Ráðherrann talar!

themonkeyking_1024x768_747327.jpg

 

 

Ég tek ekki mikið mark á fuglahræðunum

sem mælast til ég ábyrgð taki á verkum mínum hér.

Ég komið hef mér fyrir vel í hæstu hæðunum,

- heimska að ég beri ábyrgð - hver kjósandi hana ber.

Ræsispakkið segir mér að misskipt sé gæðunum,

en mig það kaus, ég vinn mitt djobb, ég sker niður þetta sker.

Ég kæri mig ekk´um að aðlaga mig að kringumstæðunum,

- kringumstæðurnar ættu frekar að aðlaga sig að mér.

 

 

(Úr ljóðabók minni "Með ósk um bjarta framtíð" sem kom út árið 1997)

 

 

- - - - - - - - - - - - - - - - - - - - -- - - - - - - - - - - - - -

 

gunnar_dal.jpgGestur í þætti mínum "Miðjan" á Útvarpi Sögu fm 99.4 í dag, miðvikudag, kl. 16:00 til 18:00 verður enginn annar en heimspekingurinn, ljóðskáldið, rithöfundurinn, mannkynsfræðarinn, spámaðurinn og sundlaugavörðurinn Gunnar Dal, einn elsti núlifandi Íslendingur jarðarkringlunnar. Gunnar, sem er einhver fremsti kaffihúsaspekingur landsins, hefur reynt margt um dagana, ferðast út um allan miðbæ og komið víða við á löngum ferli, t.d. á Mokka, Sólon, Hótel Borg, Café Milano, Café Paris, Goldfinger og svo mætti lengi áfram telja. Hann ætlar að segja mér frá svaðilförum sínum og ævintýrum á þessum framandi stöðum og fræða mig um flottar blöðrur sem flest okkar höfum aðeins séð á dagatölum bifreiðaverkstæðanna.

Einnig mun ég spyrja hann um hinstu rök tilverunnar, t.d. tilgang lífsins og hver sé grundvallarmunurinn á Íslandi og Helvíti fyrir utan hitastigið og hvort að Jón Násker sé tröllið sem stal jólunum og hvort það margborgi sig ekki að fá jólin lánuð hjá honum í Hagkaup og hvort að Steingrímur J. Sigfússon og kommúnisminn sé ekki það sem koma skal í Rústlandi, - semsagt Íslandi.

 

Fyrri þætti má finna á:  www.stormsker.net


« Síðasta færsla | Næsta færsla »

Athugasemdir

1 Smámynd: Helga Guðrún Eiríksdóttir

Frábært að fá að heyra í Gunnari Dal. Hann er snillingur á heimsvísu! Hlakka til að hlusta. *Knús til þín, apaskott.*  

Helga Guðrún Eiríksdóttir, 10.12.2008 kl. 12:37

2 Smámynd: Ómar Ingi

Þetta ætti að verða afa hressandi og andlega gefandi  þáttur

Ómar Ingi, 10.12.2008 kl. 15:04

3 Smámynd: Siggi Lee Lewis

Þetta var helvíti gott viðtal! Alltaf gaman að tala við menn sem ná bara öðru hvoru orði sem maður segir!

Siggi Lee Lewis, 11.12.2008 kl. 00:36

4 Smámynd: Anna Ragna Alexandersdóttir

Gunnar man nú tímana tvenna þessi elska enda hefur hann safnað miklu í sinn reynslubanka ?Spurðu hann um sendiráðinn

Það er með ólíkindum allt það fé sem við skattgreiðendur erum að borga til sendiráða út um allan heim.

Þetta er opinber stofnun og ætti að vera gegnsætt fyrir okkur.

 Þannig að við sem þjóð fengum að sjá hvert okkar skattpeningar fara og líka að það sé sundurliðað.

Anna Ragna Alexandersdóttir, 11.12.2008 kl. 19:07

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband