Homo Aliens

Maðurinn lærir lítið,

um lítið veit hann mest.

 

 

Blóðugur upp að öxlum

um allar jarðir hann berst

 

 

fyrir réttlæt´og frelsi

og friði - einsog sést.

 

 

Verður fráleitt fullnægt

fyrren veröldin ferst.

 

Að fjölyrð´um frelsarans boðskap

fer´onum allra verst.

 

 

Hnefi er merki mannsins,

merkið sem þekkir hann gerst.

 

 

Framtíðin felst í dauða,

sú fjárfesting þykir best.

 

 

 

Miðað við manninn er eyðni

minniháttar pest.

 

 

Þá-fyrst reynir á þroskann

þegar í odda skerst.

 

 

Bróðurþelið þrýtur

þegar á reynir mest.

 

 

Lífið gefur litlum

lítinn gálgafrest.

 

 

Börnin fæðast blóðug

og blóðug deyja þau flest.

 

(Úr ljóðabók minni “Með ósk um bjarta framtíð,” 1997)

Athugasemdir

[Guðrún Magnea Helgadóttir, 21.11.2007 kl. 17:31]

Flott mynd ef Búss... Hvar fannstu hana?

[Villi Asgeirsson, 21.11.2007 kl. 20:25]

Hálf fyndið að helmingur myndanna sýnir börn Guðs. Er ekki kominn tími til að hætta þessu andskotans rugli?

[Jón Steinar Ragnarsson, 21.11.2007 kl. 21:05]

Flottur kveðskapur, tímabær og sannur.  Tifinningin minnti mann á það að lesa "Síðasta Blómið" eftir James Turber. Reiði í bland við magnleysi.

[Fríða Eyland, 21.11.2007 kl. 21:53]

HÚRRA !

[Fríða Eyland, 21.11.2007 kl. 22:01]

Grein eftir Gullvagninn

[Þórbergur Torfason, 21.11.2007 kl. 23:44]

Magnað nútímaljóð

[alva (IP-tala skráð) 22.11.2007 kl. 02:01]

Flottur

[alva (IP-tala skráð) 22.11.2007 kl. 02:01]

ótrúlega flottur

[Helga Guðrún Eiríksdóttir, 22.11.2007 kl. 03:08]

..og fagnaðarlætin ætluðu aldrei að hefjast..

[Jónína Dúadóttir, 22.11.2007 kl. 09:18]

Flott !