Jón Násker og stórasta rán Íslandssögunnar

Það er búið að vera mikið um rán og gripdeildir að undanförnu. Gjafakvótakerfið heppnaðist fullkomlega sem stærsta rán Íslandssögunnar og fyrir nokkrum dögum upplýsti Jón Ásgeir að það hefði verið framið bankarán, hvorki meira né minna en stærsta bankarán Íslandssögunnar, jafnvel heimsins. Þetta er um margt sögulegt bankarán því forsvarsmenn bankans leituðu til bankaræningjans og samþykktu ránið með undirskrift.

                                                                                                                                                                                                                                     Jón Násker sýnir sína löngu fingur

 

Þetta gerðist svona: Davíð gekk inní reyklaust bakherbergið og beindi byssu að gagnauga Þorsteins Más og sagði: „Velkominn til Vítis, auli. Ég heiti Davíð og ég er bankaræningi. Glitnir er að fara til andskotans, þ.e.a.s. til mín. Ég ætla að hirða bankann af ykkur. Ég er með ríkisstjórnina hérna í rassvasanum og nú er lag að dúndra hraustlega í punginn á Jóni Ásgeiri drulludela. Skrifaðu undir eða þú færð eitthvað annað en flugu í höfuðið, motherfucker!"

 

 

Þorsteinn Már Baldvinsson

 

Fólk elskar samsæriskenningar. Allt sem miður fer í þessum heimi er að sjálfsögðu Davíð að kenna. Hann og Satan eru tvíburar. Jón Ásgeir, sem bráðum mun breyta nafni sínu í Jón Násker, vill meina að Davíð sé handrukkari ríkisins og einn mesti ræningi sögunnar, fyrir utan matvörukaupmenn. Ég vil hinsvegar meina að stærsta bankarán Íslandssögunnar sé rán bankanna á landsmönnum í formi glæpsamlega hárra vaxta. Bankalán = bankarán. Þetta Glitnis"rán" er smotterí í samanburði við það raunverulega rán og það mun standa yfir um ókomin ár.

                                                                                                                                     Bankaræninginn ógurlegi                                       

 

 

 

(24 Stundir, 4. október)

 

Gestur í þætti mínum "Miðjan" á Útvarpi Sögu fm 99.4 í dag milli kl. 16:00 og 18:00 verður Jón Gerald Sullumberger eða hvað hann heitir nú annars sá ágæti maður. Jón þessi Kerald Shullendvergur er nýbúinn að skella tveimur mögnuðum sannsögulegum bíómyndum um fjárhúsið Glitni inná youtube í dolby steríó og þrívídd (http://www.youtube.com/watch?v=ffaLd1dkq2U). Þegar maður horfir á þessar óhugnanlegu glæpamyndir þá dettur manni í hug skammstöfunin S.O.S., - Sukk Og Svínarí. Verður þessi syrpa í þremur hlutum einsog The Godfather eða ætlar hann að hætta á toppnum? Er Jón Násker búinn að kaupa kvikmyndaréttinn að ævisögu Jóns Gímalds eða var Jóhannes í Bóner fyrri til? Við þessum áleitnu spurningum þarf að fá skýr svör. Það er við hæfi að ræða þessar óhugnanlegu kvikmyndir og margt annað bisnesstengt við Jón Rekald Spielberger eða hvað hann heitir nú annars þessi ágæti maður.

Svo mun Geiri á Goldfinger kíkja við með vel sleiktar skonsur undir arminum og ræða fjárfestingarfyrirtæki sitt Straumur Hurðarás um öxl en það kompaní var einmitt að festa kaup á nokkrum gámum af flottum blöðrum frá Litháen og Léttlandi. 

 

Fyrri þætti má nálgast á:  www.stormsker.net

Athugasemdir

[Magnús Sigurðsson, 8.10.2008 kl. 06:49]

Þú skýrir málið mun betur heldur en Davíð tókst í næstum klukkutíma einræðu í ríkisfjölmiðlinum í gær.

[Ómar Ingi, 8.10.2008 kl. 07:06]

Stök snilld SS

[Kjartan Pétur Sigurðsson, 8.10.2008 kl. 07:14]

:)

[Heimir Tómasson, 8.10.2008 kl. 09:12]

Vel mælt. Held að þú hafir "hnotið um kjarna málsins".

[Gulli litli, 8.10.2008 kl. 10:05]

Stærsta ránið var þegar við gáfum þeim bamkana..

[Survival of the fittest, 8.10.2008 kl. 10:06]

Sammála þér í einu og öllu Stormsker !!

Svo festa þeir gegnið í seðlabankanum en krónan er í frjálsu falli ennþá gagnvart landsmönnum. 

Neyðarlögin eru fyrir kapítalismann og ekkert annað.

VIÐ BLÆÐUM ENN FYRIR HELVÍTIS KAPÍTALISMANN.

[alva (IP-tala skráð) 8.10.2008 kl. 10:38]

Góður!!

[Heimir Lárusson Fjeldsted, 8.10.2008 kl. 11:50]

Þakka fréttaskýringuna.

[Helga Guðrún Eiríksdóttir, 8.10.2008 kl. 11:53]

Vona að þessi mæti...   

[Sverrir Stormsker, 8.10.2008 kl. 14:11]

Sælt veri fólkið.

Það er enginn hætta á öðru en að Jón Gerald Carlsberger mæti, eða hvað hann heitir nú sá ágæti maður, því hann er staddur í útlandinu og ég verð í símasambandi við hann.  Var að tala við hann rétt áðan. Held hann sé í Hollywood að leikstýra nýrri bíómynd um Glitni og FL Group-sex. Hann lofaði að tala um málin opinskátt og draga ekkert undan. Margar Bombur munu falla, ég segi og skrifa B-O-N-B-U-R-R.

Geir gullputti mætir einnig á sæð....svæðið í eigin persónu og við munum sameiginlega leysa úr efnahagsvanda Íslendinga úr því að Bubba Morthens tókst það ekki í hádeginu.

Þátturinn byrjar uppúr  kl. 4, eða strax eftir blaðamannafund forsætisráðherra sem verður á samtengdum rásum Bylgjunnar og Útvarps Sögu.

Góða skemmtun.

[Helga Guðrún Eiríksdóttir, 8.10.2008 kl. 17:57]

Sverrir minn, aldrei hélt ég að ég ætti eftir að segja þetta við þig, en viðtalið við Jón Gerald Sullenberger var fréttaviðtal aldarinnar!!!  

[Júrí (IP-tala skráð) 8.10.2008 kl. 21:06]

Gríðarlega sammála Helgu . Þetta viðtal var alveg milljón ( rúblur )

[Heidi Strand, 8.10.2008 kl. 21:11]

[Þórbergur Torfason, 8.10.2008 kl. 21:45]

Nú verður að koma Útvarpi Sögu í dreifingu um allt land. Það gengur bara ekki að fáeinir útvaldir geti bara notið þessarar annars frábæru talrásar, þeirrar einu á gjörvöllu landinu.

Annars, takk fyrir söguskýringuna Sverrir

[Helga Guðrún Eiríksdóttir, 8.10.2008 kl. 23:36]

Útvarp Saga er ekki bara um allt land heldur allan heim. Ég bý í Englandi og klikka bara á einn takka á heimasíðunni minni.  

[Sigríður Inga Sigurjónsdóttir, 9.10.2008 kl. 15:27]

Hressandi að lesa svona góða færslu