Raddir Harðar og hjarðarinnar

Hörður Torfa gengur hnarreistur að ræðupallinum á Austurvelli í passlega alþýðlegum verkamannafrakka sem hann krumpaði vel og vandlega heima hjá sér áður en hann lagði af stað. Hann er nýkominn úr viðtali við DV þar sem hann sagði orðrétt: „Það kemur ekki að þessum palli fólk sem hefur unnið fyrir stjórnmálasamtök."  Þessi orð hans klingja ekki í höfðinu á honum þegar hann fer að handvelja úr hópnum fólk sem má tala:

„Nei blessaður Einar Már, ert þú ekki örugglega ennþá í Vinstri grænum? Gott. Þá máttu tala. Nú og þið eruð hérna líka mætt, allt kommagerið: Pétur Tyrfings og Kristín Tóma, systir Sóleyjar og Katrín Odds og Viðar Þorsteins. Flokksbundin og flott. Í rétta flokknum. Glæsilegt. Þið megið tala. Ég vil nefnilega að mikill meirihluti frummælenda sem ég leyfi að tala hérna á pallinum séu í Vinstri grænum eða tengist þeim með einum eða öðrum hætti svo að mótmælin beinist í rétta átt. Við verðum að hagnýta okkur harmleik fólksins og nota þessi mótmæli til að koma Vinstri grænum til valda."

Það er bankað í bakið á Herði og hann snýr sér við og segir undrandi:

-  „Blessaður. Er þetta ekki bara sjálfur Steingrímur J.?"

-  „Nei, ég heiti Georg Bjarnfreðarson. Það er þarna einhver smá miiisskilningur á ferðinni. Okkur er oft ruglað saman. Ég myndi nú gjarnan vilja fá að tala á þessum fundi. Ég er með 5 háskólagráður: Í félagsfræði, sálfræði, kommúnis......"

-  „Og ertu örugglega í Vinstri grænum?"

-  „Já, það er ég. Ég er einsog melóna; grænn að utan en rauður að innan. Ég er meiraðsegja með merki kommúnista hérna í barminum, sigð og kamar."

-  „Nú þá er þetta ekkert mál. Þá færðu að tala. Þið hér sem ég er búinn að velja úr megið öll tala á eftir og á meðan þið talið þá ætla ég að standa beint fyrir aftan ykkur á sviðinu þannig að ég verði örugglega í mynd. Ævisaga mína var nefnilega að koma út, þið skiljið. En fyrst tala ég náttúrulega. Þetta eru nú einusinni mín mótmæli þó þau séu í þágu allra kommúnista."

Leiklistarmenntunin kemur sér vel þegar hann gengur ábúðarmikill uppá pallinn og stillir sér upp fyrir framan míkrafóninn með allan heiminn á herðunum. Hann setur í brýrnar og horfir um stund þjáningarfullu heimsósómaaugnaráði yfir soltinn múginn sem þyrstir í lausnir og æðri visku. Loks hefur hann upp raust sína:   

 

Hörður:  „Viljum við ríkisstjórnina BURRRT?!"

Hjörðin:  „JÁÁÁÁÁÁ!"

-  „Viljum við spillinguna BURRRT?!"  

-  „JÁÁÁÁÁ!"

-  „Viljum við kapítalismann BURRRT?!"

-  „JÁÁÁÁÁ!"

-  „Viljum við frjálshyggjuna BURRRT?!"

-  „JÁÁÁÁÁ!"

-  „Viljum við einkavæðinguna BURRRT?!"

-  „JÁÁÁÁÁ!"

-  „Viljum við frjálsa samkeppni BURRRT?!"

-  „JÁÁÁÁÁ!"

-  „Viljum við einstaklingsframtakið BURRRT?!"

-  „JÁÁÁÁÁ!"

-  „Viljum við frelsi einstaklingsins BURRRT?!"

-  „JÁÁÁÁÁ!"

-  „Viljum við mannlegt eðli BURRRT?!"

-  „JÁÁÁÁÁ!"

-  „Viljum við gamla spillta Ísland BURRRT?!"

-  „JÁÁÁÁÁ!"

-  „Viljum við gömlu ónýtu flokkana BURRRT?!"

-  „JÁÁÁÁÁ!"

-  „Viljum við nýtt og ómengað Ísland?!"

-  „JÁÁÁÁÁ!"

-  „Viljum við Vinstri græna?!"

-  „JÁÁÁÁÁ!"

-  „Viljum við kommúnisma?!"

-  „JÁÁÁÁÁ!"

-  „Viljum við að Ísland verði Kúba norðursins?!"

-  „JÁÁÁÁÁ!"

-  „Viljum við forsjárhyggju og afturhald?!"

-  „JÁÁÁÁÁ!"

-  "Viljum við alla skynsemi BURRRT?!"

-  "JÁÁÁÁÁ!" 

-  "Viljum við fara að ferðast um í uxakerrum?!"

-  "JÁÁÁÁÁ!"

-  „Viljum við eftirlaunaforréttindi ráðamanna BURRRT?!"

-  „JÁÁÁÁÁ!"

-  „Viljum við Steingrím J. Sigfússon sem studdi eftirlaunafrumvarpið?!"

-  „JÁÁÁÁÁ!"

-  „Viljum við gjafakvótakerfið BURRRT?!"

-  "JÁÁÁÁÁ!"

-  „Viljum við Steingrím J. Sigfússon sem styður gjafakvótakerfið?!"

-  „JÁÁÁÁÁ!"

-  „Viljum við sérréttindi kvenna og kynjakvóta BURRRT?!"

-  „JÁÁÁÁÁ!"

-  „Viljum við ofurfemínistann Steingrím J. Sigfússon sem styður sérréttindi kvenna og kynjakvóta?!"

-  „JÁÁÁÁÁ!"

-  „Viljum við frelsi til að drekka bjór eins og aðrar þjóðir?!"

-  „JÁÁÁÁÁ!"

-  „Viljum við Steingrím J. Sigfússon sem studdi bjórbannið og vildi bjórinn BURRRT?!"

-  „JÁÁÁÁÁ!"

-  „Skál fyrir því! Viljum við Stóra Bróður BURRRT?!"

-  „JÁÁÁÁÁ!"

-  „Viljum við Steingrím J. Sigfússon sem heimtar netlögreglu!?"

-  „JÁÁÁÁÁ!"

-  "Viljum við allt klám BURRRT?!"

 -  "JÁÁÁÁÁ!"

-  "Viljum við eina lögreglu í hvert svefnherbergi?!"

-  "JÁÁÁÁÁ!"

-  „Viljum við boð og bönn og höft á öllum sviðum mannlegs lífs?!"

-  „JÁÁÁÁÁ!"

-  "Viljum við þindarlaus ríkisafskipti og óbærileg leiðindi? 

-  "JÁÁÁÁÁ!"

-  „Viljum við VINSTRI GRÆNA?!"

-  „JÁÁÁÁÁ!"

-  „Viljum við flokk sem hefur akkúrat ENGAR lausnir á vandanum?!"

-  „JÁÁÁÁÁ!"

-  „Viljum við sama skítinn, bara úr öðru rassgati?!"

-  „JÁÁÁÁÁ!"

-  „Viljum við Vinstri græna með þá Steingrím J. Sigfússon, Kolbrúnu Halldórsdóttur, Martein Mosdal og Georg Bjarnfreðarson í broddi fylkingar til að stjórna þessu landi?!"

-  "JÁÁÁÁÁ!"

-  „Vinstri grænir eru núna með 30% fylgi. Viljum við kosningar STRAX?!"

-  „JÁÁÁÁÁ!"

-  „Ég spyr aftur: Viljum við kosningar STRAX?!"

-  „JÁÁÁÁÁ!"

-  „Viljum við fara BURRRT úr öskunni og BEINT í eldinn og það STRAX?!"

-  „JÁÁÁÁÁ!"

-  „Örvitar allra landa sameinist: HÚRRA! HÚRRA! HÚRRA! HÚRRAAAAA!!!!!!!!!"

Hörður: Mótmælin rétt að byrja

Athugasemdir

[DoctorE (IP-tala skráð) 12.1.2009 kl. 17:41]

[Baldur Hermannsson, 12.1.2009 kl. 18:08]

Úff, fékk krampa í magann....................

[Steingrímur Helgason, 12.1.2009 kl. 19:51]

Eðlilega, genatízkt & innrætt & sem oftazt, ertu zlæmur ...

En þegar þú ert góður, þá ertu nú verulega góður....

[Jóhanna Magnúsar- og Völudóttir , 12.1.2009 kl. 20:18]

Minnir á mynd sem sýnd er í bíó núna "Yes-Man" ..

[Óskar Þorkelsson, 12.1.2009 kl. 20:20]

einhvernveginn hefur þessi áróður VG farið framhjá mér en ég hef mætt á amk 10 af austurvallafundunum hans Harðar.. 

hinsvegar hefur mér þótt hróplega aumt hvað fólk er viljugt til að láta taka sig í þurtt af stjórnvöldum og sitja bara heima atvinnulaust og grenja í stað þess að mæta og sýna það að því sé ekki sama.

Hvernig væri Stormsker að þú mættir og héldir eina ræðu eða svo ? 

[Baldur Hermannsson, 12.1.2009 kl. 20:22]

Ef Meistari Stormsker heldur ræðu þá mæti ég.

[Ómar Ingi, 12.1.2009 kl. 20:55]

Er þetta textinn við nýjasta raullagið hans ?

[Hjalti Þór Sveinsson (IP-tala skráð) 12.1.2009 kl. 21:07]

Þetta er tær snilld hjá þér. Endurspeglar algjörlega það sem er að gerast á þessum Komma fundum

[Sverrir Stormsker, 12.1.2009 kl. 22:25]

Sælt veri fólkið. Ég hef haldið ófáar mótmælaræðurnar í útvarpinu og þær ná eyrum um 80.000 manna samkvæmt mælingum, og ég skal halda ræður hvenær sem er á Austurvelli, en það eru akkúrat ENGAR líkur á að ég verði beðinn um það af Stjórnandanum sem handvelur sitt fólk sem má tala þarna og ekki ætla ég að fara að ryðjast uppá svið og trufla kremlólógíuna.

Þar fyrir utan þá held ég nú að það séu ekki ræðuhöld sem veki stjórnmálamenn. Held að það sé fullreynt.

[Jón Agnar Ólason, 12.1.2009 kl. 22:28]

Það má eflaust hafa ýmsar skoðanir á þessum pistli, en þeir sem ekki geta brosað út í annað (eða hlegið þangað til þá verkjar í magann eins og ég gerði) hljóta að heita Steingrímur eða Georg eða Marteinn . . .  og hananú.

[Heidi Strand, 12.1.2009 kl. 23:10]

Sammála Óskari
Ég hef mætt á 13 fundum og þar hefur aldrei verið flokkspólitískur áróður.
Þetta er breiðfylking fólks úr öllum stéttum samfélagsins.

Þeir víta mest um þessir fundir sem aldrei mæta á þá.

Frjálshyggjan er að breyta Ísland í Kúba norðursins.

Sverrir þú skalt bjóða þig fram í að halda ræðu. 

[Sverrir Stormsker, 12.1.2009 kl. 23:36]

jamm og jamm og jamm og já. Sjá svar númer 9

[Jónas Jónasson, 13.1.2009 kl. 00:17]

Stórkostleg skemmtun um blákaldan raunveruleika þar sem verið er að handrukka valdið svo kúgun geti hafist.

[Anna Ragna Alexandersdóttir, 13.1.2009 kl. 03:07]

Fullur salur í Háskólabíó Senda frétt Upplestur á frétt Senda á Facebook Blogga um frétt Bloggað um fréttina Ástþór Magnússon Wium Sjálfstæðismenn óttast að verða bornir út af… Jenný Anna Baldursdóttir Er enginn með snert af eðlilegri siðferðiskennd? Hákon Einar Júlíusson Það þarf ekki að spyrja neitt. Jóna Kolbrún Garðarsdóttir Ég hlakka ti þess að horfa Stefán Friðrik Stefánsson Hrollvekjandi spá hjá Wade - vonin og óttinn Anna Ragna Alexandersdóttir Sigurbjörg Sigurgeirsdóttir og D- stóllinn auður… Egill Jóhannsson Lýðveldisbyltingin: Stofnun, þróun og tortíming Hólmdís Hjartardóttir Auður stóll í Háskólabíói /ræðumanni hótað af… Margrét Óskarsdóttir Æðislegt Baldvin Jónsson Kraftmikill fundur í kvöld - stútfullur af… Sigurður Jón Hreinsson Helvítis Fokking Fokk Sylvía Sorglegt að þessu skyldi ekki sjónvarpað beint Heiða B. Heiðars Að fórna sér fyrir málstaðinn. Arnþór Sigurðsson Sófamótmæli. Heimir L Fjeldsted Hvað á Guðlaugur Þór Þórðarson við? Haraldur Hansson Nýársheit og aðrar hótanir Árni B. Steinarsson Norðfjörð Lífskjörin sem við verðskuldum? Ridar T. Falls 6 orða saga #483 (Lögreglan telur) Guðrún Jónína Eiríksdóttir Fullt hús. Vilborg G Hansen Hlustaði á Robert Wade í kvöld - staðan er… Magnús H Traustason Háskólabíó Friðrik Björgvinsson Hvernig sjáum við framtíðina? Víðir Benediktsson "það liggur alveg fyrir" Þór Jóhannesson Wade, Aliber, Pál Skúlason og Njörð P. Njarðvík í… Jón Halldór Guðmundsson Merkileg umræðuefni! Evert S Áskorun á Alþingis vegna styrkja til… Baldur Hermannsson Loksins vitsmunaleg mótmælahreyfing Sigurbjörg Eiríksdóttir Breytt Ísland. Páll Höskuldsson Ríkisstjórn á að segja af sér strax Asdis Sig Endilega lesið þessa færslu "sófamótmæli" Helga R. Einarsdóttir Ef ekki verður brugðist við fer allt í kaldakol Friðrik Þór Guðmundsson Sófamótmæli Andspyrnuhreyfingar alþýðunnar... Fleiri Vel er mætt á

[Anna Ragna Alexandersdóttir, 13.1.2009 kl. 03:08]

Vildi bara láta vita að D-sætið var autt í kvöld.

[Kjartan Pétur Sigurðsson, 13.1.2009 kl. 05:28]

Hvernig væri að fá eina stóra haugsugu fulla af vel lyktandi svínamykju og úða yfir hið háa Alþingi. Þá fengist lykt sem hæfði vel þeim sem sitja þar inni.

[Sverrir Stormsker, 13.1.2009 kl. 08:11]

Jónas. Þá fyrst byrjar ballið.

Kreppukarl. Nýir vendir sópa best 

Fengið af vef Fréttasíðu götunnar

[Sverrir Stormsker, 13.1.2009 kl. 08:19]

Anna. Athugasemd nr. 15 er mjög greinargóð skýring á ástandinu. Málið er í skoðun.

Varðandi ath.s. nr. 16 þá er ég viss um að Geir Hornef hefði mætt ef það hefði verið stillt upp rúmi fyrir hann en ekki stól.

Kjartan. Held það sé meira áríðandi að loka öllum gluggum í Alþingishúsinu vel og vandlega svo að ýldustækjan berist ekki út á götu.

[Sigurbjörn Friðriksson, 13.1.2009 kl. 10:54]

Nú er tími til að endursýna Dýrabæ (Animal Farm) hans Georgs Orwell aftur....og aftur....og aftur......o.s.frv.

Sverrir Stormsker;  Þú gleymdir í upptalningunni um "í broddi fylkingar" Kolbrúnu nokkurri Halldórsdóttur til að tryggja að bæði kynin gengju í eins fötum frá fæðingu til grafar.

Kveðja, Björn bóndi 

[Hulla Dan, 13.1.2009 kl. 11:45]

Ómg (grenj úr hlátri)

[Sverrir Stormsker, 13.1.2009 kl. 12:02]

Já Kolbrún kemur alltaf gríðarlega sterk inn. Hún myndi samt örugglega vilja láta banna orðalagið: "í broddi fylkingar." Allt of dónalegt. Hreint og beint klám. Allt svonalagað þarf að banna í snarhasti.

[LM, 13.1.2009 kl. 14:17]

Snilld, góð lýsing á hóprunkinu.

Eina sem ég hef við að bæta er Ömmi sem vill helst láta rúlla yfir allt og alla á valtara svo það standi örugglega enginn upp úr hópnum ...

[Helga Guðrún Eiríksdóttir, 13.1.2009 kl. 14:32]

-Var þetta samt ekki örugglega allt Dabba að kenna..?

[Sverrir Stormsker, 13.1.2009 kl. 15:48]

LM, (helvíti myndastu vel), það eru sumir hér í bloggheimum alveg sárhneykslaðir yfir því að það skulu ekki mæta fleiri en ca hálf Laugardalshöll niðrá Austurvöll á hverjum laugardegi til að þegja. Þeir halda að himnarnir muni opnast með englasöng og lúðrablæstri og stjórnin hrökklast frá völdum ef að 10.000 manns munu mæta til að þegja og hlusta á rauðþrútnar ræður. Þetta er búið að ganga svona í 14 vikur

Ef það er eitthvað sem stjórnvöld vilja þá eru það nákvæmlega svona kettlingamótmæli. Geieieieieisp.

Helga, hvernig spyrðu? Að sjálfsögðu er þetta allt Dabba djöfli að kenna og engum öðrum. Ekki færu Baugsmiðlarnir að ljúga!!

[Þórarinn Sigurðsson, 13.1.2009 kl. 16:30]

Þetta var viðurstyggilega fyndið. Jafnvel ósiðlega fyndið.

[Frosti Heimisson, 13.1.2009 kl. 17:22]

Svoooo rétt meistari Sverrir.  Hárrétt!  Með harðsperrur af hlátri yfir bláköldum raunveruleikanum.

[Guðmundur Jónsson, 13.1.2009 kl. 17:35]

Þetta er tær snilld, takk fyrir skemmtunina stormsker.

[Kreppa Alkadóttir., 13.1.2009 kl. 18:01]

Spot on, silld þessi færsla hjá þér hahaha

[Lísa Björk Ingólfsdóttir, 14.1.2009 kl. 02:04]

Ef þessi færsla er ekki tær snilld þá er tær snilld ekki til.........

[sandkassi (IP-tala skráð) 14.1.2009 kl. 02:15]

Sama snilldin og alltaf Sverrir, ég las pistilinn upp fyrir alla familíuna og mannskapurinn veinaði úr hlátri.

Annars er ekkert skrýtið að þeir skuli handvelja svona á mælendaskrá. Ætla þessir menn ekki í framboð sjálfir?

[Sverrir Stormsker, 14.1.2009 kl. 08:15]

Þakka hugguleg komment gott fólk. Og þá er bara að drífa sig niðrá Austurvöll á laugardaginn og taka þátt í kosningaslag VG.  Það er hægt að fá fjöldaframleidd mótmælaskilti niðrá skrifstofu Vinstri grænna. Held hún sé á Suðurgötu. 

[Sverrir Stormsker, 14.1.2009 kl. 11:09]

Erlingur. Ég hef aldrei orðið var við óbrenglaða FRJÁLSHYGGJU hér á Klakanum. Ég hef orðið var við nauðgun á frjálshyggju en ekki frjálshyggju einsog hún kemur af kúnni.

Sú "frjálshyggja" sem hér hefur verið iðkuð er miklu meira í ætt við kommúnisma en þá frjálshyggju sem ég hef stúderað. Í frjálshyggjubókum stendur að það sé skynsamlegt að einkavæða ríkisbanka en Það stendur hvergi að það eigi að gefa þá útvöldum og einkavinavæða þá og að stjórnmálamenn eigi að vera með klærnar á kafi í þeim. Það er bara séríslenskt rugl og á ekkert skylt við frjálshyggju.

Frjálshyggjan talar um frjálsa samkeppni en minnist ekki orði á það eigi að veita fyrirtæki einsog Decode 20 milljarða ríkisábyrgð einsog gert var hér. Það er kommúnismi. Svona mætti áfram telja.

Ef Steingrímur J. og aðrir slíkir kjósa að kalla allt þetta séríslenska rugl "nýfrjálshyggju" þá er það alveg guðvelkomið.

Stundum, þegar nonsensið hefur keyrt um þverbak,  þá hef ég látið hvarfla að mér að kannski væri ekki svo galið að sameina Vinstri græna og Sjálfstæðisflokkinn.

[Sverrir Stormsker, 14.1.2009 kl. 11:27]

Erlingur. Gleymdi einu: Þar sem ég hef stúderað íslenskt mál afar lengi og vann við það á tímabili að yfirfara málfarið á háskólaritgerðum, t.d. fyrir bókmenntafræðinga, hagfræðinga, viðskiptafræðinga, sagnfræðinga o.s.fr. þá vil ég endilega að þú rökstyðjir það nánar hversvegna þú myndir gefa mér lága einkunn fyrir þessa grein "sérstaklega ef íslenskusjónarmið eru tekin inní myndina." Væri gaman að heyra það, sérstaklega út frá "faglegu sjónarmiði."

[Sverrir Stormsker, 14.1.2009 kl. 13:11]

Já já, ekki málið. Skil þig

[Jón Gerald Sullenberger, 14.1.2009 kl. 13:56]

Takk fyrir frábæra grein í Mogganum í dag.  You made my day.

Kv Jón Gerald Sullenberger

[Sverrir Stormsker, 14.1.2009 kl. 14:32]

Takk fyrir síðast Jón. Gott að maður skuli geta glatt einhverja á þessum síðustu og allra bestu tímum. Viðtalið er komið inn á:  www.stormsker.net

Var einmitt að horfa á myndböndin sem þú gerðir um Leppalúðana og leynifélögin.

Fræðandi hrollvekja.

[Karl Birgir Þórðarson, 14.1.2009 kl. 14:39]

AUMINGJA LITLU LÖMBIN,SUM ÞIKJA GOÐ TIL SLATRUNAR.

[Ransu, 14.1.2009 kl. 14:55]

Ef menn vilja leita afturábak að þá standa slagorðin FRELSI, JAFNRÉTTI, BRÆÐRALAG enn fyrir sínu.

Hugmyndin var og er:

ANDLEGT FRELSI

SAMFÉLAGSLEGT JAFNRÉTTI

EFNAHAGSLEGT BRÆÐRALAG

Í einhverri fljótfærni höfum við sleppt þessu ANDLEGA OG BRÆÐRALAGINU og tekið upp EFNAHAGSLEGT FRELSI.  Sitjum nú uppi með afleiðingarnar.

Auðvitað mótmælir fólk og vill fá menn undir fallöxina en getur lítið betra sagt en "Jáaa!" eða "Helvítis fokking fokk"

[Óðinn Þórisson, 14.1.2009 kl. 21:01]

Frábært - eitthvað fyndnasta sem ég hef lesið í langan tíma - vg mótmælin tekin í gegn

[Katrín Linda Óskarsdóttir, 15.1.2009 kl. 01:07]

Frábærlega rituð grein og skemmtileg Sverrir Stormsker

[Júlía Helgadóttir (IP-tala skráð) 15.1.2009 kl. 20:13]

Ég hló og hló og hló.  Frábær færsla!