Úr öskunni í ESB. - Úr Katrínu í Þorgerði Katrínu

Fjölmiðlar og stjórnmálafræðingar og flestir landsmenn eru haldnir þeim stórkostlega misskilningi að Viðreisn sé einhverskonar hægriflokkur, bara af því að hann er klofningsbrot úr Sjálfstæðisflokknum. Þessir karlar og konur klufu sig frá Sjálfstæðisflokknum vegna þess að þau voru og eru vinstrisinnaðir „frjálslyndir“ júrókratar, eða libtard einsog það heitir á ensku, en það er samtvinnun orðanna „liberal“ og „retard.“

 

Svo maður reyni nú að orða þetta á kurteislegan hátt þá má segja að þetta klofningsfólk hafi verið vitlausabeinið í Sjálfstæðisflokknum.

Ef það gengur einsog önd og kvakar einsog önd og er fiðrað einsog önd þá er það önd.

Með öðrum orðum: Ef það framkvæmir einsog vinstrimaður og lofsyngur wokeisma og femínisma og glóbalisma og loftslagstrúarbrögðin einsog vinstrimaður og elskar Evrópuofbeldissambandið einsog vinstrimaður og bullar vitleysu einsog vinstrimaður þá er það viðreisnarmaður.

 

Nú eða samfylkingar-pírata-framsóknar-vinstrigræningja-sósíalisti. Sama tópakkið.

 

 

Vinstriblokkin

Jón Gnarr, sem er meiri wokester en jokester, og er vinstra megin við Georg Bjarnfreðarson, hefði aldrei farið að ganga í Viðreisn ef þetta væri hægriflokkur.

Jón fór einfaldlega úr Besta flokknum og tók fyrstu dyr til vinstri og gekk í Samfylkinguna og þegar hann fékk þar enga blýanta að naga á fullu kaupi þá tók hann fyrstu dyr til vinstri og gekk í Viðreisn sem tók honum opnum þörmum.

Alltsaman vinstriflokkar í sama stigaganginum í vinstriblokkinni.

 

Þorgerður Katrín formaður Viðrekstrar talar mikið um að við þurfum stöðugan gjaldmiðil og meiri stöðugleika.

Það vill nú svo til að Evran er meira flöktandi en krónan og Þorgerður báðar til samans.

Það eina sem er stöðugt í Evrópusambandinu er skrifræðið, reglugerðarfarganið, stjórnlyndið, loftslagsfasisminn, wokeisminn, hótanagleðin, kúgunarofstækið, spillingin, pólitíski rétttrúnaðurinn og hnignunin.

 

 

Slagorð og auglýsingar flokkanna

Kíkjum aðeins á slagorð og auglýsingar flokkanna til gamans, nú eða leiðinda:

Slagorð Flokks fólksins er: „Fæði, klæði, húsnæði,“ einsog allir vita.

Slagorð Pírapa er líklegast: „Æði, bræði, brjálæði.“

Mig minnir að slagorð Framsóknarflokksins sé: „Minni skynsemi – meiri Framsókn.“

Ein af auglýsingum Sjálfstæðisflokksins sýnir mynd af Bjarna Ben og undir er þessi texti:

„Árangur. Ekki vinstri beygju.“

Textinn hefði frekar átt að vera:

„Ég er vaknaður. Ekki lengur vankaður. Ekki aftur 7 ára vinstri beygju.“

 

 

Auglýsingar Viðreisnar

Viðreisn er með dösuðustu auglýsingarnar verð ég að segja. Kæruleysislegar og letilegar einsog flokkurinn hafi enga sýn og engan tilgang annan en þann að vera woke. Þær eru allar einhvernveginn í þessum PC dúr:

„Breytum þessu.“ - „Tökum utan um unga fólkið.“ - „Það þarf að gera eitthvað.“ - „Leiðum stórforeldra okkar.“ - „Eru ekki öll í stuði?“ - „Verum woke og verðum brók.“ - „Fólk af öllum kynjum þarf kynhlutlaus klósett.“ - „Lækkum þessa vexti.“ - „Tölum kynhlutlaust tungumál.“ - „Treystum leghöfum til þungunarrofs fram að fæðingu.“ - „Byggjum meira.“ (Viðreisn er í meirihluta með Skattfylkingunni í borginni. Afhverju byggja þau ekki meira?) -  „Fleiri íbúðir.“ (Afhverju byggja þau ekki fleiri íbúðir?) - "Hver sem spurningin er þá er ESB svarið."

 

Eitt slagorðið er: „Almannahagsmunir framar sérhagsmunum.“

Til að undirstrika þetta þá hefði ég haft mynd af Þorgerði þar sem hún segir:

"Ég hef átt miklu barnaláni að fagna en ég verð þó að segja að af öllu því láni sem ég hef átt að fagna í gegnum tíðina þá var nú kúlulánið best. Ég er mjög "lánsöm" manneskja. Því segi ég: Almannahagsmunir framar sérhagsmunum ... eða þannig."

 

Ein auglýsing Viðreisnar þykir mér ansi óheppileg og spaugileg í senn þó hún eigi ekki að vera það, en þar er þessi texti fyrir neðan mynd af Þorgerði: „Við eigum betra skilið.“

Það er víst alveg ábyggilegt. Allir geta verið sammála því. Maður horfir á myndina af Þorgerði og hugsar: „Við eigum svo sannarlega betra skilið.“

Geðheilbrigðismálin eru viðreisnarfólki mjög ofarlega í huga og það er svosem ekkert skrýtið þegar nánar er að gætt.

 

 

„Lækkum vexti“

Við vitum að vextir eru búnir að vera í hæstu hæðum undanfarna mánuði og ár vegna þindarlausra ríkisútgjalda og byggðaþéttinga og lóðaskorts og annarra afglapa stjórnmálamanna, en núna koma ríkisstjórnarflokkarnir Framsókn og Sjálfstæðisflokkur annarsvegar - og borgarstjórnarflokkarnir Skattfylkingin og Viðrekstur hinsvegar, - þessir flokkar sem bera ábyrgð á þessum svimandi háu vöxtum og raunverulega bjuggu þá til, - núna koma þeir rétt fyrir kosningar og auglýsa:

„Lækkum vexti.“

 

Það voru þeir sem bjugguð þá til og ef það er svona auðvelt að lækka þá afhverju eru þeir þá ekki búnir að því fyrir lifandi löngu? Þeir eru búnir að hafa hátt í tvö ár til þess.

Þetta heitir einfaldlega lýðskrum. Popúlismi.

 

Viðskiptamógúlar tengdir stjórnmálunum eru að stórgræða á þessum fjallháu vöxtum. Það er einfaldlega verið að framkvæma eignatilfærslu frá hinum efnaminni til hinna ofurríku. Það má kalla þetta eignaupptöku og það má kalla þetta ríkisverndað arðrán um hábjartan dag, árið um kring.

 

Í stað þess að auglýsa: „Lækkum vexti,“ sem þessir flokkar meina auðvitað ekkert með, þá væri nú gaman ef þeir myndu auglýsa það sem þeir væru raunverulega að hugsa, og það er:

„Lækum vexti.“

 

 

Miðflokkurinn

Það eru aðeins tveir flokkar sem hafa sýnt það með verkum sínum að það er eitthvað að marka sem þeir segja og það er annarsvegar Miðflokkurinn og hinsvegar Flokkur fólksins, enda eru þeir sjálfstæðir og eru ekki að reyna að framfylgja mannfjandsamlegum heimsmarkmiðum Sameinuðu þjófanna og bulla um einhverjar „alþjóðlegar skuldbindingar“ og svoleiðis horseshit.

 

Miðflokkurinn er ekki með þessar bjánalegu lýðskrumsauglýsingar um lækkun vaxta heldur er hann bara með þrjár sannar setningar:

„Miðflokkurinn - Eina vörnin gegn ESB.“

„Miðflokkurinn - Eina vörnin gegn vinstri stjórn.“

„Miðflokkurinn - Eina vörnin gegn stjórnleysi á landamærunum.“

Það er ekki flóknara en það.

 

Miðflokkurinn er virkilega vel mannaður. Þarna er Sigríður Á. Andersen, sú besta úr Sjálfstæðisflokknum. Alvöru hægrikelling, enda þoldi hún ekki við í þeim flokki.

Svo er Bergþór Ólason þarna, asskoti snjall bolti sem er algerlega með á nótunum og kallar hlutina sínum réttu nöfnum.

 

Og svo er þarna hinn kornungi Snorri Másson sem er alveg merkilega þroskað eintak miðað við að vera bara tiltölulega nýfermdur. Allavega gengur hann ennþá í fermingarfötunum og er ennþá með fermingarklippinguna.

Maður er eiginlega soldið hissa á að svona sjálfstæður og klár gæi skuli geta sprottið heill og ómengaður uppúr allri þessari einsleitu rétthugsunarheimsku sem ríkt hefur undanfarin ár þar sem allir eiga að vera eins.

Mikils frá honum að vænta í framtíðinni. Vinstrimenn eiga pottþétt eftir að láta hatursorðræðuna drynja hressilega á honum á sama tíma og þeir reyna að lögleiða blátt bann við hverskyns gagnrýni á wokeismann og rétttrúnaðinn þeirra eða það sem þeir kalla "hatursorðræðu."

 

 

Sigmundur ávaxtar vel sitt pund

Flokkur Sigmundar hefur vaxið hröðum skrefum og ekki síður hann sjálfur sem stjórnmálamaður. Hann ber af. Hann er virkilegur þungavigtarmaður í sjórnmálum. Í tvennum skilningi. Fáir menn ef nokkrir eru feitari en hann á Alþingi í dag.

 

Og svo er hann kominn með þetta stórglæsilega silfurgráa jólasveinaskegg í stíl við víðfema vömbina, sem fer honum afar vel. Hann gengur greinilega með ráðherra í maganum. Jafnvel fleiri en einn. Sumir myndu segja að hann þyrfti að fara í þungunarrof en ég er ekki sammála því því mér finnst fara honum vel að vera svona bumbumikil og síðskeggjuð jólasveinatýpa því hann hefur mikið að gefa þjóðinni.

 

Áður fyrr var kallinn brúnaþungur spekingur en núna er hann að auki níðþungur spikingur. Hann hefur svo sannarlega ávaxtað vel sitt pund og er líklega að nálgast 400 pundin og ég er ekki frá því nema hann eigi það sameiginlegt með Ingu Sæland að vera hærri í loftinu þegar hann liggur á bakinu en þegar hann stendur uppréttur.

 

Ég er nú bara með smá svefngalsa.

En snúum okkur aftur að háalvarlegum málum.

 

 

Flokkur fólksins

Inga Sæland hefur einnig vaxið mikið í starfi, bæði sem stjórnmálamaður og á þverveginn, líkt og Sigmundur, maðurinn sem hún elskar.

Hún hefur sterk tök á flokknum og hefur gert þar ærlegar hreingerningar og sýnt mikil og flott tilþrif í þrifunum. Til að mynda dró hún Tommaborgarann hrjótandi úr þingsal og skellti honum á grillið og síðan hefur ekki til hans spurst.

 

Flokkur hennar er skipaður mjög hæfu fólki og allt þetta góða fólk er ekki „góðafólkið“ heldur virkilega klárir andlega heilbrigðir einstaklingar sem eru að berjast fyrir hagsmunum Íslendinga og eiga það sameiginlegt með Miðflokksmönnum að vilja bjarga Íslandi en ekki heiminum, enda elskar Inga Sigmund Davíð mest allra manna og veit að hann einn mun geta komið á þeim kerfisbreytingum sem þarf að gera til að framtíðin verði björt og brosandi einsog hún sjálf. Hún hlýtur að vilja aðstoða hann við það.

 

Illviljaðir vinstrimenn segja að Inga sé einsmálskelling með hausinn á kafi uppí rassgatinu á sér en það er allsekki rétt ... þó að hausinn á henni kæmist þar eflaust vel fyrir og fleiri til.

Hún er einlæg í sinni baráttu og harðdugleg og fylgin sér og hörð í horn að taka og lætur ekki einusinni hinn bráðsnjalla og fílhrausta fangbragðamann Stefán Einar Stefánsson snúa sig niður á hornunum.

Þó Inga sé lögblind þá sér hún þó betur en margur annar hvað amar að í okkar þjóðfélagi og sér í hendi sér að lausnin er ekki fólgin í skriffinskubrjálæði Evrópuofbeldissambandsins sem er að liðast í sundur.

 

 

Skattfylkingin

Þegar Kristrún Frosta sá að Bjarni var laus undan oki hinnar horfnu Katrínar og var farinn að geta tjáð sig hart og ákveðið um útlendingamál, án hræðslu við að fá kökukefli í hausinn, við nokkuð góðar undirtektir landsmanna, þá reyndi hún einnig að fara að tala af skynsemi um þessi mál einsog hún væri farin að hallast örlítið til hægri og gera sér grein fyrir þeirri einföldu staðreynd að það væri nú líklegast ekki hægt að vera með opin landamæri og velverðarkerfi á sama tíma.

Á sama tíma kynnti hún til sögunnar slagorðið:

„Sterk velferð, stolt þjóð.“

 

Það var einsog við manninn mælt. Samflokksmenn hennar gjörsamlega brjáluðust þegar þeir sáu þetta þjóðlega slagorð og öskruðu að Skattfylkingin væri sko enginn dómadags nasistaflokkur heldur sómakær þrasistaflokkur og masistaflokkur og grasasnaflokkur og þeir vildu sko ekkert þjóðrækniskjaftæði heldur bara almennilega skrúðmælgi um stórkostlega fjölmenningu og fjölbreytileika og transdýrkun og regnbogafána og svoleiðis nauðsynjar.

 

Kristrún hefði getað bætt fyrir mistök sín og komið með slagorðið „Sterk helferð, woke þjóð,“ til að friðþægja vinstrivitfirringana í flokknum sínum en hún ákvað þess í stað að parkera þessum málaflokki gjörsamlega og ekki tala um herta landamæragæslu meir.

Það eru greinilega aðrir sem ráða ferðinni í flokknum en hún.

 

 

„Nýtt upphaf“ Skattfylkingarinnar

Í staðinn var samþykkt slagorðið: „Nýtt upphaf.“

Til að undirstrika að um nýtt upphaf væri að ræða þá kynnti hún til sögunnar Guðmund Árna Stefánsson, fjörgamlan útjaskaðan útslitinn margendurunninn kratahúðarjálk, þakinn köngulóarvefjum og hrúðurkörlum, og setti hann í 1. sæti á lista. Hann var ekki fyrr búinn að sleppa göngugrindinni og sestur í sitt 1. sæti en hann var rifinn uppúr stólnum og hent útum gluggann og í staðinn var Ölmu landlækni plantað í sæti hans af einhverri hulinni hönd.

Og svo var Víði Reynissyni plantað í 1. sæti í Suðurkjördæmi, en þessi tvö voru í Þríeykinu, eða Þríeitrinu, einsog ég kallaði þetta þreytta tríó dauðans.

 

Lífið virtist liggja við að koma þessari Ölmusu í 1. sætið. Kristrún sagði ákveðin að það væri ófrávíkjanlegt skilyrði fyrir ríkisstjórnarþátttöku að Alma Nak Möller yrði heilbrigðisráðherfa.

Einhver þarf jú að passa uppá að það verði ekki farið að gera upp Covid-tímann og hræra í leyni“bóluefna“samningnum og öllu því glæpadóti einsog gert verður í Bandaríkjunum ef Trump kemst lifandi í Hvíta húsið.

Maður gæti haldið að Kári „klári“ væri með klærnar í þessu.

 

Samtímis er verið að ráða Kötu Jak til starfa hjá Alræðisheilbrigðisglæpastofnuninni, ekki bakvið tjöldin einsog áður, heldur fyrir opnum tjöldum að þessu sinni, þannig að það er greinilega verið að ganga frá öllum lausum endum og hnýta allt vel saman fyrir næsta sprautufaraldur sem verður að öllum líkindum tengdur loftslagstrúarbrögðunum.

 

Í miðju Kófinu bannaði þessi Víðir öllum að heimsækja afa og ömmu ("stórforeldrana") sem lágu fyrir dauðanum á hjúkrunarheimilum eftir sprautur - en sjálfur tók hann Boris Johnson á þetta og hélt partý heima hjá sér með húsið drekkhlaðið af fólki.

Boring Johnson fékk reisupassann í Bretlandi fyrir þetta en Víðir fékk fálkaorðuna á Íslandi og efsta sæti á lista Samspillingarinnar til að geta farið að setja okkur hinum lög á Alþingi.

Þetta kallar samspillingin „Nýtt upphaf.“

 

 

„Nýtt upphaf“ með aukaleikara og "Þýska stálinu"

Kristrún setti sjálfa sig í 1. sæti í Reykjavík Suður og í annað sæti setti hún Dag B(orgarbana) Eggertsson. Það var mjög vel til fundið hjá henni og til vitnis um að hún vildi nýja og breytta Samspillingu. „Nýtt upphaf.“ Dagur hefur nefnilega einungis setið í 10 ár sem borgarstjóri. Menn voru farnir að sakna hans. Allir elska jú þrengingu byggðar og þrengingu umferðar og þrengingu að fjölskyldubílnum og þrengingu að flugvellinum og þrengingu að buddunni og þrengingu gatna og þrengingu vega og þrengingu að hálsi og öndunarvegi og aðþrengdan húsnæðismarkað og auðan og dauðan miðbæ og tóman borgarsjóð.

Um að gera að nýta reynslu slíks afreksmanns og setja hann í eitt af efstu sætunum en kalla hann samt sem áður „aukaleikara.“

 

Dagur B(orgarbani) ætlaði að fara að setjast í helgan stein þegar Kristrún ákvað að fá hann í þetta „Nýja upphaf“ Samspillingarinnar og rétti honum síðasta hálmstráið, sem hlýtur að hafa verið höfundarréttarvarið strá einsog fokdýru stráin í kringum fokhelda braggann góða sem Dagur sturtaði 500 milljónum af peningum almennings í.

 

Eftir að hafa hugsað sig vel og lengi um setti svo Kristrún kvennaljómann og kallfemínistann Þórð Snæ Júlíusson, - The German Steel-dick, í þriðja sætið, því hann hlyti jú að verða mikil „lyftistöng“ fyrir flokkinn enda grjótharður femínisti. Allavega einhver hluti af honum.

Fyrir stuttu var hann með stöðu sakbornings i eiturbyrlunarmálinu en núna er hann með stöðu frambjóðanda fyrir Skattfylkinguna. Spurning hvort sé verra.

Það er við hæfi að þetta eitraða peð með alla sína eitruðu karlmennsku sé í flokki með Ölmu og Víði úr Þríeitrinu.

 

 

Sá yðar sem svindlaus er

En hann er nú ansi lipur penni hann Þórður Snær og lofar góðu þrátt fyrir allt einsog eftirfarandi texti ber með sér, sem hann hefur líklega skrifað þegar Þorgerður Katrín var menntamálaráðherra í Hrunstjórninni og var upptekin við að henda kristinfræði útúr grunnskólunum og kaupa sér krossa um hálsinn og búa til skóla án aðgreiningar (aðhlynningar) sem talið er að eigi stóran þátt í hruni menntakerfisins í dag:

 

„Konur eru lævísar, miskunnarlausar, undirförlar tíkur sem svífast einskis til að ná því fram sem þær vilja og helst með því að láta sjálfa sig líta út sem fórnarlömb atburðarásarinnar á meðan.“

 

Þó þetta sé óttalega saklaust miðað við skrif margra nafnkunnra öfgafemínista um karla á lokuðum síðum þá þykir þetta nú ekki beint til fyrirmyndar í fórnarlambavæddum nútímanum.

Verst er hvað Þórður Snær var ægilega dómharður og refsiglaður þegar hann hafði kúvent og breyst í siðapostula og rannsóknarétt. Allar götur síðan þá er hann búinn að vera með dómarahamarinn á lofti, ásakandi alla út og suður og heimtandi að hinir og þessir „axli ábyrgð“ út af einhverjum ósæmilegum ummælum sem honum hefur ekki þótt nógu feminísk.

 

Þegar t.d. Klaustursveinarnir síkátu duttu í það eina kvöldstund og létu allt fjúka í galsa og gáska einsog ég og hann og aðrir sveittir bjórbelgir hafa pottþétt gert á prívat fylleríum þá hneykslaðist enginn meira á orðbragði þeirra en þessi heilagi dyggðaskreytti kallfemínisti og hann fór fram á að þessi ægilegi glæpur Klaustursveinanna yrði að hafa „áþreyfanlegar afleiðingar,“ semsé eilífa útskúfun úr samfélagi vammlausra vinstrimanna.

 

 

Slaufaranum slaufað

Sjálfum finnst mér að Þórður The German Steel-dick hefði ekki átt að missa þingsæti sitt vegna þessara skrifa sinna því það er nú ennþá ritfrelsi og skoðanafrelsi í landinu ... allavega þangað til að „Mannréttindastofnunin“ hennar Kötu kemst á laggirnar.

 

Þar að auki er þetta lunkinn gæi þó hann sé kommúnisti og hefði eflaust náð að makka við þingkonur og ryðja sér til rúms með eftirminnilegum hætti, í orðins fyllstu merkingu. Hann hefði að öllum líkindum talað mikið um inngildingu og innlimun og þessháttar hluti og staðið stífur á sínu og hugsanlega virt þingsköp og hann hefði eflaust viljað fylla í ehf-gatið ef það myndi ekki ríða þeim tekjuminni að fullu.

Þórður Snær hefur ekkert minni trúverðugleika en aðrir vinstrimenn þó hann hafi antípat á kellingum og sé yfirlýstur femínisti.

 

Það er nú ekki einsog hann hafi gerst sekur um innherjasvik og hafi fengið afskrifað tveggja milljarða kúlulán og komið því í skjól inná ehf-reikningi og fengið tugi milljóna í arðgreiðslur. Hann er enginn stórglæpamaður. Honum varð bara á að drulla pínulítið mikið yfir konur svolítið linnulaust í fjögur ár þegar hann var alveg við það að komast á fertugsaldurinn.

Og hvað er það annað en óviljandi bernskubrek?

 

 

Stefnumál Viðreisnar

Viðreisn er með tvö mál á dagsskrá einsog undanfarin ár: Annarsvegar innganga í ESB og svo hinsvegar dauðaaðstoð ... sem er eiginlega eitt og hið sama.

Þetta er svona stefnan í hnotskurn: Dauðaaðstoð og innganga í grafhýsi Evrópusambandsins.

Jú og svo fóstureyðingar fram að fæðingu. Ennþá meiri dauði.

Þorgerður Katrín er hlynnt fóstureyðingum fram að fæðingu (sem eru þá barnadráp) einsog nafna hennar Jakobsdóttir, og segir þegar hún er spurð um þetta atriði: „Ég treysti konum.“

Voðalegur dauðakúltur er þetta alltaf hjá þessum vinstrimönnum.

Spurning hvort hún ætti ekki að snúa stóra krossinum sínum á hvolf, sem hún er alltaf með um hálsinn, og láta bródera 666 í skallann á sér svo það sé aðeins meira samræmi í hlutunum.

 

Þetta er ekki bara spurning um líkama kvenna. Ef kasólétt kona er drepin þá er morðinginn dæmdur fyrir tvöfalt morð.

Þorgerður, sem er strangtrúaður kaþólikki, virðir sjálfsákvörðunarrétt kvenna meira en lífsrétt barnsins.

Ég veit að það samræmist gildum femínismans en samræmist það gildum kristindómsins sem hún segist uppfull af? Bara spyr.

Kæmi mér ekki á óvart að hún myndi mæta með ennþá stærri kross um hálsinn í næsta sjónvarpsviðtal og jafnvel þyrnikórónu líka.

 

Í fyrra sögðu þau í þessum meinta „frjálslynda umbótaflokki“ sem kallast Viðreisn að þau vildu banna nýskráningu bensín- og díselbíla árið 2025.

Í dag segja þau að þetta hafi verið óraunsætt markmið en þau séu bara svo rosalega „metnaðarfullir umhverfissinnar.“

Í huga þessa fólks er pólitík ekki list hins mögulega heldur list hins ómögulega og óraunsæja og óviturlega.

Óraunsæ markmið vitna ekki um metnað heldur fáráðlingshátt.

Geta ekki allir verið sammála um það?

Fólk sem setur sér svona óraunsæ markmið án allrar tengingar við veruleikann eru ekki metnaðaðarfullir umhverfissinnar heldur líklega draugfullir vitleysingar.

Það er ekki flóknara en það.

 

Einsog ég fíla nú Þorgerði Katrínu vel að mörgu leyti og veit að þar fer töffari þá get ég ómögulega þakkað henni fyrir að hafa komið á nauðungaráskriftargjaldinu að RÚV þegar hún var menntamálaráðherra, sem allir eldri en 16 ára þurfa að borga hvort sem þeir horfa á þessa kommúnistalygaáróðursveitu eða ekki og hvort sem það eru 8 á heimili eða ekki.

Allir þurfa að borga 21.000 kall á ári.

Hvernig væri nú að knýja það í gegn að fólk fái að velja sér sinn fjölmiðil sem það vill að þessi upphæð renni til?

Flókið?

 

 

Útlendingamál ekki rædd

Fyrir nokkrum mánuðum  sagði Þorgerður Katrín að það mætti allsekki gera útlendingamálin að kosningamáli.

Hversvegna skyldi það nú vera?

Það er vegna þess að hún dýrkar Evrópusambandið meira en wokeismann og allt annað og vill galopin landamæri rétt einsog hinir vinstriflokkarnir í borginni, Skattfylkingin og Pírapar, en enginn þessara flokka hefur þorað að segja það berum orðum.

 

Þegar Þorgerður Katrín sá að Bjarni Ben var farinn að þora að tala hvasst um útlendingamál eftir brotthvarf Kötu og að Kristrún Frosta var farin að taka í sama streng og allir voru farnir að halda að Samspillingin væri breyttur flokkur þá áttaði Þorgerður sig á því að hún yrði að sveigja umræðuna í aðra átt því hún sjálf væri með opingáttastefnu sem kannski væri orðin óvinsæl meðal flokkanna og þjóðarinnar.

 

Hún skellti því ESB á oddinn og lét Guðbrund Einarsson viðreisnardúdda öskra fyrir sig að Viðreisn setti aðildarviðræður við dýrlegt reglugerðarskriffinnskubáknið í Brussel sem algert skilyrði fyrir ríkisstjórnarþátttöku.

Menn áttu ekki orð og þegar hún var þráspurð hvort hún setti virkilega þennan rennandi blauta þráhyggjukennda ESB-draum sinn sem skilyrði fyrir ríkisstjórnarsamstarfi þá tók hún framsóknarmelluna á þetta og sagði dræmt: „Kannski.“

 

Hugsjónir hafa alltaf verið til sölu hjá Viðreisn.

Fyrir borgarstjórnarkosningarnar 2018 sagði Þorgerður: „Við munum selja okkur dýrt.“

Dagur tapaði að sjálfsögðu kosningunum einsog öllum öðrum kosningum en Viðreisn reisti við fallinn meirihlutann og fékk að launum stól forseta borgarstjórnar fyrir að koma Degi aftur í borgarstjórastólinn.

Viðreisn ber nafn með rentu. Gefur lýðræðinu langt nef og reisir við fallna meirihluta og fallna stjórnmálamenn gegn þóknun.

 

 

Málaflokkur málaflokkanna

En með þessu ESB útspili náði semsé Hórgerður Katrín að taka fókusinn af útlendingamálum sem hún vildi skiljanlega ekki ræða og síðan hefur varla til þeirra mála spurst og umræðan farið að snúast um þetta Evrópusambandsrugl, en að sjálfsögðu ættu útlendingamál að vera í brennidepli.

Eini maðurinn sem gerir sér grein fyrir þessu er Sigmundur Davíð. Allir aðrir formenn eru úti á túni að skíta.

 

Hælisleitendamál ættu reyndar að vera kosningamál númer 1, 2  og 3 og það er ekki bara vegna þess að þetta er einn aðal útgjaldaliður ríkisins eða um 80 milljarðar árlega þegar allt er tekið til samkvæmt útreikningum fróðustu manna, heldur vegna þess að þessi málaflokkur hefur áhrif á alla aðra málaflokka: Menntakerfið, húsnæðismarkaðinn, löggæsluna, dómstólana, fangelsismál, félagsþjónustuna, heilbrigðiskerfið, velferðarkerfið og að auki verðbólguna, vextina, - ALLT samfélagið einsog að leggur sig.

 

Þegar maður skoðar sögu þessara tveggja vinstri systurflokka, Viðreisnar og Skattfylkingarinnar, og hvernig þeir hafa greitt atkvæði i útlendingamálum og talað í gegnum tíðina þá fer ekkert á milli mála að þeir munu hafa galopin landamæri þegar/ef þeir komast í stjórn og bjóða alla hælisleitendur velkomna því við séum „svo ríkt land“ og munu svo breyta landinu í sama fátæktarsósíalistagrenið og margt af þessu fólki er að flýja.

 

Í félagslega íbúðakerfinu njóta hælisleitendur forgangs og Íslendingar geta því ekki annað gert en að gerast annarskonar hælisleitendur í eigin landi og sækja um vist á geðveikrahæli. Og þá er ég ekki að tala um höfuðstöðvar Vinstri Geðveikra eða Pírapa þar sem allt er morandi í vinnustaðasálfræðingum heldur viðurkennd opinber geðveikrahæli einsog t.d. Klepp.

 

Ástandið þarf að versna til muna og reyndar verða alveg gjörsamlega óbærilegt til að vinstrimenn kveiki á perunni og sjái ástæðu til að ná stjórn á landamærunum.

 

 

„Mannúð“ og „mennska“

Góða fólkið í öllum þessum vinstriflokkum; Skattfylkingunni, Viðrekstri, Píröpum, Vinstri grömum og Sósujafnaraflokknum, eru sýknt og heilagt að saka aðra um útlendingaandúð og útlendingahatur og rasisma og þessháttar á sama tíma og það flaggar dyggðum sínum óspart og skreytir sig með orðum einsog „mannúð“ og „mennsku.“

Eina „mennskan“ sem þetta (g)óða fólk hefur raunverulega efni á að flagga er umbúðamennska, yfirborðsmennska, sýndarmennska, tækifærismennska og skítmennska.

 

Þær Kristrún og Þorgerður, forkonur vinstrisysturflokkanna, segjast ætla að gera alveg ægilega mikið gott Eftir kosningar, þó þær hafi ekki gert neitt gott fram að þessu. Þær segjast ætla að „negla niður vexti“ (naglfesta þá í 8 prósentum) þó þær viti að þær ráði engu um vexti og að þetta sé bara píp.

Þær hitta ekki naglann á höfuðið með þessu lýðskrumi heldur eingöngu þumlana á sér.

 

Þær segjast ætla að byggja heil reiðinnar býsn.

Það er einsog þessar pólitísku tvíburasystur séu búnar að gleyma að flokkar þeirra eru búnir að stjórna öllu í borginni um árabil, og hvernig er staðan þar?

Íbúðaskortur, lóðaskortur, snjómokstursskortur, bílastæðaskortur, peningaskortur og greindarskortur.

 

Borgarsjóður á það sameiginlegt með hausum fólksins í meirihlutanum í borginni að vera tómur.

Ævisaga Dags B. ætti ekki að heita „100 ára einsemd“ heldur „10 ára meinsemd.“

Húsnæðismarkaðurinn í borginni er í rjúkandi rúst sem svo aftur nærir verbólguna sem svo keyrir upp vextina. Það má því segja að þær vinstristöllur hafi búið til verðbólguna og vextina í Ráðhúsinu sem þær segjast nú ætla að berja niður á Alþingi.

 

 

Dagur samgöngumála

Vinstri fraukurnar, Þorgerður og Kristrún, segjast vilja bæta samgöngur.

Flokkar þeirra hafa gjörsamlega rústað samgöngum í borginni með þráhyggjukenndum árásum á fjölskyldubílinn. Þetta vita allir sem hafa reynt að hreyfast úr stað á þrengdum holóttum rass-götum borgarinnar.

 

Núna segjast þessar vinstri elskur ætla að fá Dag Borgarbana til liðs við sig inná Alþingi til að bæta samgöngurnar á landsvísu sem þau rústuðu í borginni.

Borgarlínan uppá 400 milljarða á að redda þessu, sem Bjarni Ben hefur að sjálfsögðu skrifað uppá einsog vopnakaup uppá 150 milljón dollara og loftslagsóráð uppá 30 milljarða og allt annað sem lítur að fáránlegum ríkisútgjöldum.

 

Með tilliti til allra aðstæðna á veðravítinu Íslandi þá er Borgarlína Skattfylkingarinnar og Viðrekstrar án efa vitlausasta samgönguáætlun mannkynssögunnar, enda ekki hugsuð til að bæta samgöngur heldur til að þvinga fólk úr fjölskyldubílnum með illu eða mjög illu og taka upp „bíllausan lífsstíl“ í frosthörkunum - og að auki helst þetta rugl í hendur við byggðaþéttingu, sem svo aftur er vitlausasta byggðastefna mannkynssögunnar.

 

 

„Plan“ Skattfylkingarinnar

Skattfylkingin segist vera með „plan.“ Það er allavega ekki bílaplan. Svo mikið er víst.

Plan Skattfylkingarinnar gengur útá að hækka skatta. Surprise. Hún vill ekki bara loka götum borgarinnar heldur líka loka ehf-götum í skattkerfinu til að tryggja að meðaljóninn sé ekki að hafa neinar krónur umfram það sem þarf til að þrauka. Hún segir að sjálfsögðu að hún muni verja þá verst settu og slá skjaldborg um heimilin en við höfum heyrt þann kæsta brandara áður og hljótum að vera farin að átta okkur á að loforð þessa flokks eru ekki 5 ára virði þó þau hafi verið dýru verði keypt í gegnum tíðina.

Dagur gæti orðið borgarstjóri aftur, - Skjaldborgarstjóri í Nor-rænulausu helferðarstjórninni hinni nýju.

 

Fólk ætti ekki að láta hvarfla að sér að hér sé einhver ný Skattfylking á ferðinni þó það sé búið að skipta um front. Þetta er sama gamla „góða“ Samfó sem setti á 105 nýja skatta og seldi ofan af 14.000 fjölskyldum síðast þegar hún var í stjórn og hún mun ekki hika við að gera það aftur í samstarfi við hina kratana í Viðrekstri.

Þetta „plan“ þeirra er ekki á háu plani.

 

Trabant verður ekki Benz þó að Benz-stjarna sé sett fremst á húddið. Trabant er og verður Trabant.

Þó að Skattfylkingin sé núna að tala um „nýtt upphaf“ og segist ætla að „laga Ísland“ (Make Iceland Great Again) þá er auðvitað hvorki hún né Viðrekstur að fara að bæta samfélagið eða laga nokkurn skapaðan hlut. Þetta kratalið er ekki einusinni fært um að laga kaffi.

 

 

Skoðanakannanir. Skoðanahannanir

Það sem einkum má lesa útúr skoðanakönnunum eru skoðanir þeirra sem gera þær.

Það þykir kannski nokkuð fast að orði kveðið og ekki allskostar rétt en þetta er nú engaðsíður réttara en flestar skoðanakannanir.

Ég hef alltaf verið voðalega skeftískur á svona skoðanakannanir og tekið þeim með miklum fyrirvara því ég veit að Íslendingar upp til hópa geta ekki með nokkru móti verið heiðarlegir, hvorki í þessum bissniss né í fjölmiðlun eða nokkrum öðrum bissniss sem þeir taka sér fyrir hendur.

 

Eða hefur einhver séð ólitaða frétt um Trump í íslenskum fjölmiðlum undanfarin 10 ár?

Hefur einhver séð heiðarlegt óhlutdrægt viðtal við Sigmund Davíð á RÚV undanfarin 10 ár?

Í skoðanakönnunum má sjá svona sirka hvernig landið liggur en varla mikið meira en það.

 

Núna eru skoðanahannanafyrirtækin búin að búa til tvo turna, vinstriflokkinn Samfó og vinstriflokkinn Viðreisn, sem er presenteraður sem „hægriflokkur“ af öllum okkar vinstrisinnuðu fjölmiðlum og vinstrisinnuðu „stjórnmálafræðingum“ og vinstrisinnuðu skoðanahannanafyrirtækjum.

 

Hvor þessara flokka um sig á víst að vera með um 20%, líkt og keppnin sé bara á milli þeirra tveggja og óþarfi sé að pæla í öðrum flokkum - og svo þar langt fyrir neðan er Sjálfstæðisflokknum plantað með um 14% og Miðflokknum með um 12% og Flokki fólksins með um 11% - og þar langt fyrir neðan eru svo einhverjir illa þefjandi ruslflokkar sem sleikja klósettið.

 

 

Sjálfstæðisflokkur, Miðflokkur, Flokkur fólksins

Það má vel vera að þetta sé alltsaman kórrétt en ég vil nú samt leyfa mér að efast um það.

Mér þykir nefnilega ansi líklegt að það sé verið að smyrja allt of rausnarlega á Skattfylkinguna og Viðreisn og að þessir flokkar séu miklu vinsælli í skoðanakönnunum en í raunveruleikanum, rétt einsog Grettis-Kata, sem átti að gera að forseta.

 

Ég myndi hallast að því að Viðreisn væri með um 15% fylgi og Skattfylkingin kannski eitthvað ívið meira.

Ég vil því eiginlega snúa þessum könnunum algerlega á hvolf því ég held að Sjálfstæðisflokkurinn fái um 20% þó hann sé alltaf að mælast með 13 - 14%,  og að Miðflokkurinn verði hugsanlega einhversstaðar á því róli líka þannig að þessir flokkar munu því eiga góðar líkur á að geta myndað þriggja flokka stjórn.

 

Flokkur fólksins gæti síðan komið verulega á óvart og spilað stóra rullu því ég er ekki frá því nema hann verði einn af aðal sigurvegurum kosninganna.

Þetta skítkalda mat mitt er algerlega óviðkomandi mínum eigin óskum.

En það sakar samt ekki að varpa fram lítilli spurningu.

 

Hvor stjórnin skyldi nú vera giftusamlegri fyrir land og þjóð:

Borgaraleg stjórn Miðflokks, Sjálfstæðisflokks og Flokks fólksins – eða kommúnistastjórn Skattfylkingar, Viðreksturs, Framasóknar, Pírapa og jafnvel Sósujafnara líka?

 

Besta hugsanlega stjórnarmynstrið væri að sjálfsögðu Miðflokkur, Sjálfstæðisflokkur og Flokkur fólksins og ég tel nú meiri líkur á að það geti orðið niðurstaðan en skelfilegt Reykjavíkurmódelið sem skoðanahannannafyrirtækin hafa verið að reyna að matreiða ofaní fólk og fá það til að kjósa.

Stjórn Skattfylkingar, Viðreksturs og Framasóknar (og Pírapa) væri að sjálfsögðu ávísun á dauða og djöful einsog sjá má í borginni.

 

Allir flokkar eru að boða breytingar en einu raunverulegu breytingarnar verða ef Sigmundur og hans flokkur kemur sterkur út og kemst í stjórn og helst í forsætisráðuneytið.

Sigmundur er sá eini sem er þess megnugur að gjörbreyta um kúrs og koma skikki á landamæragæsluna og koma þjóðarskútunni á réttan kjöl eftir umfangsmiklar eyðileggingar kommúnistastjórnarinnar á öllum sviðum, og það er vegna þess að hann skilur nákvæmlega í hverju vandinn er fólginn og er með stóru myndina á hreinu og er með hausinn rétt skrúfaðan á.

Ef hann væri vitlaust skrúfaður á þá væri hann hélaður wokeisti á sokkaleistunum með hor í nefi inná einhverju sambýli með Píröpum að skalla veggi yfir því að Trump hafi bakað Kamagra Harris.

Þetta eru engin geimvísindi.

 

 

Enginn hægrimaður eftir í Sjálfstæðisflokknum

Annar hver kjósandi Sjálfstæðisflokksins í síðustu kosningum hefur snúið baki við flokknum og það er soldið skrýtið. Maður hefði nefnilega haldið að hver einasti kjaftur væri búinn að fá uppí kok. Það er allavega ekki nokkur einasti alvöru hægrimaður að fara að kjósa þennan flokk og það er vegna þess að það er ekki nokkur einasti hægrimaður eftir í flokknum.

 

Sigríður Á. Andersen fór ekki yfir í Miðflokkinn að gamni sínu. Hún er eldklár alvöru hægrikona og hún nennir að sjálfsögðu ekki að hanga í einhverju illa þefjandi grálúsugu kratabæli sem hvorki virðir né fer eftir eigin stefnuskrá.

 

Eini flokkurinn sem gæti staðið undir slagorðinu „Sterk velferð, stolt þjóð“ er Miðflokkurinn og hann er jafnframt eini flokkurinn sem virðir stefnuskrá Sjálfstæðisflokksins.

Miðflokkurinn hefur staðið fastur á sínum hugsjónum og aldrei kvikað þó fólk hafi kallað hann ýmsum ónefnum á undanförnum árum og vænt hann um útlendingaandúð og útlendingahatur og rasisma og þessháttar bullshit. Hann er algerlega laus við wokeisma og pólitíska rétthugsun og svoleiðis vinstriheimsku sem er að ganga af Sjálfstæðisflokknum og Vesturlöndum dauðum.

 

Þó að Miðflokkurinn sé ekki grjótharður hægriflokkur samkvæmt reglustikumælingum einhverra kreddufullra orðhengilspappakassa þá skiptir það engu máli því hann vill einfaldlega standa vörð um það sem mestu máli skiptir, sem er þjóðríkið og fullveldið og hagsmunir Íslands.

 

 

Heiðarleg gagnrýni er ekki skítkast

Hægrimenn hafa ekki bara fengið sig fullsadda af þessum woke-krataflokki sem Sjálfstæðisflokkurinn er vegna þess að ráðherrar flokksins hafi skriðið fyrir Kötu og öfgavinstridúddunum hennar í VG og kokgleypt allt þeirra geðveikislega kommúnistarugl non stop í 7 ár heldur vegna þess að ráðherrar Sjálfstæðisflokksins hafa sjálfir gefið í og oft toppað Vinstri galna í wokeismanum og pólitíska rétttrúnaðinum þannig að það hefur oft ekki mátt á milli sjá hvorir væru meiri vinstrimenn.

 

Þeir flokka þetta örugglega sem skítkast og verða voðalega sárir, en ef þeir taka allri velmeinandi gagnrýni á versta veg og ætla ekkert að læra þá eru góðar líkur á að þeir munu lenda undir 10% næst.

Sjálfstæðismenn leyfðu Kötu komma að svæla sinn allra besta ráðherra úr sæti dómsmálaráðherra, Sigríði Á. Andersen, og leyfðu Kötu að gera Jón Gunnars 5 sinnum afturreka með útvatnað útlendingafrumvarp sitt.

 

Ég er margbúinn að mana Bjarna að fara nú í kynskiptiaðgerð og láta breyta sér í karlmann og græða á sig pung og fara að taka á málunum einsog maður, en hann hefur bara klórað sér í hausnum og pjöllunni og gónt annarshugar útí loftið einsog grillaður vinstriálfur með heilaþoku.

Það er núna fyrst sem hann er farinn að rumska. Betra seint en aldrei. Batnandi kellu er best að lifa.

 

 

Sjálfstæðisflokkurinn er skásti krataflokkurinn

Í dag er nóg að skilgreina sig einhvernveginn til að það sé gúterað sem sannleikur. Upplifun er orðin sannleikur. Ef einhver upplifir sig t.d. sem kynhverfa kengúru þá er hann skráður sem kynhverf kengúra. Ef t.d. skjannahvítur karl í fangelsi segir að hann sé sótsvört kelling þá er hann skráður þannig og samstundis fluttur í kvennafangelsi.

Þetta kallast víst kynrænt sjálfræði eða kynlegt brjálæði eða eitthvað svoleiðis og það var vitaskuld Grettis-Kata sem innleiddi þetta geðveikisrugl, með samþykki Sjálfstæðisflokksins að sjálfsögðu.

 

Kratarnir í flokksforystu Sjálfstæðisflokksins upplifa sig sem hægrimenn og segjast vera hægrimenn og virkilega trúa því að þeir séu hægrimenn en auðvitað eru þeir ekki hægrimenn. Einu mennirnir sem trúa því að þeir séu hægrimenn, fyrir utan þá sjálfa, eru fjölmiðlamenn og stjórnmálafræðingar og einhverjir yfirgengilega tryggir þráhyggjukjósendur sem láta Allt yfir sig ganga, rétt einsog sjálfstæðismenn gerðu í samstarfi við Vinstri geðveika.

Þó að forysta flokksins horfi á eftir öllum alvöru hægrimönnum labba úr flokknum haldandi fyrir nefið þá botna þeir ekkert í þessu.

 

Þó að Sjálfstæðisflokkurinn sé woke krataflokkur þá er hann engaðsíður skásti krataflokkurinn. Hann nefnilega getur tekið sönsum, öfugt við hina vinstriflokkana.

Hann var tildæmis virkilega fínn undir stjórn Sigmundar Davíðs í bestu ríkisstjórn aldarinnar.

Þar var bromance á ferð og flokkarnir kölluðu fram það besta í hvor öðrum og gerðu góða hluti því Sigmundur hefur sýn og veit hvert hann vill fara.

 

Undir stjórn Kötu komma var Sjálfstæðisflokkurinn hinsvegar hreinn hryllingur einsog allir vita og það er nú ástæðan fyrir því að allir hægrisinnaðir hófsemdarmenn geta ekki hugsað sér að kjósa þetta helvíti, nema kannski þeir lítilþægu félagar Jón Gunnars og Brynjar Níelsson, sem eru hæstánægðir ef Bjarni hendir í þá beini eða inniskó til að naga.

Þeir eru einu hægrimennirnir sem eru eftir í flokknum og verða það á meðan Bjarni gengur í inniskóm sem hann má missa.

 

 

Að refsa með réttum hætti

En þó að hægrimenn séu reiðir Bjarna og flokknum þá verða þeir samt að að slaka aðeins á og fara að anda með rananum og hugsa sig um áður en þeir fara í kjörklefann.

Þeir sem vilja refsa Sjálfstæðisflokknum þurfa að átta sig á því að með því að færa atkvæði sitt frá Sjálfstæðisflokknum yfir til Viðreksturs, sem þeir halda að sé hægriflokkur, þá eru þeir um leið að refsa sjálfum sér og þjóðinni því Viðrekstur er ekkert annað en Skattfylkingin með hárkollu og sólgleraugu og mun mynda verstu stjórn lýðveldissögunnar, ennþá verri óstjórn en þá kommúnistastjórn sem var að hrökklast frá. Þetta heitir að fara úr öskunni í eldinn. Semsé úr öskunni í ESB, sem logar stafnanna á milli.

 

Alvöru hægrimenn sem vilja endilega refsa Sjálfstæðisflokknum sínum ættu því að kjósa Miðflokkinn, - en þeir „hægrimenn“ hinsvegar sem eru soldið woke einsog flokksforystan og eru fullir af loftslagskvíða og dást að vindmyllum og kynhlutlausum klósettum og vinstri pottaplöntum einsog Joe Biden og Kamagra Harris og elska ófrið og hata Trump, þeir ættu að halda áfram að kjósa Sjálfstæðisflokkinn í stað þess að kjósa Viðreisn, einfaldlega vegna þess að Viðreisn er margfalt verri og vinstrisinnaðri og vitlausari woke-krataflokkur, með fullri virðingu fyrir formanni Viðreksturs, Þorgerði Katrínu.

Þeir sem ætla sér að kjósa Viðreisn þyrftu á endurmenntun að halda.

Í lokin er hér lítil vísa sem ég var að gera um vinstri systurflokkana Skattfylkinguna og Viðreisn:

 

Skattfylkingin mun valda

skaða og þjóðin mun gjalda

og skattpínast lon og don.

Komist Viðreisn til valda

mun Ísland um aldir alda

ei eiga sér viðreisnar von.

 

Að endingu vil ég geta þess að ég treysti ljósmyndaranum RAX manna best til að mynda næstu ríkisstjórn.

 

 

 

 

(Tónlist Stormskers má finna á Spotify og víðar).

Spursmál: Reynsluboltar rýna í stöðuna

Athugasemdir

[Magnús Sigurðsson, 29.11.2024 kl. 17:31]

Góður pistill Sverrir, - alls ekki langrækin þó svo engu sé gleymt, skrifaður af raunverulegri lífsreynslu hins miðaldra manns, -engum bernskubrekum.

Tek nánast undir hvert orð.

Takk fyrir leiðsögnina.

[Þröstur R., 29.11.2024 kl. 20:54]

Þakka skemmtileg orð Sverrir,

Þegar maður stendur fyrir framan óreiðu og óskynsemi þá er gott að kafa ofan í einfaldleikann og rödd skynseminar. Ég mun kjósa rétt fyrir land og þjóð.

[Sigurður Kristján Hjaltested, 29.11.2024 kl. 21:59]

Ætti að vera skyldulesning fyrir óupplýstan þingheim

sem stendur í þeirri trú að almenningur í landinu sé

ekki þjóðin.(Ingibjörg Sólrún)

Snilldaristill að venju Sverrir.

Takk fyrir.

[Jóhann Elíasson, 30.11.2024 kl. 09:08]

Já svo sannarlega eiga landmenn betra skilið en Þorgerði Katrínu KÚLULÁNADROTTNINGU og hirð hennar...... 

[Sverrir Stormsker, 1.12.2024 kl. 17:01]

Magnús, ég tek líka undir hvert orð í þessum pistli.

[Sverrir Stormsker, 1.12.2024 kl. 17:04]

Þröstur, gott að heyra, en það hefðu aðeins fleiri mátt kjósa rétt einsog þú.

[Sverrir Stormsker, 1.12.2024 kl. 17:06]

Sigurður, jú, auðvitað ætti þetta að vera skyldulesning fyrir óupplýstan og ólæsan þingheim.

[Sverrir Stormsker, 1.12.2024 kl. 17:11]

Jóhann, það skrýtna er að hún sagði sjálf í auglýsingu að landsmenn ættu betra skilið en hana.

Þar kom að því að hún hitti naglann á höfuðið.

[JJ, 2.12.2024 kl. 14:33]

Sæll Sverrir, takk fyrir góðan pistil. Ég var að spá hvort nokkuð væri að frétta af plötunum þínum á Spotify sem ég spurði þig um í vor. Það er mikil þörf á Guðspjöllunum á Spotify. Ég gæfi líka mikið til að nálgast demo-upptökur eða óútgefin verk frá því í gamla daga. Live upptökur, allt þetta. Kv.

[Sverrir Stormsker, 2.12.2024 kl. 18:02]

JJ, ég vil ekki lofa neinu um demó og live upptökur og þessháttar en ég ætti að geta lofað að Stormskers Guðspjöll verði komin inn á Spotify ekki seinna en í janúarber, og svo mun There Is Only One koma í kjölfarið svo og The Very Best Of Greatest Hits, sem er þriggja platna albúm með nokkrum nýlegum aukalögum í bónus sem ekki hafa komið út áður.

En takk fyrir að minna mig á þetta.

[Ingólfur Sigurðsson, 3.12.2024 kl. 06:42]

Við tónlistarmenn erum viðkvæmir fyrir að leyfa fólki að heyra demó og tónleikaupptökur - ef það er á mörkunum með að standast gæðakröfur sem maður gerir. Það er bæði freistandi og spennandi að leyfa fólki að heyra eitthvað hrátt og flippað - en maður verður að vera viss. Innanum geta verið perlur, stundum mjög góðar. 

En ég gleymdi að lesa þennan pistil almennilega. Hann er góður eins og annað frá Sverri. En húmorselementið er dvínandi en virðuleikaelementið er á uppleið. 

Það er margt gott í þessum pistli, eins og til dæmis að Þórður Snær hefði verið ágætt efni í skynsaman mann, ef hann hefði ekki dottið í froðunni frá femínistum. Megi honum vegna vel að finna sjálfan sig á ný - og vonandi verður sú útgáfa líkari gamla Þórði Snæ en nýja, finnst mér.

Ég er spenntur að heyra "There Is Only One", ég á flest með Sverri nema hana. Mér finnst skemmtilegt að eiga þetta á vinyl.

En þessi pistill sýnir að Sverrir gæti alveg farið í pólitík. En pólitíkin vill ekki alvöru pólitík ennþá, vonandi breytist það.

Snilldarpistill, eins og Sigurður K. H. skrifaði. 

[Ragnar Kristján Gestsson, 3.12.2024 kl. 20:00]

Takk fyrir mig Sverrir, það hefði óneitanlega verið skemmtilegra að hafa þig á kosningavöku rúV en Boga og Ólaf H. Sterkari greinandi analísa ...