Eva Hauksdóttir í viðtali hjá mér á Sögu í dag

Gestur minn í þættinum "Miðjan" á Útvarpi Sögu FM 99,4 í dag, miðvikudag, kl. 16:00 - 18:00 verður hin ljúfa galdranorn og skáldkona og klári hugprúði aðgerðarsinni Eva Hauksdóttir sem lætur ekkert stoppa sig í baráttu sinni fyrir örlítið skárri heimi.

Sem norn hefur hún stungið títiprjónum á bólakaf í marga brúðuna og eitrað margt eplið og bruggað margan seiðinn og gengið undir margan stigann og séð margan kolsvartan köttinn hlaupa yfir götu og nóg er víst af spegla-og rúðuglerbrotum í búðinni hennar.

Margar áríðandi spurningar brenna á frostbitnum kjötvörum landsmanna varðandi mótmælin og annað, einsog t.d:

Næst ekki hugsanlega mestur árangur með því að þaga í ca hálft ár niðrá vinstri guðsgrænum Austurvellinum og mæna á Alþingishúsið með kröfuspjöld? "HELVÍTIS FOKKING FOKK" hefur nú alltaf gefist vel. Er ekki best að mótmælendur séu aðgerðarlausir einsog ríkisstjórnin og stjórnarandstaðan?

Getur hún Eva breytt Geir Haarde úr froski í mann? Jafnvel froskmann? Getur hún breytt Ingibjörgu í trúverðugan pólitíkus? Getur hún breytt afturhaldsvandamálaflækjunni í kollinum á Steingrími J. í lausnir? Tók Ólafur Ragnar aðgerðaráætlunina "Sveltum Svínið" nærri sér? Hvað er hann þungur í dag eftir mótmælin? Getur maður fengið skriðdreka á góðum kjörum hjá Amnesty International? Er grímulaust ofbeldi stjórnvalda betra en grímuklædd mótmæli aktivista? Ef það yrði sett í gang aðgerð sem bæri yfirskriftina "Grillum Grísinn," hvor myndi þá fara á taugum, forsetinn eða Bónusfamelían? Eða er það kannski sama tó-pakkið? O.s.fr. Margs er að spyrja ef margt á að vita.

 

Fyrri þætti má finna á:  www.stormsker.net

Athugasemdir

[Vilhjálmur Örn Vilhjálmsson, 7.1.2009 kl. 14:38]

..... og þú situr greinilega alveg á nábrókinni af tilhlökkun yfir þessu. Misjafnt er manns gaman.

[Sverrir Stormsker, 7.1.2009 kl. 14:55]

Ég hef mjög gaman af Evu og finnst hún mjög virðingarverð fyrir margra hluta sakir. Hún er sem betur fer ekki þessi Denni dæmigerði. Nenni yfirleitt ekki svoleiðis fólki.

[Sigurður Sigurðsson, 7.1.2009 kl. 17:22]

Sæll Sverrir og þakka þér fyrir góða heimasíðu.  Vil bara benda þér á eitt, af því að þú ert með Evu og Sturlu í þættinum þínum.  Þetta  er listi yfir spilltustu lönd í heimi, við fáum ekki slaka einkunn þarna, bara nokkuð góða.   Við erum í 6. sæti yfir þjóðir heimsins, langt ofar langflestum ESB löndum sem allir eru að míga utan í um þessar mundir. En kannski er þetta bara spillt eftirlitsstofnun sem gerir úttektina.  Verð hinsvegar að segja að innihald  í rökum Evu og Sturlu er alveg út í hött.  Þvílíkt bull um anarkisma o.s. frv.  Og Sturla er náttúrulega bara ga-ga.  Af hverju svara þau ekki spurningum þínum um það hverjir eiga að taka við.  Er það kannski Hörður Torfa ???

1 New Zealand 9.4 9.2 - 9.6 6

Denmark 9.4 9.2 - 9.6 6

Finland 9.4 9.2 - 9.6 64 Singapore

9.3 9.0 - 9.5 9

Sweden 9.3 9.1 - 9.4 66 Iceland

9.2 8.3 - 9.6 6

7 Netherlands 9.0 8.8 - 9.2 6Switzerland

9.0 8.8 - 9.2 6

9 Norway 8.7 8.0 - 9.2 6Canada

8.7 8.3 - 9.1 6

11 Australia 8.6 8.1 - 9.0 812 Luxembourg

8.4 7.7 - 8.7 5

United Kingdom 8.4 7.9 - 8.9 614 Hong Kong

8.3 7.6 - 8.8 8

15 Austria 8.1 7.5 - 8.7 616 Germany

7.8 7.3 - 8.4 6

17 Japan 7.5 7.1 - 8.0 8Ireland

7.5 7.3 - 7.7 6

19 France 7.3 6.9 - 7.8 620 USA

7.2 6.5 - 7.6 8

21 Belgium 7.1 7.1 - 7.1 622 Chile

7.0 6.5 - 7.4 7

23 Barbados 6.9 6.6 - 7.1 424 Saint Lucia

6.8 6.1 - 7.1 3

25 Uruguay 6.7 6.4 - 7.0 5Spain

6.7 6.2 - 7.0 6

27 Slovenia 6.6 6.1 - 6.9 828 Estonia

6.5 6.0 - 7.0 8

Portugal 6.5 5.8 - 7.2 630 Israel

6.1 5.6 - 6.7 6

Saint Vincent and the

Grenadines 6.1 4.0 - 7.1 3

32 Qatar 6.0 5.4 - 6.4 4

33 Malta 5.8

[Sverrir Stormsker, 8.1.2009 kl. 10:09]

Þetta er bráðfyndin niðurstaða SISI. Ef að erlendir sérfræðingar myndu fara alveg ofaní saumana á íslenska gjörspillingarþjóðfélaginu þá yrðu þeir fljótir að girða landið af einsog hvert annað sýklabæli. Og svo Þegar þeir væru búnir að fara í nokkra leiðangra ofan í spillingardrulludýkið með súrefniskút á bakinu þá myndu þeir gefast upp og bera eld að öllu saman. Þeir myndu sjá að það væri ekki í mannlegu valdi að þrífa klósett einsog Ísland.