Land-Ráðamenn biðja um blóð

 

Það er deginum ljósara að stjórnmálaslúbbertarnir ætla sér að varpa öllum byrðunum á beinabert bogið bak þjóðarinnar. Á tyllidögum fjasa þeir um mannauðinn og gildi menntunnar og bla bla bla, en þá loksins þessir jarðsambandslausu aular þora að taka ákvarðanir þá miða þær allar að því að skera niður í mennta - og heilbrigðiskerfinu og sökkva fólki dýpra í skuldafenið og flæma það úr landi. Á sama tíma moka þeir undir taðgatið á sjálfum sér og geta ekki einusinni drullast til að afnema eftirlaunafrumvarpið með öllu. Það tók korter að keyra það í gegnum þingið en er búið að taka 5 ár að skralla efsta lagið ofanaf því þrátt fyrir loforð Samspillingarinnar um algert afnám þess. Þessir bananar eru bíða eftir einhverju miklu harðarara en snjóbolta í galtóman hausinn.

 

Þeir sýna engan vilja til að taka á úrásaröpunum og það gefur fólki skiljanlega þær hugmyndir að þeir sjálfir séu maðkétnir og gjörspilltir og innvinklaðir í bankasorann og að þeirra eigin pöddur hvíli undir hverjum þeim steini sem þeir eru sífellt að lofa að velta við. Það eru nær 3 mánuðir frá hruninu og enn eru menn að "rannsaka" sjálfa sig og enn kemur Björgvin G. af fjöllum einsog rammvilltur jólasveinn í öllum málum og enn er Geir fálmandi og hikstandi einsog blindur róni og enn eru gefin loðin svör og fólki haldið í þoku og óvissu og enn er "verið að skoða málin" (stinga þeim undir stól) og enn eru málin "í ákveðnum farvegi" (í pappírstæturunum) og enn sitja sömu strumparnir í bönkunum og enn láta hákarlarnir greipar sópa um allt fémætt sem eftir er í brunarústunum og enn hrýtur Fjármálaeftirlitið og enn ganga útrásarhryðjuverkamennirnir lausir.

 

Forsetinn, sameiningartákn útrásarþjófanna, býðst í auglýsingaskyni til að fá laun sín lækkuð úr tæpum tveimur milljónum í 1700.000 í stað þess einfaldlega að gefa helming þeirra þegjandi, hljóðalaust og skrumlaust í Mæðrastyrksnefnd. Ýldustækjan er kæfandi hvert sem fólk rekur nefið. Þorláksmessukötustækjan virkar sem rósaangan í samanburði. Aðstæður núna eru kjörnar til allsherjar hreingerninga og uppstokkunar en engu skal breytt. Öllu skal sópað undir teppið. Allt verður við það sama. Enginn banani skal fá að falla til jarðar af lýðveldistrénu. Það á greinilega að halda þjóffélaginu áfram í heljargreipum spillingar, óréttlætis, fúsks, yfirstéttarhagsmuna og heimsku. Fólk sér í hendi sér að það mun ekkert breytast. Kosningafyrirkomulaginu verður ekki breytt. Persónukjöri verður ekki komið á. Eftir kosningar munum við fá yfir okkur sama ógeðslega horið, - bara úr vinstri nösinni.

 

Auðvitað mun sjóða uppúr. Það ætti allavega að gera það. Pottlokið ætti að festast við loftið ekki seinna en í febrúarber. Ef að Íslendingar væru ekki þolinmóðustu lindýr jarðarinnar þá stæðu hús útrásartalíbananna og land-ráðamannanna í björtu báli eftir áramót og Alþingishúsið flygi í 30 þúsund fetum yfir Austurvelli. Stjórnmálamenn treysta því að þjóðin láti bjóða sér ALLT. Vonandi hafa þeir ekki rétt fyrir sér.

 

PS: Skellti inn jólalagi eftir mig frá 1987 í tónlistarspilarann, Söngi veiðimannsins, lagi sem var bannað á sínum tíma af einhverjum ástæðum.

"Gleðileg" kreppujól.

Óttast að uppúr sjóði

Athugasemdir

[Jack Daniel's, 23.12.2008 kl. 13:22]

Eins og mælt úr mínum munni.

[Haraldur Baldursson, 23.12.2008 kl. 13:56]

Kjarnin í þessu er kannski að ekki verða fleiri byrðar lagðar á almenning að óbreyttu. Reynist þörf á að leggja auknar skattbyrðar á okkur, gengur það ekki upp, nema að finna leiðir fyrir fólk að geta greitt af sínum lánum. Af fullkominni auðmýkt var ég að gera tilraun til að réttlæta aðkomu lífeyrissjóðanna hér, þar sem mér sýndist að eignir Lífeyrissjóðanna vera svipaðar heildar-húsnæðisskuldum heimilana. Helstu forsendur eru svo þær að lífeyrissjóðirnir fá sínar iðgjöld háð Launavísitölu og greiðslur elli- og örorkulífeyris er líka nokkurn veginn háð launavísitölu...væri þá ekki, ef ÖLL lán yrðu flutt til Lífeyrissjóðann borðleggjandi að notast við Launavísitöluna. Þá væri allt inn og út háð sömu vísitölu.

[Einnar línu speki, 23.12.2008 kl. 14:25]

Ég skal taka byrðarnar, ef ég fæ réttlæti í staðinn... Er samt ekkert bjartsýnn á það. Ræningjarnir eru enn í bönkunum.

[Óskar Helgi Helgason (IP-tala skráð) 23.12.2008 kl. 15:20]

Heill og sæll; Sverrir, líka sem þið önnur, hver hér rita, og lesa !

Kærar þakkir; fyrir þetta beitta innleg. Sem og önnur, hér að ofan.

Ekki veitir af.

Með ágætum kveðjum, úr Árnesþingi /

Óskar Helgi Helgason

[Ragnar Eiríksson, 23.12.2008 kl. 16:43]

Það var nefnilega það - mér finnst þú stundum orðljótur en ekki núna, ég er sammála Jack Daniel's, "Eins og mælt úr mínum munni."     Ég bara man ekki öll þessi fínu orð þín - þau tíðkast ekki hér!

Eg mundi líka vilja heyra seinna viðtalið við Jónínu og Sullenberger, ég missti af fyrri hlutanum!

Ragnar

[Sverrir Stormsker, 23.12.2008 kl. 17:40]

Sælt veri fólkið.

Er ekki alveg með það á tæru hvenær ég muni aulast til að skella þættinum með Sullenberger og Ljónynju Ben inná netið en það verður mjög fljótlega. Skal láta vita af því með  stríðsfyrirsagnarbloggfærslu. Þetta var ansi fjörugt, fróðlegt og skemmtilegt spjall. Líklega einn besti þátturinn. Trúi ekki öðru en að Þessu stórfína tvíeyki verði boðið í grísasteik til Bónusfamelíunnar á jólunum ef það er eitthvað eftir af svíninu.

Það hafa fjölmargir kvartað yfir því í mín eyru að þátturinn skyldi ekki hafa verið endurfluttur að degi til og spurt mig um ástæðuna en ég kann því miður engin svör við því.

[Valsól (IP-tala skráð) 23.12.2008 kl. 21:40]

Hvers vegna ætli það sé sem eftirlaunaósóminn er enn við lýði? Þú virðist kenna Samfylkingunni um það að ekki sé búið að afnema ósómann. Þá langar mig að spyrja þig hvers vegna kennir þú ekki Sjálfstæðisflokknum um það að ekki er búið að taka þennan ósóma burt? Er það kannski vegna þess að þú tekur því sem sjálfsögðum hlut að Sjálfstæðisflokkurinn vilji hafa þetta svona? Það er ekkert annað en hræsni að skrifa svona, ju jú Samfykingin lofaði að afnema þetta óréttlæti en því miður er hún í samstarfi við svo spilltan flokk sem sér ekki ósóman í eftirlaunalögunum. Það ætla ég að vona að Safylkingin slíti þessu stjórnarsamstarfi sem fyrst.  Já það er undarlegt að sjá þig gagnrýna flokkinn sem hefur í heilt ár reynt að fá Sjálfstæðisflokkinn til að sjá spillinguna sem felst í eftirlaunaósómanum, en því miður lítið orðið ágengt. Það er hvert óréttlætið á fætur öðru sem Sjálfstæðisflokkurinn hefur rekið á undan sér og látið dynja á landslýð sbr. kvótakerfið, og einkavinavæðingar. Svo koma skósveinar flokksins sem eru óánægðir með þetta óréttlæti sem Sjálfstæðisflokkurinn hefur komið á, og vegna þess að skósveinar flokksins vilja ekki gagnrýna Sjálfstæðisflokkinn sjálfan fyrir óréttlætið, þá liggur beinast við að gagnrýna bara Samfylkinguna fyrir það sem Sjálfstæðisflokkurinn hefur gert. Þetta er hræsni, og ekkert annað. Ef þér líkar svona illa við eftirlaunaósómann, gagnrýndu þá fjandans höfundinn og flokkinn sem kom þessu á og vill ekki afnema þetta. Þá væri þú heiðarlegur.

[Óskar Þorkelsson, 23.12.2008 kl. 21:58]

sammála þér Stormsker .. flottur pistill í alla staði. 

en ástæða þess að ekkert gerist er sú að íslendingar eru komnir af þrælum í beinan karl og kvenlegg.. við erum enn þrælar. 

[Magnús Sigurðsson, 23.12.2008 kl. 23:03]

Þú hamrar naglann á höfuðið Sverrir, varla hægt að greina stöðuna skírar og þetta er svo raunsatt að þetta er ekki einu sinni fyndið. 

[Sverrir Stormsker, 24.12.2008 kl. 01:13]

Valsól eða hvað þú heitir. Það veit hver einasti maður að það var Sjálfstæðisflokkurinn sem kýldi þetta fáránlega eftirlaunafrumvarp í gegnum þingið fyrir 5 árum, og þeir hafa ekkert verið að fara í felur með það. Það á ekki að þurfa að tyggja þetta í fólk nema það sé eitthvað illa vankað. Það vill hinsvegar gleymast að formenn allra flokka samþykktu þennan sérhagsmunagjörning, líka hinn heilagi Steingrímur J. Sigfússon. Kaup flokksformanna hækkaði nefnilega umtalsvert við þetta.

Sjálfstæðisflokkurinn hefur aldrei talað um að hann vilji ólmur afnema þetta óréttlæti en Samfylkingin hinsvegar með Imbu Sólrúnu í broddi fylkingar þrástagaðist á því fyrir kosningar að kæmist hún í stjórn þá myndi hún afnema þennan ófögnuð á nóinu. Auðvitað var ekki orð að marka það frekar en nokkuð annað sem frá þessu auma liði kemur. Það er ekki Sjálfstæðisflokkurinn sem er með grímu í þessu máli heldur Samspillingin sem er að sigla undir fölsku flaggi einsog endranær, og ef þú kýst að nota orðin "hræsni" og "hræsnari" viðvíkjandi þessu máli notaðu þau þá um rétta fólkið. 

Geir Haarde hefur sömuleiðis ekki farið í felur með það að hann styðji Davíð í stóli Seðlabankastjóra. Samspillingin hinsvegar, meistarar hræsninnar, gefa út yfirlýsingu um það að Davíð starfi ekki í sínu skjóli. Reginfíflska og hræsni af billegustu sort. Auðvitað bera báðir stjórnarflokkarnir ábyrgð á setu Davíðs. Annar flokkurinn viðurkennir það, hinn hræsnar. 

Ég hef aldrei verið "skósveinn" Sjálfstæðisflokksins einsog þú dylgjar um og mun aldrei verða og kæri mig ekki um að askvaðir hér inn á skítugum skónum og brigslir mér um hræsni og óheiðarleika.  Af nógu slíku er að taka í flokknum þínum, Samspillingunni. Ef þér er mál að skíta, drullaðu þá heima hjá þér, ekki á teppið hjá mér. 

Gleðileg jól

[Kjartan Pétur Sigurðsson, 24.12.2008 kl. 03:28]

Ég er marg búinn að segja það frá upphafi að mátlaus mótmæli hafa nákvæmega ekkert að segja. Það á að vera búið að virkja molotoff kokteil fyrir löngu síðan. Þó svo að eitthverjir smákofar brenni, þá er það ekki neitt í samanburði við þær brunarústir sem þjóðin þarf að búna núna við næstu árin. Það gerist ekkert fyrr en þeir sem stjórna fá að verða aðeins hræddir og á meðan þeim er ekki ógnað, þá gerist ekki neitt.

[Sverrir Stormsker, 24.12.2008 kl. 10:25]

Það er rétt: Máttlaus mótmæli hafa nákvæmlega Ekkert að segja. Þagnarbindindi niðrá Austurvelli gerir minna en ekkert gagn. Broslegt og aumkunarvert í senn. Menn halda að Ghandi hafi verið með svona geispandi mótmæli en það er alger misskilningur. Hann pirraði Bretana óstjórnlega með allskyns uppátækjumog mótþróa.

Mér finnst soldið spaugilegt að hinn ötuli mótmælandi og skrásetjari, Lára Hanna Einarsdóttir, sem fílar svona þögul svefndrukkin mótmæli og "háværa þögn" einsog hún kallar það, skuli á bloggsíðu sinni mana fólk í að horfa á Animal Farm (Dýrabæ) eftir George Orwell. Í þeirri sögu er ekki beint "friðsamlegum" mótmælum fyrir að fara enda virkuðu þau mótmæli fullkomlega. Heilbrigður terrorismi og dæmið gekk upp. Þeir sem hafa ekki lesið bókina ættu að skella sér inn á síðu Láru og horfa á teiknimyndina og læra af henni, t.d. hvernig eigi að mótmæla með árangri.

Smellið HÉR

[Sverrir Stormsker, 24.12.2008 kl. 11:04]

Hippókrates, þetta getur alveg passað. Það er rétt að Frjálslyndir voru ekki par hrifnir af þessum ósóma og höfðu döngun í sér til að gefa skít í þetta. Ég man hinsvegar að Dabbi náði að friðþægja alla formenn flokkanna með 200.000 kr launahækkun og fá þá þannig til að gefa grænt ljós á þessa vitleysu. Steingrímur J. Sigfússon skammaðast sín svo mikið fyrir græðgi sína að hann hljóp uppá fjöll og lét fjölmiðla ekki ná í sig dögum saman. Trúverðugleiki þessa skemmtilega ræðumanns hvarf einum degi einsog dögg fyrir Sólrúnu.

Núna segist Samspillingin, hinn mikli "jafnaðarmannaflokkur," vilja breyta þessu en það er bara innantómt orðagjálfur einsog sést best á breytingunum sem þeir gerðu með Sjálfstæðisflokknum. Eða einsog segir í Animal Farm: "Allir eru jafnir en sumir eru jafnari en aðrir." Og svoleiðis mun það verða áfram hér á Djöflaeyjunni.

En aðrir sálmar: Það væri óskandi að þú létir þig ekki hverfa héðan af moggablogginu þrátt fyrir þessu nýju nafnbirtingarlög sem taka gildi 1.jan. Þeir eru margir mjög góðir sem skrifa ekki undir nafni, t.d. þú, DoctorE, Ace, Diesel og margir margir fleiri og það væri mjög fúlt ef þið mynduð láta ykkur gjörsamlega gufa upp.

[Sverrir Stormsker, 24.12.2008 kl. 13:41]

Þessi mynd af Frjálslyndum var tekin á flokksþinginu í Húsdýragarðinum vorið 2003. Á hana vantar Valda koppasala og Geir Ólafs.

Hvað varðar Sverri Hermannsson þá hefur hann nú bara braggast mikið eftir að Frjálslyndir lóguðu honum sællar minningar. Orðinn rjóður í kinnum og flottur.

Gleðileg jól.

[Sverrir Stormsker, 25.12.2008 kl. 08:40]

Já Gleðileg jól Valdos. Vinstri grænir eru á uppleið sem þýðir að þjóðin er á niðurleið.

Og svo Þegar ég sá nektarmynd af Jennifer Aniston í gær þá fann ég að það var nú ekki alveg allt á niðurleið.

[Óskar Arnórsson, 25.12.2008 kl. 11:01]

Takk fyrir hressilegan pistil, Stormsker! Gaman að það séu til fólk ennþá sem getur talað skiljanlega íslensku.

Ég er fluttur frá Íslandi, enn stendur ekkkert á sama um land og þjóð.

Er hægt að losna við Ríkisstjórnina öðruvísi enn að gera hana "óvirka" með valdi?

Ég sé enga aðra leið. Það er til sölu AK 47 fyrir 500 manns ef einhver vill borga. 3000 skot fylgja hverri byssu.

Enn annars er ég bara að reyna að gleyma þessu landi. Tómt píp alltsaman.

Hef mestan áhuga á hvar þú fannst þessa mynd með Jennifer Aniston! Satt segiru. Það er ekki allt á niðurleið þó VG sé að ganga frá þjóðinni... 

[Sverrir Stormsker, 25.12.2008 kl. 12:51]

Mér skilst að AK 47 rifflar hafi alltaf virkað mjög vel á slímsetustjórnmálamenn og útrásarvíkinga. Ef þú átt eitthvað af handsprengjum þá er aldrei að vita nema Friður 2000 hafi áhuga.

Myndin af Aniston er hér:

Ég hef séð það verra, t.d. í Femínistafélaginu.

[Óskar Arnórsson, 25.12.2008 kl. 20:50]

Takk fyrir myndina! Bjargaði deginum ;) Molotóf verður að duga. Þekki engan sem á handsðrengjur. Friður 2000 ætti að kaupa þetta. Satt segiru...