Sofandi sauðir (Silence of the lambs)

Einhverjar hörðustu lögrugluaðgerðir Íslandssögunnar fóru fram fyrir 10 dögum. Og gegn hverjum beindust þær? Eiturlyfjabarónum? Glæpaklíkum? Fjöldamorðingjum? Nei, vörubílstjórum að sjálfsögðu. Hættulegustu djöflum landsins. Þessi fól vilja geta lifað af kaupinu sínu og neita að borga hæsta eldsneytisverð í heimi og hafa reynt að ná eyrum ráðamanna í aðeins þrjú ár. Svona öpum á sko ekki að sýna neina linkind. Þeir gætu skapað vont fordæmi og allt gæti hér farið úr böndunum.

Íslendingum er afar illa við ókurteisleg mótmæli og vilja helst bara mótmæla klámráðstefnum og nektarstöðum og það á penan hátt einsog teprulegum blævængjafrúm sæmir. Hafa þeir mótmælt kröftuglega stærsta ráni Íslandssögunnar, gjafakvótakerfinu? Nei, bara maldað í móinn. Hafa þeir mótmælt landbúnaðarkerfinu? Verndartollum? Innflutningshöftum? Nei, þeir elska heimspeki Bjarts í Sumarhúsum og dýrka allt sem íslenskt er og hafa illan bifur á öllu útlensku sem gæti bætt afkomu þeirra. Eru núna fyrst að fatta að krónan er jafn reikul og veik og þeir sjálfir.

 

 

 

Hafa þeir mótmælt spillingarútsölu eignanna á varnarsvæðinu á Vellinum? Nei. Hafa þeir mótmælt hæsta matvöruverði í heimi? Hæstu bankavöxtum í heimi? Hæstu tryggingaiðgjöldum í heimi? Nei, bara dæst og unnið meira að hætti þrælslundaðra bláeygðra hlandaula. Kjörorð okkar Íslendinga er: Don´t Wake Me Up!  Kannski að vörubílstjórar séu að skapa gott fordæmi og nái að flauta svo hátt að við vöknum.

 

 

       (Þessi pistill birtist í 24 Stundum, 3. maí)

 

 

 

 

 

 

Það væri eitthvað mikið að ef ég myndi ekki minna á þátt okkar Halldórs E, "Miðjuna" á Útvarpi Sögu sem er í dag, miðvikudag, milli kl. 16:00 og 18:00. Gestur að þessu sinni er rithöfundurinn eldklári, Þórarinn Eldjárn.

Hægt er að hlusta á eldri þætti á www.stormsker.net 

       
 

Athugasemdir

[Valdimar Samúelsson, 7.5.2008 kl. 08:49]

Þetta er ekki einleiki hvernig þjóðin er. Við skulum ekki hafa hátt né gera veður út af þessu hugsanagangur. Kannski er þetta lambseðli alla veganna ekki sauðseðli því vit hafa þeir meira.

[Gulli litli, 7.5.2008 kl. 09:52]

me

[Þórhildur Daðadóttir, 7.5.2008 kl. 10:29]

Orð í tíma töluð, við látum alltaf allt yfir okkur ganga og gérum aldrei neitt. 

[alva (IP-tala skráð) 7.5.2008 kl. 12:19]

já. það er ekki einleikið hvernig við leifum öllu að fara til andskotans og kunnum ekki við að gera neitt til að sporna við glæpsamlega háu matvælaverði t.d. eða olíuverði, enda mun enginn voga sér að mótmæla nokkrum sköpuðum hlut í framtíðinni, lögregluyfirvöld hafa gersamlega séð um það að enginn þori í þær aðgerðir.  Skrítið að Hilmir og Benedikt voru ekki gasaðir í gær, á hestum í ráðhúsinu....

[Bóas Börkur Bóasson, 7.5.2008 kl. 12:38]

af hverju eru ekki fleiri eins og þú Sverrir ??

nei annars ,það væri hundleiðinlegt,hrútleiðinlegt,hestleiðinlegt..

en góður pistill og já ég stilli alltaf á  Miðjuna, það sem ég hló að ykkur með Begga Páls um daginn..

[DoctorE (IP-tala skráð) 7.5.2008 kl. 12:51]

Hreinræktaðir aumingjar er það sem við erum, og stolt af því

[Hagbarður, 7.5.2008 kl. 13:12]

Þetta er innræktað í okkurí gegnum áa okkar með tíðum höfuðhneigingum, höfuðfatsþæfingum og að lúta höfði þegar yfirvaldið reið hjá garði. Við vorum líka rekin frá Noregi, gáfumst upp fyrir sterkari aðilum, yfirgáfum gjöfult land og settumst að á þessu náskeri.

Það þarf að byrja mótmælin fyrir framan spegilinn. Gera mótmælaæfingar á morgnana og sleppa því að fara í ræktina. Andlegur, líkamlegur og fjárhagslegur árangur mun stóraukast!

[Óskar Aðalgeir Óskarsson, 7.5.2008 kl. 13:20]

Ég held að Íslendingar séu almennt undan þrælum komnir,og þrælseðlið því í okkur blóð borið.

[Óskar Aðalgeir Óskarsson, 7.5.2008 kl. 13:31]

því okkur í blóð borið(á þetta að vera)

[Linda litla, 7.5.2008 kl. 13:51]

Ég held að þetta séu einkennisorð íslendingsins:

 "LÁTUM VALTA OG VAÐA YFIR OKKUR"

[Þorsteinn Briem, 7.5.2008 kl. 13:52]

Höldum fast í sviðakjammana. Látum ekki happ úr hendi sleppa!

[Brjánn Guðjónsson, 7.5.2008 kl. 16:09]

heyr! heyr! Steini.

með lurðum skal land byggja

[Kjartan Pétur Sigurðsson, 10.5.2008 kl. 07:39]

Meeeeeeeeeeeeeeeeeeeeeeeeeeeee ...

[Ómar Ingi, 10.5.2008 kl. 16:34]