Ríkisstjórnin er Hómer Simpson

 

Þegar þjóðin kolfelldi Svavarssamninginn í þjóðaratkvæðagreiðslu þá fóru þau djöflaskötuhjú Jóhanna og Steingrímur af hjörum og fullyrtu að nú væru dagar okkar taldir og að himinn og jörð myndu líða undir lok innan fárra vikna því betri díl væri ekki hægt að fá. Annað kom á daginn. Það eina sem leið endanlega undir lok var trúverðugleiki þessara afglapa. Á þessum tímapunkti átti þeim að skiljast að dagar þeirra sjálfra væru taldir og þau áttu einfaldlega að pakka saman öllu sínu pípuhattsdrasli og kanínum og láta sig hverfa aftur inní hólinn sem þau skriðu út úr.

En þau þráuðust við, umboðslaus, getulaus og vitlaus, og héldu áfram að grenja í Bretum og Hollendingum að fá að leggja spilaskuld einkaglæpafyrirtækis á bak almennings. Nú liggur nýr samningur á borðinu, (að þessu sinni uppá borðinu), 200 milljörðum hagstæðari en sá fyrri, ef á annað borð er hægt að tala um "hagstæðan" ánauðarsamning.

Í ljósi þess að fyrri samningurinn hefði stórskaðað þjóðina liggur þá ekki nokkuð ljóst fyrir að þau hafa gerst sek um stórfelld embættisafglöp. Ætti þessi nýi samningur ekki sjálfkrafa að kalla á skilyrðislausa afsögn þeirra og rannsókn á öllu ferlinu?  

Ríkisstjórnin og hennar setuliðar minna mig soldið á fávitann Hómer Simpson sem leggur höndina á rauðglóandi hellu og öskrar DOH! og leggur höndina aftur á brennandi helluna og öskrar DOH! og leggur svo höndina aftur á brennandi helluna og öskrar DOH! og svo aftur og aftur í það óendanlega þangað til lúkan er orðin skaðbrennd og well-done. Alveg fyrirmunað að læra nokkurn skapaðan hlut. Viðkvæðið er alltaf: "Já en við vissum ekki betur...Það er auðvelt að vera vitur eftirá."

Hversvegna geta þessir heyrnarlausu heilasteiktu hallardraugar ekki komið því inní hausinn á sér að þjóðin hafnaði fyrri aftökusamningnum vegna þess að hún tók það ekki í mál að borga upp ránsfeng stórglæpamanna, en ekki afþví að hún væri svona sólgin í að fá hægara andlát með "hagstæðari" aftöku?

Hvað er svona flókið við þetta? Það er deginum ljósara og margsannað af heimsþekktum spesíalistum svo sem Evu Joly og allrahandanna nóbelsverðlaunahöfum að það er akkúrat enginn grundvöllur fyrir greiðsluskyldu íslenska ríkisins.

Ég held það væri ágætis ráð að byrja á því moka skælbrosandi bankaræningjunum í dýflissu uppá hitaveituvatn og grjótharðar tvíbökur og fara vandlega oní saumana á eignasafni þeirra og grafa upp allar þeirra gullkistur áður en gerður er enn einn þjóðaránauðarsamningurinn uppá drápsklifjar til fleiri ára beint ofaná þindarlausar skattahækkanir steingeldrar ríkisstjórnarinnar.

Ég hélt ég ætti ekki eftir að gefa forsetanum high five en nú reynir enn einu sinni á bjargvættinn á Bessastöðum. Ríkisstjórninni gef ég high one. Löngutöng.

Býsna góð niðurstaða

Athugasemdir

[Sumarliði Einar Daðason, 10.12.2010 kl. 00:59]

Góður eins og ævinlega ;-)

[Helga Guðrún Eiríksdóttir, 10.12.2010 kl. 01:03]

Sammála hverju orði.

[Loftur Altice Þorsteinsson, 10.12.2010 kl. 01:05]

   

Sverrir, málflutningur þinn er 100% sannur. Þessi aumkunarverða Sossa-sveit er hvorki verjandi né ferjandi. Landráðamennirnir syngja sama sönginn núna og þeir sungu um fyrri Icesave-samninga. Þetta lið er svo heimskt að það veit ekki sjálft hvenær það er að ljúga. Tvisvar er búið að gera þessa menn afturreka með samninga, sem þeir sjálfir sögðu bestu mögulegu samninga. Tvisvar hefur sannast að allur þeirra áróður var hrein lygi og þvættingur.

 

Allir sem skoða réttarstöðu Íslendinga, geta bara komist að einni niðurstöðu. Hún er sú, að kröfur nýlenduveldanna eru forsendulausar. Málið vinnst auðveldlega fyrir öllum alvöru dómstólum. Hvers vegna er Bretum og Hollendingum ekki bent á að bera kröfur sínar undir dómstóla ? Hvers vegna þykjast bjánar eins og Árni Páll Árnason, hafa það mikið vit á málinu, að þeir geti sagt: »Mér finnst þetta býsna góð niðurstaða.«

 

 

[Haraldur Baldursson, 10.12.2010 kl. 01:22]

Það er merkilegt og vert að íhuga, að það eru margar þjóðir sem horfa til Íslands. Umfang þessa máls er svo margfalt stærra en Icesave. Ef við íslendingar fáum að greiða um þennan samning atkvæði og höfnum honum að nýju, munu aðrar þjóðir telja það fordæmi sem vert væri að fylgja. Við erum svo gríðarlega stór í smæð okkar. Við eruð það af því að við erum að breyta rétt gegn óréttlæti þjóða sem hafa fullkomnað þá list að kúga aðra og fara með ofbeldi gegn veikari þjóðum.
Ég hlýddi með mikilli athygli á mál Lee Bucchheit og hans röksemdir. Það kann að vera rétt hjá honum að við tækjum áhættu með því að hafna þessum samningum og láta reyna á dómstólaleiðina. Það kann að vera að þetta séu bestu mögulegu samningar sem við getum náð...en áhættan við að samþykkja þessa samninga er líka mikil. Efnahagslegar forsendur gætu breyst hjá okkur vegna breytinga á mörkuðum okkar.
Hvað er það versta sem gæti gerst ?

• Kúba verðum við ekki, það er alveg á hreinu
• Norður Kórea verðum við ekki, það er jafn skýrt
• Meinuð innlimun í ESB ? YES PLEASE !
• Hent út úr EES ? Kannski, afar ólíklegt samt
• Lokað á viðskipti við okkur ? Nei það tel ég nokkurn vegin útilokað
• Ferðabann ? Hver væri tilgangurinn ?
• :

Ég veit ekki hvað gæti gerst, ég veit þó að draugasögur Steingríms og Jóhönnu eru bæði ósannar og illa skrifaðar.

[Rauða Ljónið, 10.12.2010 kl. 02:12]

[Sverrir Stormsker, 10.12.2010 kl. 02:18]

Sumarliði, vonandi ekki verri

[Sverrir Stormsker, 10.12.2010 kl. 02:19]

Helga, ég er líka sammála hverju orði.

[Sverrir Stormsker, 10.12.2010 kl. 02:28]

Loftur, í janúar sögðu feluleiksystkinin Steingeldur J. Sigfússon og Jóhanna: “Frábær niðurstaða,” “hagstæður samningur,” “stórkostlegur árangur,”o.s.fr. og núna tyggja þau og stjórnarliðarnir sömu lummurnar: “Býsna góð niðurstaða,” “Mun betri samningur,” o.s.fr.

Auðvitað er hundaskítur “betri” en blásýra, en það er ekki þar með sagt að við eigum að éta hann.

[Óskar Helgi Helgason (IP-tala skráð) 10.12.2010 kl. 02:30]

Heill og sæll æfinlega; Tónlistar- og ritlistar Jöfur - sem og, þínir ágætu gestir !

Hvert einasta orð; sem meitlað inn í mynda ramma raunveruleikans, Sverrir.

Beztu þakkir; sem kveðjur, jafnan /

Óskar Helgi 

[Magnús Ágústsson, 10.12.2010 kl. 02:54]

ég vona að skötuhjúin geri sama með þennan saming og um skuldavanda heimilana noti næstu 2 árin í að "skoða" hugsa" skoða alla möguleika"skoða málið frá öllum hliðu" o.s.f mikið er ég orðinn þereyttur á þessum ANDS vitleysingum

[Sverrir Stormsker, 10.12.2010 kl. 03:15]

Haraldur, burtséð frá fordæminu sem við myndum skapa alþjóðlega með því að standa í lappirnar og blása þennan þrælasamning út af borðinu, þá finnst mér einfaldlega nauðsyn og skylda þjóðarinnar að standa fast á sínu og láta ekki bjóða sér neitt helvítis píp og hvað þá svona hrópandi ranglæti. Það er betra að landið sökkvi með manni og mús en að mennirnir sem byggja landið breytist í mýs.

[Sverrir Stormsker, 10.12.2010 kl. 03:21]

Óskar, takk kærlega.

[Sverrir Stormsker, 10.12.2010 kl. 03:30]

Magnús, ég er líka orðinn ansi þreyttur á þessum rammfalska hraðlygna eðjótadúet, reyndar svo þreyttur að ég er farinn að sofa. Það er ekki hægt að hugsa sér meiri klúðrara við stjórnvöl landsins, nema ef vera skyldi inspector Clouseau.

[Magnús Ágústsson, 10.12.2010 kl. 03:36]

ekki gera svona lítið úr inspector Clouseau að líkja honum við þennan viðbjóð sem er í stjórnarráðinu

[Jón Steinar Ragnarsson, 10.12.2010 kl. 03:41]

Bretum og Hollendingum er skítsama um þessa upphæð. Þessi handbendi bansteranna vilja það eitt að til verði samningur, þótt þeir fái bara krónu til baka.  Þeir vilja fordæmið um að breyta glæfraskuldum banka í skuldir almennings og þar með fría þá ábyrgð á gjörðum sínum um alla framtíð. Menn geta þá rétt ímyndað sér hvort það slái á áhættufíknina og spilafíknina, þegar þeir losna undan ábyrgðinni á afleiðingunum.

Það er það foræmi, sem Haraldur bendir á. Það getum við ekki gert alþýðufólki um víða veröld. Það getum við ekki gefið börnum okkar í arf.  Þetta er make or break moment. Þessu verður að hafna hvað sem það kostar. Það getur aldrei kostað meira en slík vitfirring til frambúðar.  Jóka og Steini hafa drullað yfir þá sem höfnuðu samkomulaginu með að túlka það svo að atkvæðagreiðslan hafi staðið um lægri vexti!  Þvílíkri ósvífni ber að mæta með því að fara niður á þing og bera þau út.  Nú er mælirinn ekki bara löngu fullur heldur kominn á flot og sokkinn.

[Jakob Jörunds Jónsson, 10.12.2010 kl. 03:48]

Chief inspector Clouseau! :)

[Jenný Stefanía Jensdóttir, 10.12.2010 kl. 04:21]

Það er ekki hægt að orð´etta betur hr. Stormsker!

[Sigurbjörn Friðriksson, 10.12.2010 kl. 09:53]

Hverjir eru andstæðingar Íslendinga: 

If you cross-breed a donkey with a horse you get a mule.

If you cross-breed Great Britain with the Dutsh (Holland) you get the regime that was in control of South Africa with the Apartheid terror.

This is what Icelanders are up against...!!!

Kveðja, Björn bóndi   

[Jón Pétur Líndal, 10.12.2010 kl. 13:14]

Mér finnst þú fara dáldið illa með Hómer Simpson í þessu, hann er þó skemmtilegur!

[Guðsteinn Haukur Barkarson, 10.12.2010 kl. 13:37]

Vel gert Sverrir! En varst þú ekki að gefa út nýja plötu?

[Elís Már Kjartansson, 10.12.2010 kl. 16:17]

þetta er allt satt sem þú segir þarna Sverrir en samt heldur leikhús fáránleikans áfram og þau halda áfram að neita að hlusta á vilja þjóðarinnar það er kannski vegna þess að við fólkið erum náttúrulega ekki þjóðin eða hvað!!!.

[Sverrir Stormsker, 10.12.2010 kl. 19:31]

Magnús (nr. 14), já það er rétt. Inspector Clouseau myndi líklegast klúðra mun færri hlutum. Hann myndi allavega ekki hafa svona einbeittan brotavilja.

[Sverrir Stormsker, 10.12.2010 kl. 19:36]

Jón Steinar, næ fullkomlega pointinu hjá Haraldi en mestu skiptir að þjóðin láti ekki svínbeygja sig í duftið og að hún muni eiga síðasta orðið varðandi þennan reikning sem fór inn um vitlausa bréfalúgu.Lýðræðissinnarnir Jóka og Steini fara í raun í raun í þessar samningaviðræður þvert gegn þjóðarvilja. Eru faktískt umboðslaus. En þau hafa alltaf haft sérstakt lag á að túlka hlutina með sínum hætti. 10 – 15 þúsund manna mótmæli á Austurvelli túlkuðu þau t.d. sem stuðningsyfirlýsingu við sig. Þetta dúó verður náttúrulega að teljast eitt það falskasta í Íslandssögunni. Held það verði frekar erfitt að bera þau út úr alþingishúsinu á sama hátt og verið er að bera fólk út úr húsum sínum einsog hvern annan Mogga. En það má reyna.

[Sverrir Stormsker, 10.12.2010 kl. 19:37]

Jakob, já, rétt skal vera rétt. Chief inspector Clouseau skal það vera. Á sama hátt segjum við ekki: Jóhanna Sigurðardóttir forsætisráðherra, heldur: Jóhanna Sigurðardóttir forsætisráðherfa. Femínistinn Steingeldur J. Sigfússon fjári tekur örugglega undir það.

[Sverrir Stormsker, 10.12.2010 kl. 19:39]

Sammála fröken Jenný

[Sverrir Stormsker, 10.12.2010 kl. 19:40]

Björn bóndi, takk fyrir djókinn. Hressandi svona í morgunsárið.

[Sverrir Stormsker, 10.12.2010 kl. 19:49]

Jón Pétur, Hómer Simpson sem næsta forsætisráðherra! Fáum fagmenn að verki.

[Sverrir Stormsker, 10.12.2010 kl. 19:54]

Guðsteinn, jú ég var að gefa út nýja plötu sem heitir "Látum verkinN tala." Titillinn er við hæfi og smellpassar inní umræðuna. Ég birti texta af henni í síðustu færslu um Jón Ásgeir sem heitir Litli grísinn og skellti laginu í tónlistarspilarann. Skal birta annan texta af henni í næstu færslu sem fjallar um Sigurð Einars. Það lag heitir Gæsin og gullgæsin.

[Sverrir Stormsker, 10.12.2010 kl. 20:01]

Elís, Ef Ísland væri leikhús þá myndi það hugsanlega kallast Fáránleikhúsið. Og kannski er Ísland leikhús þegar öllu er á botninn hvolft. Verst hvað við leikararnir veljum alltaf lélega leikstjóra. Svo er engin framvinda í verkinu. Við erum alltaf í sama atriðinu. Fer ekki tjaldið að falla?

[Theódór Norðkvist, 11.12.2010 kl. 01:11]

Myndi það ekki frekar kallast Mörgránleikhúsið? Allavega er ekki hægt að segja að fá rán hafi verið framin hér.

Afturá móti er það fátt sem ekki hefur verið rænt.

[Ómar Ingi, 11.12.2010 kl. 01:50]

Heyr Heyr

[Sverrir Stormsker, 11.12.2010 kl. 15:29]

Theódór, það er rétt, hérna hefur velflestu verið stolið, nema kannski réttlætiskenndinni og stoltinu. Það litla sem er eftir af þessu tvennu vill ráðríkisstjórnin ræna.

Ómar, hip hip! 

[Jóhanna Magnúsdóttir, 11.12.2010 kl. 17:52]

Hver er þá Marge? ... Hún virðist sú skynsama!

[Örn Björnsson, 11.12.2010 kl. 20:45]

frábær....tær snilld

[Sverrir Stormsker, 12.12.2010 kl. 04:18]

Jóhanna, Hómer er fíflið (ríkisstjórnin), Marge er sú flata (stjórnarandstaðan), Bart er óknyttadrengurinn (órólega deildin í VG), Lísa er skynsemin (hugsanlega ekki til).

Örn, myndi fara varlega með orðatiltækið "tær snilld. "

[Æsir (IP-tala skráð) 12.12.2010 kl. 21:05]

Sem Áhorfandi á Ráðamenn Þessarar Þjóðar Kemur bara ein Niðurstaða

Þjóðin Sem Slík er með afburðum vitlaus og auðvelt að láta hana borga fyrir skuldir annarra.

Því miður fer þetta þannig að þetta verður að öllum líkindum samþykkt það er ömurlegt

vona samt að þjóðin rísi nú upp og hendi þessi liði út

kveðja

[Óskar Guðmundsson, 14.12.2010 kl. 15:59]

Verið velkomin til Gísl-lands að skoða S-gjaldborgina og Þjófasáttina!

[Sigurbjörn Friðriksson, 14.12.2010 kl. 17:29]

Skoðanakönnun:

Er rétt að draga Streingrím J. Sigfússon fyrir Landsdóm, sem höfuðábyrgðarmanns “Svavars-samningsins”?

-

Takið þátt og farið inn á hlekkinn:

 -

http://gthg.blog.is/blog/gthg/

-

Með kveðju, Björn bóndi   

- - -