstri Grænbláa og fara fram á það við Ríkissjónvarpið (Bláskjá) að það hætti tafarlaust að sýna þessar viðbjóðslegu sportklámmyndir. Látum ekki klámið ríða okkur - á slig.

 

 Rokrassgatið kveður.

 

(Skrifað árið 2000)

Athugasemdir

[DoctorE (IP-tala skráð) 29.11.2007 kl. 06:32]

 segi það með þér, hugsa menn ekkert um blessuð börnin

[Óskar P. Einarsson (IP-tala skráð) 29.11.2007 kl. 09:17]

Skrifað árið 2000...og á eiginlega miklu betur við í dag, þar sem íþróttir tröllRÍÐA allri dagskrá.

[Rúnar (IP-tala skráð) 29.11.2007 kl. 10:55]

Þú ert náttúrulega ekki heill   þvílíkar pælingar

Er að myndskreyta Ómar með einhvern boxaran á kafi í  "fjósinu"

[Ingi B. Ingason, 29.11.2007 kl. 12:37]

Það er sama með fótbolta og handbolta - bara hópur af kynvillingum í samlitum náttfötum að eltast við einhverja leðurkúlu. Svo þegar móti líkur og þeir vinna bikar.....þá fá þeir sér kampavín saman í sturtunni......

[Stefán Þór Steindórsson, 29.11.2007 kl. 13:46]

Æi þarna skúffaðir þú mig Sverir. Mjög þunn grein...

Enn þú ert nú samt alltaf sami vitleysingurinn.. haltu því bara áfram.

[Palli (IP-tala skráð) 29.11.2007 kl. 14:17]

Það er ekki upp á þeim typpið núna í kommentum, þessum and-femínísku íþróttahommum sem slefuðu yfir þig skjallinu í fyrri færslu (Reyndar hljóta myndskreytingarnar að hafa kveikt í þeim, en það skilar sér varla í kommentakerfið). 

[H1 (IP-tala skráð) 29.11.2007 kl. 14:29]

Duuh lúið og lægð yfir Stormskeri.

[Ragnar (IP-tala skráð) 29.11.2007 kl. 14:36]

Einu gleymdir þú í sambandi við boxið.  Tveir menn í hönskum að berjast um BELTI.

Ég veit um einn mann sem fór í ballet á yngri árum.  Það var eini staðurinn sem hann gat verið eini karlmaðurinn í hóp af hálfberum stelpum og gat káfað á þeim að vild.  Þannig að strákar í ballet eru ekki eins öfugir og mætti halda.

[Nanna Katrín Kristjánsdóttir, 29.11.2007 kl. 15:08]

Mér finnst nú óþarfi að vera uppnefna samkynhneygða.

[Guðmundur Steinbach (IP-tala skráð) 29.11.2007 kl. 15:11]

Það reddar alltaf slæmum degi að kíkja hérna inn. Snilldarsamantekt.

[Helga Þorkelsdóttir (IP-tala skráð) 29.11.2007 kl. 15:23]

Já það er ekki leiðinlegt að lesa pistlana þína Sverrir, enda ertu snilli bæði á ritvelli og í tónlistinni. Hlægileg lesning og eitthvað til í þessu hjá þér held ég bara!!Kveðja, Helga.

[Svavar Friðriksson (IP-tala skráð) 29.11.2007 kl. 15:42]

Þannig að þú ert ekki mikill íþróttamaður að undanskildum glasalyftingunum, er það ekki rétt skilið hjá mér?

[Sverrir Stormsker, 29.11.2007 kl. 16:13]

Sælt veri fólkið.

Held ég verði að taka það fram áður en menn sökkva sér hér ofan í grafalvarlegar bollalegginar um réttarstöðu samkynhneigðra eða hollustu íþrótta eða eitthvað álíka hátíðlegt, að þessi pistill er náttúrulega hugsaður sem djók, þó eflaust sé einhver "broddur" í honum.

Það er að sjálfsögðu stranglega bannað á þessum síðustu og geldustu tímum að gantast með minnihlutahópa einsog samkynhneigða, dverga, femínista, ljóskur, svertingja, snillinga, fatlafól, spekinga, þroskahefta, nýbúa o.s.fr, en mér er nokk sama. Geri það samt. Það er einhvernveginn einsog þingmenn séu einu minnihlutaaparnir sem megi gantast með og sproksetja og uppnefna. Uppnefndi sjálfan mig í lok pistilsins sem Rokrassgat (Stormsker). Gott mál. Uppnefni er oft hin skemmtilegustu nýyrði og auðga tungumálið. Mitt eigið nafn: Stormsker, er meiraðsegja uppnefni, annað orð yfir Ísland.

Það er semsé Ekkert það heilagt og alvarlegt að ekki megi spauga með það, ekki einusinni almættið og samkynhneigðir. Mjög einfalt mál...held ég...hélt ég. 

Lifi þunglyndið!

Er rokinn. Bæjó.  

[Óskar Þorkelsson, 29.11.2007 kl. 16:45]

takk fyrir þetta Rokrassgat :)

[Palli (IP-tala skráð) 29.11.2007 kl. 17:02]

Ég held þú þurfir ekki að örvænta um að hér springi allt í loft upp. Ætli þinn dyggasti lesendahópur sé ekki núna önnum kafinn við að úttala sig annarsstaðar á netinu um að leðursófar og enska knattspyrnan séu hrein og klár tillitssemi við karlmenn í verslunarferðum. Væri samt áhugavert að sjá þessa and-feminísku og félagslega fjölfötluðu íþróttaálfa spyrða saman þessum pistli þínum og eigin áhuga á að horfa á karlmenn í stuttbuxum.       

[Hallgrímur Óli Helgason, 29.11.2007 kl. 17:26]

flottur

[Sir Magister (IP-tala skráð) 29.11.2007 kl. 19:06]

Misheppnaður pistill og sá lakasti af nokkrum glettilegum...Mínar íþróttir sluppu þó frá þessum hreinsunareldi meistarans

[Barbatus (IP-tala skráð) 29.11.2007 kl. 21:32]

Hefu einhver hugleitt það að Stormsker fær fleiri "komment" á eina færslu en meðalbloggarinn á heilli ævi?  Við annað hvort elskum hann eða hötum, enginn millivegur þar!  En hann er bara eins og hann er.  Eg segi: Áfram Sverrir! Hvort sem eg er sammála eða ekki, það er gaman að lesa þetta.

[Kjartan Pétur Sigurðsson, 29.11.2007 kl. 22:03]

Takk

Ég er enn að brosa yfir þessari grein - hálftíma síðar :)

[Sæmilegur (IP-tala skráð) 29.11.2007 kl. 22:04]

Krulla er íþrótt fyrir femínista, þar er einhverju drasli kastað á gólf og svo er sópað duglega eins og vel uppalin húsmóðir og allir kátir þegar búið er að sópa.

[Róbert Björnsson, 29.11.2007 kl. 22:23]

Haha...stórskemmtilegur pistill og hverju orði sannari!   Og myndirnar maður!

[Jóna Kolbrún Garðarsdóttir, 30.11.2007 kl. 00:27]

Tær snilld 

[Arnór (IP-tala skráð) 30.11.2007 kl. 00:42]

Þetta er tær snilld. Þegar ég var skápahommi þótti mér ekkert athugavert við að æfa gönguskíði í níðþröngum spandexgalla að elta annan stæltan karlmann í göngubrautinni uppi á há heiði.

Very Manly þótt mér.

 Nú er spurning um að láta af glasalyftingunum og að blása í íþróttablysin og hefja sucker æfingar og vera ekkert að gara í grafgötur með þetta.

[Páll Geir Bjarnason, 30.11.2007 kl. 02:28]

...í-þrótt hljómar eitthvað svo dónalega

[Túrilla, 30.11.2007 kl. 06:08]

Hahaha! Þarna komstu mér til að skellihlæja svo undirtók í fjöllunum.
Auðvitað á ég að vita að besta lækningin við depurð er að kíkja á bloggið þitt.
Kærar þakkir fyrir frábæra lesningu - og auðvitað að hafa birt allar þessar flottu myndir

[Ólafur "Tröllabarn" Georgsson, 30.11.2007 kl. 10:46]

Verst er samt sundbolti, þar sem þeir þukla hvor á öðrum í kafi, frekar kinky!

[Pétur (IP-tala skráð) 30.11.2007 kl. 11:26]

Hahahahahahaha boxlýsingin hans Ómars....hahahhahaha!!!!!

[Púkinn, 30.11.2007 kl. 15:50]

Púkionn gat ekki annað en glott....enda gallharður antisportisti.

[Halldór Sigurðsson, 30.11.2007 kl. 18:37]

Loksins ,einhver sem er sammála mér ----
Alltaf ef ég ég er spurður um fótbolta ,þá svar ég -  " ég veit það ekki - ég er gagnkyhneigður "
Og upp í stúku eru full af öðrum karlmönnum ,þétt saman.
Þeir bara þora ekki að koma úr skápnum.

[Magnús Orri Einarsson (IP-tala skráð) 30.11.2007 kl. 19:34]

Eins og talað út úr mínu hjarta, til helvítis 100 sinnum með allar íþróttir.

[Kári Auðar Svansson (aka Swami Karunananda (IP-tala skráð) 30.11.2007 kl. 22:36]

Þessi pistill er náttúrlega rakin snilld; ég man ekki hvenær ég hef hlegið jafn mikið.

[Ágúst Hjörtur , 30.11.2007 kl. 22:57]

Alger snilld - ég get svo svarið það að ég hef heyrt þessa lýsingu hans Ómars og Bubba taka undir af ekki minni aðdáun. Og ég sem hélt ég væri eitthvað "hinsegin" að fatta ekki þennan fótbolta.

[FLÓTTAMAÐURINN, 1.12.2007 kl. 01:18]

Ég er nú búinn að gleyma hvað bókin þín hét sem ég fékk í jólagjöf fyrir nokkrum árum og innihélt þennan snildar pistil. Af öllum góðu punktunum sem voru í henni þá hélt ég mest uppá þennan og þó svo að þetta sé sett fram í gríni þá er þetta assgoti nálægt sannleikanum.

En ég verð að játa að ég varð fyrir vonbrigðum að sjá sjálfan Stormskerinn vera með yfirfroðubloggaran stebbafr sem bloggvin

[Fríða Eyland, 1.12.2007 kl. 19:02]

Ég skil þennan pistil hjá þér, sem ræðu antisportista með hommafóbíu, það er margt í mörgu...eða er ekkert til í því.

[Gamli (IP-tala skráð) 2.12.2007 kl. 17:55]

Hahahahaha

[Ásgeir Rúnar Helgason, 2.12.2007 kl. 20:18]

Winston Churchill varð rúmlega 90 ára. Þegar hann varð áttræður var hann spurður að því í fjölmiðlaviðtali hverju hann þakkaði þennan háa aldur:

"Það eru íþróttirnar", - svaraði Churchill, - "ég stundaði þær aldrei".

[gaur (IP-tala skráð) 3.12.2007 kl. 13:06]

ég heyrði að þú værir sveittur perri sem, sem værir búin að gera hræðilega hluti sem ég ætla ekki að nefna hér..enda veit ég ekki hvort þetta er satt eða ekki...

[eikifr (IP-tala skráð) 3.12.2007 kl. 21:17]

Sverrir, þú ert svo mikið rassgat!  Haltu því áfram 

[Gunn! (IP-tala skráð) 4.12.2007 kl. 00:42]

Á ég að fucking lemja þig! að stunda íþrótt er gegjað! Tea-Kwon-Do er málið og fleiri bardagalistir. þegar maður er að berjast í þessum íþróttum er aðeins 1 sem meður er með á heilanum! það er að rústa hinum eins og hægt er! ég hef verði í þessu og hef verið nokkuð ílla lamin! 2 sinnum í röð örmagna eftir 2 tvegja lotu bardaga. sem ég tapað, en sú ástæða er að sá fyrri var bara svo miklu betur studur og hann var í betra formi og allt það eftir þan bardaga var ég gjörsamlega búinn en ég byrjaði ekki að finna fyrir neinu! ekki einu sinni 4 högum í hausin og 1 í vinstra eistað! það var ekki fyrr en ég var búinn að kepa seinni bardagan þar sem ég fór af vellinum og datt á gólfið vegna álags. svo 10 mín. seina var ég aðeins byrjaður að finna fyrir verkjum. þetta er bara gaman og að vera með svo mikin fókus á ein áhvein hlut og finna ekki fyrir neinu. ekki einu sinni 4 spörkum í haus er magnað!

þú ættir að prufa eithvað áður en þú ferð að blaðra!

[Sammi (IP-tala skráð) 4.12.2007 kl. 00:47]

Vóv, Gunn! ætti að prufa réttritun áður en að hann fer að blaðra...

[Judo maður! (IP-tala skráð) 4.12.2007 kl. 21:19]

þú þarft samt ekkert að vera með fordóma geng þeim sem æfa Judo og eru ekki hommar!! þú veist væntanlega fátt um þessa íþrótt.Miðað við hversu asnalega þú lýsir þessu

[Sævar Einarsson, 5.12.2007 kl. 00:07]

Þvílík BOMBA, segi það og skrifa það BOPA! það er nauðsynlegt að kíkja hérna amk einusinni á dag til að koma sér í gott skap, takk kærlega Sverrir fyrir stórkostlega pistla.

[Beygla (IP-tala skráð) 5.12.2007 kl. 02:38]

Ég held að þú ættir bara alfarið að sleppa því að gagnrýna aðra.

[arnar (IP-tala skráð) 7.12.2007 kl. 04:19]

sverrir storm what? eg hef aldre heyrt um þig og að lesa þetta segjir bara eitt þú ert feitur nennir ekki að hreifa þig og öruglega varst eitthvað leiður þegar þú varst alltaf valin siðastur i lið er ég ekki bara segja algjöran sanleikan.... með að segja svona lækkaru þig svo niður að þessar pælingar skuli koma i hausin á þér við að horfa á íþróttir himmin þinn!!!

[aranr (IP-tala skráð) 7.12.2007 kl. 04:20]

hommi meinti eg

[Sighvatur (IP-tala skráð) 10.12.2007 kl. 22:18]

Hvernig væri að setja aldurstakmörk inn á þessa síðu. Mér sýnist hálfur fermingarárgangurinn vera hágrátandi og sárir yfir þessari færslu þinni. Ég hélt nú tækju bara til sín sem ættu.

[Sighvatur (IP-tala skráð) 10.12.2007 kl. 22:24]

Síðasta setningin átti auðvitað að hljóða svona: Ég hélt nú að þeir tækju bara til sín sem ættu.