Þórubragur

Þórudagur - Þjóðarhagur.

Þóra bjargar deginum.

Hún fylkir sér saman um sannleikann,

er samtvinnuð lífin´og veginum.

 

Þórupulsur, Þóruflokkur,

Þóruplaköt á hverjum stað.

Þóra hún mun hugga okkur

er harmur mikill steðjar að

 

því Þóra er móðir lýðs og lands,

linar þrautir sérhvers manns,

er eina lífsvon almúgans,

einkadóttir Skaparans.

 

Þórustyrkir, Þórubasar.

Þóru drottningu samgleðjumst.

Þóruslagorð, Þórufrasar.

Um Þóru öll við sameinumst.

 

Þóruskyrtur, Þórumeik,

Þórupönnsur, Þórufeik.

Með Þóru mey í hug og hjarta

skal halda inní framtíð bjarta.

 

Þarflegt mjög er Þórusmink,

það er gott við höggum vina.

Er Svavar gefur svaka vink

skal sminka yfir marblettina.

 

Ég margar illvígar ömmur þekki,

erfitt að færa þær til í böndunum.

Svavar heilsaði Ástþóri ekki

afþví hann var þreyttur í höndunum.

 

Við þurfum mjög á Þóru að halda

þó hún gefi óljós svör.

Þokum henni Þoku til valda

þó hún sé í engri spjör.

 

Þórudúkkur, Þórubrúður,

Þóra fær myrkri í dagsljós breytt.

Þóruskötur, Þokulúður,

Þóru sameinumst öll sem eitt.

 

Um Þóru dýrðarsálma syngjum,

söfnumst öll nú hana í kringum,

hefjum Þóru hátt á stall

og henni kyrjum Þóruskjall.

 

Ef að þú ert fallegt fés

og fræg úr TV þá ber þér lotning

og verður sjálfkrafa Sókrates

og sjálfkjörin sem Íslandsdrottning.

 

Þórudagur, Þóruhagur,

Þóruslagur, Þórubragur.

Þórumerki, Þórubolir,

Þórufrasar að innan holir.

  

Þóruvöfflur, Þórublöðrur,

Þórusamfylkingarnöðrur,

Þórumusteri, Þórukirkja.

Þóra mun lýðræðið styrkja og virkja.

 

Þórubjórar, Þórubökur,

Þórusnúðar – snittur – kökur,

Þóruskilti, Þórutrú.

Þóruvæðum landið nú.

 

Heiðarleiki og hreinskilni,

hófsemi og gagnsæi

eru hennar ær og kýr,

um það eru dæmin “skýr.”

 

Þóruhógværð, Þóru-gum,

Þóruauglýsingaskrum.

Pælum eingöngu´í umbúðum

því innihald tilheyrir frumstæðum.

 

Þrykktu á þig Þórumeiki,

það mun dylja innrætið.

“Hæverska og heiðarleiki

og hógværð” – það er mottóið.

 

 

Blessuð sé minning þessa framboðs. Votta Samfylkingunni og öðrum aðstandendum mína dýpstu samúð. Blöðrur og bolir vinsamlegast afþakkaðir.

SS

Afgerandi forysta Ólafs Ragnars

Athugasemdir

[Óskar Helgi Helgason (IP-tala skráð) 29.6.2012 kl. 15:25]

Heill og sæll Sverrir; æfinlega !

Afbragðs mannlýsing hér; á þann máta, sem þér einum, er lagið.

Væri ekki úr vegi; að Þorsteinn Eggertsson semdi Hljómkviðu góða, við þessa stórkostlegu drápu, sá ágæti drengur.

Þar með, kæmi hann að Þóru trúboðinu, úr fleirri en einni átt, sá andans jöfur.

Með beztu kveðjum; sem jafnan, úr Árnesþingi /   

[Þorvaldur Guðmundsson, 29.6.2012 kl. 17:45]

Ert þú ekki að ruglast svoldið Óskar er Þorsteinn Eggerts ekki textahöfundur. Sverri munaerekkert um að snara góðri laglínu við leirburðinn.

[Jón Pétur Líndal, 29.6.2012 kl. 19:13]

Þetta er fínasta minningargrein um þetta framboð.

[Óskar Helgi Helgason (IP-tala skráð) 29.6.2012 kl. 20:32]

Sælir; á ný !

Jón Pétur !

Nákvæmlega; eins og allir sæmilega lesandi menn, eiga að geta séð, sem Sverrir setti hér fram, með ágætum.

Þorvaldur Guðmundsson !

Nei; þvert á móti. Þorsteini; er margt til lista lagt, ekki síður, en okkar ágæta Stormskeri - og; fjarri því, að um leirburð sé að ræða, úr munni Sverris, Þorvaldur minn.

Vertu ekki; svona móðgunargjarn - horfðu á kersknina, út frá jákvæðri framsetningu hennar, ágæti drengur.

Ekki síðri kveðjur - hinum fyrri, vitaskuld / 

[Sverrir Stormsker, 29.6.2012 kl. 22:28]

Óskar, takk fyrir það. Textahöfundurinn Þorsteinn Eggertsson vinur minn myndi örugglega semja fyrirtaks lag við þennan sálm ef hann væri lagasmiður

[Sverrir Stormsker, 29.6.2012 kl. 22:45]

Þorvaldur, mér finnst þetta nú ekki vera neinn hroðalegur leirburður. Hefðirðu kannski frekar viljað að ég hefði haft þarna vísur eins og eftirfarandi, sem mér fannst persónlega allsekki eiga heima í fallegum sálmabálki sem þessum:

Þóra er lofthaus, fals og feik,

froðuhaus sem veður reyk,

þokuhaus með mikið meik,

moðhaus sem á ekki breik.

Þó Ólafur sé eins og svín

fær enginn við hann keppt.

Thóra hún er tussufín

ef té-inu er sleppt. 

[Sverrir Stormsker, 29.6.2012 kl. 22:52]

Jón, jebb. Þetta var alveg ágætis framboð en... Rest In Peace.

[Sigurður Kristján Hjaltested, 1.7.2012 kl. 12:18]

Takk fyrir thetta Sverrir.

Alveg frabaert.

M.b.kv.