Sannkristnir fjöldamorðingjar í Hvíta Húsinu

Senn lætur Bush af embætti forseta Bandaríkjanna. Hann segist útvalinn af guði til að leiða mannkynið í ljósið, - og er þá líklega að tala um hið skæra ljós kjarnorkusprengjunnar. Gáfnaljósið Bush hefur ekki drepið nema um nokkra tugi þúsunda óbreyttra borgara í Írak, sem þykir frekar slappur árangur hjá svo trúuðum leiðtoga.

 

 

                                                                                   Ljós heimsins

 

Næsti forseti Bandaríkjanna verður John McCain sálugi sem er með annan fótinn í gröfinni. Þegar báðir fæturnir verða komnir þangað þá tekur varaforsetinn Sarah Palin við en hún er sannkristin mannvitsbrekka einsog Bússi.

 

 

 

Hún vill engin höft á byssueign. Segir að stríðið í Írak sé verk guðs. (Það er reyndar verk Bússa en hann er handbendi guðs). Hún hafnar gróðurhúsaáhrifunum. Er á móti hjónaböndum samkynhneigðra. Er fylgjandi dauðarefsingum. Er afar stolt af því að sonur sinn sé slátrari í Írak. Drepur dýr, sem skotveiðisjúklingur, sér til skemmtunnar. Er skilyrðislaust á móti fóstureyðingum. Vill bara drepa fædda einstaklinga, enda sannkristin manneskja. Segir að stríð við Rússa komi vel til greina. Hafnar þróunarkenningunni og vill að við förum 200 ár aftur í tímann og förum að kenna sköpunarsögu Biblíunnar sem vísindi í skólum. (Ætli hún sé Íslendingur?) Hún sagðist hafa notað Gamla testamentið sem leiðarvísi um það hvernig hún ætti að stjórna Alaska. (Er Palin galin?) Þetta kallast víst í USA að vera til hægri. Ég kalla þetta að vera með hausinn á bólakafi uppí borunni á sér.

(Vel að merkja: Þótt ótrúlegt megi virðast þá er allt sem hér er sagt um Palin satt og rétt. Engar lygar. Engar blogdylgjur og rugl!)

 

Þessi pistill birtist í 24 stundum, 20. september.

 

Gestur minn í síðasta þætti "Miðjunnar" á Útvarpi Sögu fm 99.4 var Jóhann Helgason. Í dag milli kl. 16:00 og 18:00 kemur hinn helmingurinn, semsé Magnús Þór Sigmundsson. Þau eru ófá góðu lögin sem steinliggja eftir Magga. Spurningarnar eru ekki færri sem brýnt er að fá svör við: Eru álfar kannski menn? Hvar er sveitin mín? Hvar er hóllinn minn? Hvar er húfan mín? Er Ísland land þitt eða mitt? Hvenær býstu við að Hómer Simpson verði forseti Bandaríkjanna?

Síðustu 2 þættir verða komnir inn á:  www.stormsker.net  í þessari viku.

Athugasemdir

[Gulli litli, 24.9.2008 kl. 09:41]

Meigi guð geyma Bush.....inni í skáp.

[DoctorE (IP-tala skráð) 24.9.2008 kl. 09:51]

Kristni lækkar greindarvísitölu allmikið, hækkar sjálfselskustaðla upp úr öllu valdi.
Kristni er það afl sem á hvað besta möguleika á að koma okkur öllum í gröfina, þetta er ekki fagnaðarerindi heldur dómsdagsspá hin versta.
Forsendur fyrir því að súperhetja þeirra hann Jesú komi er að heimurinn sé ein rjúkandi rúst, trúir því einhver að slíkur boðskapur sé fagnaðarerindi...

Og BTW Jesú sagðist ætla að koma aftur og hitta lærisveinana.. þessa original en svo kom hann ekki.... þetta er svona svipað og ef ég myndi segjast ætla að hitta Sverrir og svo kæmi ég ekki.... en ættingjar Sverris myndu bíða í 2000 fokking ár eftir mér... klikkun í þessu kristna liði
Ekki láta ljúga að þér að kristni sé fagnaðarerindi... þetta snýst um það eitt að Sússi komi svífandi þegar við erum öll að drepast úr hungri, stríðum bla... hann kemur og sogar ofurkrissa upp til himna með risa ryksugu, síðan sitja þeir á skýi og hlæja sig máttlausa yfir okkur hinum sem trúum ekki á ævintýri.
Svo fer Sússi af stað og gerir 1000 ára ríkið alveg eins og Hitler..... 1000 ár var eilífð í gamla daga þegar ruglukollarnir skrifuðu biblíu :)

Vaskalaviskalænen

[365, 24.9.2008 kl. 12:57]

Minn kæri Stormsker, ef henni líður vel með hausinn sinn í borunni sinni, þá gerir hún ekki mikið á meðan.

[Jón Valur Jensson, 24.9.2008 kl. 13:11]

Sjálfur svaraði ég þessum fáránlega hlutdræga, efnisbrenglaða baksíðupistli með vefgrein á Vísisbloggi: Oflátungslegt tal Sverris Stormskers um kristna menn og repúblikana – stækkar það hann?

[DoctorE (IP-tala skráð) 24.9.2008 kl. 13:22]

æi JVJ ef Palin væri múslími þá myndir þú skrifa óteljandi bölgreinar um hana, þú samþykkir alla sem svala ef þeir trúa á sama galdrakarl og þú... úps reyndar er galdrakarlinn þinn sá sami og hjá múslímum.
Þú samþykkir alla sem eiga sömu ævintýrabók og þú sjálfur.

[Óskar Helgi Helgason (IP-tala skráð) 24.9.2008 kl. 14:41]

Komið þið sæl !

Jón Valur ! Því miður; verð ég, að taka undir, með Sverri, sem mörgum annarra hér, á síðu. Hygg vera; að blóð- og dauðaslóð Bush og fylgjara hans, hafi lítt komið, ört fækkandi kristnum mönnum í Mesópótamíu (Írak), hverjir þar hafa verið fyrir, frá öndverðu kristninnar, til nokkurs gagns, hvað þá öðrum landsmönnum þar, um slóðir.

Óhætt er; að fullyrða, að bjánaskapur Vesturlanda, oftlega, með fulltingi NATÓ samsteypunnar, sem og,, að því er virðist, eðlislæg nýlenduhyggja vestrænna þjóða, margra,, hafi komið ennþá meiru illu til leiðar, þar, sem víðar um heim.

Ekki endalaust; hægt, að hengja hatt NATÓ ismans, á herðar Rússa, fyrir það, sem gömlu Sovétríkin stóðu fyrir, á sínum tíma, þótt svo, mjög líklega, stórvinur minn, til áratuga, Jón Valur, sem margir skoðanasystkina hans, kunni að reyna svo. gott fólk. 

Með beztu kveðjum, úr Árnesþingi /

Óskar Helgi Helgasn, frá Gamla Hrauni og Hvítárvöllum    

[Ómar Ingi, 24.9.2008 kl. 18:07]

Það taka allir undir með Sverri enda íslendingar sem neyddir hafa verið til Trúar.

[DoctorE (IP-tala skráð) 24.9.2008 kl. 21:22]

Mögulegur forseti tekur á móti vörnum gegn göldrum og galdranornum, þetta er eitthvað sem félaga JVJ lýst vel á... svona ef maður spáir í öllu særingar og djöfla dæmi kaþólikka
http://doctore.blog.is/blog/doctore/entry/651484/

Mér prívate og persónulega lýst ekki á blikuna :)

[Óskar Helgi Helgason (IP-tala skráð) 24.9.2008 kl. 21:57]

Komið þið sæl; á ný !

Ágæti; DoctorE, nafnleysingjaskratti góður !

Algjör óþarfi; að gera Jóni Val upp skoðanir. Ég þekki Jón Val betur en svo; að hann sé líklegur, til særinga, hvað þá annars kukls, tek samt undir, með þér, Doctor góður, að líkast til, megi telja Bush, og hans hirð, einhverja ógeðfelldastu skrumara og loddara, síðan Atli heitinn Húnakonungur var á dögum, og er þá mikið sagt.

Les oftsinnis, síðu fjanda þinn, Doctor góður, og sýnist, þrátt fyrir allt, sem þú eigir oft góða spretti, í umræðu ýmissi.

Með beztu kveðjum, sem jafnan /

Óskar Helgi Helgason 

[Anna Benkovic Mikaelsdóttir, 24.9.2008 kl. 23:07]

Takk kæru bloggarar...flestir að þagga niður í ömurlegum skoðunum Jóns Vals (tala sem samkynhneigð) með því að svara engu!....Takk , takk!

[Jón Valur Jensson, 25.9.2008 kl. 00:41]

Var Atli Húnakóngur skrumari? Ég hélt hann hefði látið verkin tala. Og Óskar minn, áttaðu þig á því, að "DoctorE" er hvorki doktor né læknir, það sést á rithætti hans.

[Óskar Helgi Helgason (IP-tala skráð) 25.9.2008 kl. 01:12]

Komið þið sæl; enn !

Jú; Jón Valur ! Atla tókst; með alls lags bragðvísi, að espa ólíklegustu nágranna sinna upp, gegn Vestur- Rómverska ríkinu, eins og við munum ágætlega, Jón minn.

Hvað DoctorE snertir; verð ég að viðurkenna, að ég hefi nokkuð gaman af honum, og hans oftlega; ótrúlegustu hugmyndum, um þennan heim, sem og aðra.

Anna mín Benkovic ! Ekki; ekki hafa nokkrar áhyggjur af meiningum annarra, um samkynhneigð þína. Þú sjálf; sem manneskja og persóna, skiptir einvörðungu máli, sem framkoma þín öll, í þessu lífi. Öðrum varðar ekkert, um hneigðir þínar, né annarra. Það er einfaldlega einkamál, hvers og eins.

Sé ekki; að við, svokölluð gagnkynhneigð, séum neitt heilagri eða merkilegri, en annað fólk, í sjálfu sér, Anna mín. 

Með beztu kveðjum, sem fyrr /

Óskar Helgi Helgason    

[Helga Guðrún Eiríksdóttir, 25.9.2008 kl. 02:31]

Amen á eftir Nafna-efninu!

[Gísli Torfi, 25.9.2008 kl. 06:16]

I don´t make jokes. I just watch the goverment and report the facts.- Will Rogers

[Sindri Guðjónsson, 25.9.2008 kl. 18:59]

Fyndið hvernig framboð Mc Cain og Palin, virðist vera antithesa og algjör andstaða einstaklingshyggjunnar. Slagorðið á Mc Cain kosningaspjöldunum er "Country First". Bæði sósíalistar og þjóðernissinnar, vilja að einstaklingurinn sé tilbúinn að fórna sínum hagsmunum fyrir hagsmuni heildarinnar. Heildarhagsmunirnir koma fyrst. "Country First". Aftan á spjöldunum er slagorðið "Service".

[Sindri Guðjónsson, 25.9.2008 kl. 19:02]

Hérna er hægt að sjá myndir af "Country First" kosningaspjöldunum hans Mc Cain.

[nicejerk, 26.9.2008 kl. 22:42]

Frábær eins og alltaf.

Ég ætla að vona að margir muni eftir atvikinu þegar Al Gore stærði sig af því að hafa fundið upp Internetið, og þegar Dan Quayle  *leiðrétti stafsetningu* lítils skólastráks og breytti kartöflu í kartöflutá (potatoe). Mér sýnist á öllu að McCain muni væntanlega ættleiða uppfinninguna á frönskum kartöflum (sbr. prenti utaná McDonald frönskum).

Galin kvalin Palin & Stalin,

plús McCain and his fries 

 Kann einhver að bæta/botna þetta?