Nú árið er liðið, sem betur fer

Núna erum við að sprengja burt gamla árið en á þessu nýja munum við vonandi sprengja burt gamla hyskið. Sprengjugnýrinn hér fyrir utan lætur sem fuglasöngur í mínum eyrum.

Árið sem nú er að líða byrjaði illa með áramótaávarpi forsætisráðherra og forseta en endaði nokkuð vel með huggulegum mótmælum. Árið endaði semsagt nokkuð gleðilega og vonarstyrkjandi þrátt fyrir árámótaskaupið. Þótt árið sé liðið þá er fárið ekki liðið, en á nýju ári verður vonandi stjórnarliðið og spillingarliðið liðið.

Myndin sem ég læt hér fylgja er áramótakveðja mín til gamla Íslands. Megi gott og byggilegt Ísland upp rísa. Undir okkur sjálfum komið, ef við náum að parkera þýlyndinu.

"Gleðilegt" og "farsælt" komandi ár. Það má eitthvað mikið gerast ef að þessi ósk mín á eftir að rætast, - en vonandi gerist eitthvað Mikið.

Athugasemdir

[Hallgerður Pétursdóttir (IP-tala skráð) 1.1.2009 kl. 00:36]

Sömuleiðis..Held aftur á móti að það sé ekki notalegt að fá þennan fingur upp í afturendann á sér. Myndin skilurðu?Fyrr má nú rota en skjóta .

[Óskar Þorkelsson, 1.1.2009 kl. 00:37]

Gleðilegt nýtt ár Stormsker og vonandi rætist ósk þín um nýja árið.

[Heidi Strand, 1.1.2009 kl. 00:53]

Gleðilegt nýtt ár og takk fyrir skemmtilegt blogg.

[Sævar Helgason, 1.1.2009 kl. 01:41]

Nú árið er lið sem betur fer ,segir þú  - það þýðir að þú átt árinu skemmra eftir meðal okkar- erum við svona leiðinleg ?  Ertu að flýta þér eitthvað ?  Hvert ?

En í alvöru , skrifin þín og kjaftháttur - gefa lífi okkar hinna - skemmtun og sýn á tilveruna. Takk fyrir það.

Gleðilegt nýtt ár

[Jack Daniel's, 1.1.2009 kl. 09:07]

Gleðilegt ár Sverrir og megir þú vaxa og dafna á nýjur ári.

Takk fyrir pistlana þína og útvarpsþætti á liðnu ári.  Gerir bara enn betur og meira af þessu á nýju ári.

[Heimir Tómasson, 1.1.2009 kl. 12:27]

Gleðilegt ár og komdu með fleiri pistla. Þeir ylja manni oft í næðingnum.

[Sverrir Stormsker, 1.1.2009 kl. 12:54]

Þakka ykkur gott fólk. Við skulum öll reyna að gera betur a þessu ári og leggja okkar af mörkum til að breyta Íslandi úr þriðja heims ríki í annað heims ríki og koma því svo í fyrstu deild. Til þess þarf kröftuga andspyrnu við úr sér gengna stjórnmálamenn, útrásarloddara og og aðra spillingarsnillinga. Látum þá ekki aftra okkur frá því að ná þessu markmiði.