Vondi kallinn Trump og Íslandófóbía háttfirrtra þingmanna

Trump er Hitler. EinmittGríðarleg móðursýki hefur gripið um sig eftir að Adolf Hitler - en svo kalla vinstri öfgamenn Donald Trump - setti 90 daga bann við komu fólks frá nokkrum vara- og vafasömum ríkjum sem að mestu heyra undir alræðisstefnuna Íslam.

Flest þessi ríki eiga það sameiginlegt að hafa verið bombarteruð af Obama, friðarverðlaunahafa Nóbels, og því var talið líklegt að þau væru ekki í sjöunda himni með það og vildu hugsanlega svara fyrir sig á sínu tungumáli - með hryðjuverkum. Þessi ríki voru því ekki valin af handahófi. Obama sá um þetta á sínum tíma og enginn sagði neitt við því.

 

Trump var ekkert að finna upp hjólið í þessum efnum. Hann uppgötvaði ekki harðar reglur í innflytjenda- og varnarmálum. Vestræn ríki eru hvert af öðru að vakna upp af óværri þyrnirósarmartröð og taka upp strangari landamæragæslu, gott ef ekki öll, nema Ísland að sjálfsögðu.

Vissulega er Trump stórtækur í þessu sem öðru og situr ekki við orðin tóm. Það finnst mörgu góðu fólki mjög slæmur ókostur.

 

Kosningarnar eru búnar. Skiljú?

LibtardFjölmargir Bandaríkjarforsetar hafa sett svipuð ferðabönn á undan Trump og enginn hefur gert óveður út af því en þar sem Trump á í hlut þá er náttúrulega um að gera að reita og tæta hár sitt og skegg og öskra afar vinsæl blótsyrði eins og „fasisti rasisti nasisti kvenhatari“ og ganga alveg af göflunum og hnífunum.

 

Það þarf varla að taka það fram að þessi móðursýki er að megninu til í höfðinu á vinstrimönnum sem hata kallinn einsog pestina og prestana og geta með engu móti sætt sig við að hann hafi sigrað óspilltu friðardúfuna hana Hillary í lýðræðislegum kosningum eftir þeim leikreglum sem gilda í USA. Á ensku heitir þetta að vera libtard, en það orð er samsett úr orðunum liberal (frjálslyndur) og retard (þroskaheftur).

 

Íslamófóbía - Nasismófóbía. Einhver munur?

Svefnlaus nóttMóðursýkin er komin á það alvarlegt stig að nú segjast Píratar ekki lengur geta sofið á nóttunni sökum angistar og þeir sjá eld og brennistein og gasklefa í hverju horni og eru með klærnar fastar uppí sér í vitfirringslegri skelfingu og sængina breidda uppfyrir haus - titrandi og skjálfandi í rækjustellingu - muldrandi í svitakófi og óráði að nú sé heimsendir í nánd því vondi kallinn hann Trump (Hitler) ætli sér að sprengja okkur öll í loft upp. Svo gægjast þeir undir rúmið með geðveikislegan hræðsluglampa í augunum til að athuga hvort að skrímslið hann Trump (Hitler) sé nokkuð mættur á svæðið.

 

Fake newsVinstrimenn verða að fara að róa sig. Slaka aðeins á. Taka valium eða svefnpillu eða arsenik eða eitthvað.

Það er Hillary en ekki Trump sem vill stríð við Rússa. Það var Hillary en ekki Trump sem talaði Obama inná að sprengja Líbýu í tætlur. Obama friðarhöfðingi var í stríði hvern og einn einasta dag sem hann sat á forsetastóli en Trump hefur hinsvegar ekki farið í stríð við neinn ennþá - nema hvað hann mun alveg örugglega taka blessuðu englana í ISIS í bakaríið - svo farið nú að anda með rananum kæru óttaslegnu taugabiluðu vinstri öfgamenn hvar í flokki sem þið standið og hættið að gleypa allt hrátt sem stendur í falsfréttamiðlunum ykkar og látið af angist ykkar og andúð og taumlausu hatri og ofsa og ofstæki og grynnkið aðeins á þráhyggjukenndri heiftúðugri hatursorðræðu ykkar sem þið eruð alltaf að ásaka aðra um að viðhafa. Þið verðið að fara að láta af þessari nasismófóbíu ykkar svo þið öðlist svefnsamar nætur.

 

Vinstriflokkarnir 3 - Gísli, Eiríkur og Helgi

Vinstrimenn, Gísli, Eiríkur og HelgiÉg er náttúrulega að tala við vegg (múr) því nú hafa vinstriflokkarnir 3, semsé Vinstri græningjar, Samfylkingin (þriggja manna „fylking“) og systurflokkur þeirra – Píratar - tekið sig til og drullumallað gjörsamlega tilgangslausa þingsályktunartillögu þar sem tilskipun Trumps er harðlega mótmælt og farið fram á að „Alþingi fordæmi og saki Bandaríkjaforseta um fordæmalausa mannfyrirlitningu og fordóma,“ eins og þeir orða það svo fágað og fordómafullt. Popúlisminn og pólitíska rétthugsunin í algleymingi.

 

Ef það á að vera eitthvað samræmi í þessu óráði þeirra og ofstæki og ef þeir ætla að vera sjálfum sér samkvæmir þá verða þeir einnig að senda harðorð mótmæli til þjóðhöfðingja Japans, Austurríkis, Ungverjalands, Póllands, Slóveníu, Króatíu o.s.fr. en öll þessi ríki hafa verið mun harðari í innflytjendamálum og landamæravörslu sinni en Bandaríkin.

En munu þeir gera það? Nebb. Hversvegna ekki? Sumir myndu segja að það væri vegna þess að þeir væru libtard, en það er bara hluti af skýringunni. Annað brot af skýringunni er inngróin kommalufsuhræsni og eðlislægur popúlismi stefnulausra rekalda.

Það er t.d. mikill misskilningur hjá Sjálfstæðisflokknum að halda að það sé til fylgisaukningar og vinsælda fallið að stökkva uppá bögglabera vinstri öfgaflokkanna og þeirra úrelta útrunna útbrunna pólitíska rétttrúnaðar. Svoleiðis reiðhjólatúr er dæmdur til að enda útí skurði.

 

Trumpófóbía

Umburðarlyndir frjálslyndir vinstrimennEn fyrst og fremst beinast mótmæli háttfirrtra þingmanna og fordæmalaus mannfyrirlitning og fordómar þeirra eingöngu gegn Trump vegna þess að þeir hata hann út af lífinu og orðræðan eftir því. Hann stendur fyrir allt sem þeir hata og svo snúa þeir hatri sínu á honum yfir á hann sjálfan og segja að hann sé kvenhatari og kynþáttahatari o.s.fr. Tóm vitleysa og rugl. En það er ansi margt sem þeir hata við hann:

 

Hann er t.d. ekki femínisti. Hann er ekki hálfviti (sem er mjög slæmt því ef hann væri það þá væri hann hugsanlega femínisti). Hann er kjaftfor ráðríkur ákveðinn og óheflaður (ruddaleg týpa með vonlausan tónlistarsmekk). Svo er hann að sjálfsögðu Hitler með afrakaða hormottu og uppfærða hárgreiðslu. Hann er ómútanlegur (það hlýtur að hneyksla Hillary). Hann er öðruvísi (allir verða að vera eins í dag). Hann stendur við kosningaloforð sín og er snöggur að því (algerlega ófyrirgefanlegt). Hann er ekki kelling í neinum skilningi. Hann er með pung í öllum skilningi. Hann er ekki pólitískt rétthugsandi viðrini (skelfilegt. Hvert er þessi heimur eiginlega að fara?). Hann tengir saman öfgaíslam og hryðjuverk (öfugt við Hillary og Obama sem þorðu aldrei að nefna öfgaíslam á nafn og hvað þá að fordæma hryðjuverk íslamista). Hann er hreinskilinn og segir hug sinn umbúðalaust án fílters og án tillits til hvort það falli í kramið eða ekki (öfugt við popúlista). Hann þorir að vera hann sjálfur (glæpur). Hann hefur heilbrigða þjóðerniskennd (en það er bannað í dag og er kallað þjóðremba). Hann vill landi sínu og þjóð allt hið besta og vill verja landamærin mynduglega (öfugt við vinstrimenn). Hann gerir sér grein fyrir að galopin landamæri þýða eyðileggingu þjóðríkisins. Hann vill ekki að land sitt fari til helvítis eins og Evrópa stefnir hraðbyr í undir forystu Merkel. Hann er semsé ekki dæmigerður vestrænn stjórnmálaslúbbert.

 

Menn hafa nú verið hataðir fyrir minna en þetta. Og svo er hann með hárgreiðslumeistara sem hlýtur að vera mikill húmoristi.

Auðvitað er kallinn egóisti, klámkjaftur, frekur, hefnigjarn, gráðugur, móðgandi, ögrandi, „karlrembusvín,“ en svo hlýtur hann líka að hafa einhverja ókosti því enginn er fullkominn.

 

Hagsmunir Íslands aukaatriði að venju

SósíalistarHvaða árangri vilja vinstriflokkarnir ná með þessari þingsályktunartillögu sinni og fordæmingu og formælingum? Hverju vilja þeir ná fram? Halda þeir að þetta komi Íslandi vel? (Það finnst þeim náttúrulega aukaatriði enda haldnir Íslandófóbíu). Halda þeir að þetta bæti samskipti ríkjanna? (Aukaatriði. Íslandófóbían). Halda þeir að Trump breyti stefnu sinni vegna þessa?

Ég þykist vita að þeir séu að slá sig til réttlætisriddara með þessu dómgreindarlausa tilfinningalega frumhlaupi sínu en halda þeir virkilega að Trump segi við ráðherrana sína skjálfandi röddu:

 

„Ég var að fá hérna fordæmingu og svívirðingar frá Alþingi Íslands og það þýðir að ég verð að hætta þessum komubannspælingum einn tveir og bingó. Ég er lamaður af ótta og er alveg við það að spræna í buxurnar og gubba af stressi. Ég veit að þið hafið aldrei heyrt á Ísland minnst en ég get sagt ykkur það að Ísland er smáhólmi norður í rassgati með nokkrum hræðum. Við byggðum handa þeim flugvöll og höfum varið þá í um 7 áratugi endurgjaldslaust. Þingmenn þessa eyjakrílis eru ofboðsleg gáfnaljós og vammlausir stálheiðarlegir óspilltir siðavandir réttlætisriddarar og eru gríðarlega áhrifamiklir í alheiminum þannig að það er mjög mikilvægt að hafa þá góða. Ég er hættur við öll áform um ferðabann og ég verð að fara að ganga í brúnum buxum svo það sjáist ekki þegar ég drulla á mig úr hræðslu.“

 

Ekki vaxa dvergar yfir höfuð

ChurchillEru þetta viðbrögðin sem vinstrivitringarnir búast við? Ef ekki, til hvers eru þeir þá að þessu?

Árangurinn af svona óráðstillögu verður að liggja fyrir. Það þarf engan stjórnvitring til að sjá að þetta vanhugsaða tilfinningalega óðagot mun engu skila nema fullkomnu antípati valdamesta manns heims á okkur. Trump er ekkert að fara að taka við fíflalegum umvöndunum og formælingum einnar spilltustu þjóðar Evrópu með brosi á vör án þess að svara með rothöggi til baka eins og hann er frægur fyrir. Það er kýrskýrt.

 

Það er nú þegar búið að eyðileggja móralinn milli Íslands og Rússlands með þátttöku okkar í fáránlegu viðskiptabanni og nú á að myndast við að rústa vinskapnum milli Íslands og Bandaríkjanna, sem alltaf hafa reynst okkur vel, rétt eins og Rússland.

 

Hjálp. Við erum ósammála manninumFyrir rúmu ári stakk borgarstjórinn í Reykjavík uppá því að sniðganga vörur frá Ísrael, sem var náttúrulega gaga, og um svipað leyti toppaði kafteinn Pírata hann í ruglinu með sniðgöngutillögu á Kína og sagði:

„Ég legg til að við skoðum innkaupastefnu Alþingis um það hvort við eigum að kaupa vörur frá Kína.“

 

Hvað er að? Mikilmennskubrjálæði? Veruleikafirring? Eigum við ekki bara að slíta öll tengsl við umheiminn og fara að búa í leðurblökuhelli í öllum okkar heilagleika úr því að siðferði okkar er á svona líka miklu hærra plani en allra annarra? Hvað höldum við eiginlega að við séum? Íslendingar verða að fara að fatta að þeir eru dvergar í dvergríki og hafa ekki beint úr háum söðli að detta í neinu tilliti. Dvergar stækka ekkert við það að tylla sér á tá og reyna að breiða úr sér

 

Trump er ekki Hitler. Óhætt að fara að sofa

SkoðanakönnunÞað vill gleymast að meirihluti Bandaríkjamanna styður forseta sinn í þessu máli og svo má geta þess að samkvæmt nýrri viðamikilli breskri skoðanakönnun kemur fram að meirihluti fólks í 10 ESB löndum vill alfarið stöðva innflutning fólks frá löndum múslima. Ekki tímabundið eins og Trump er að gera heldur varanlega og alfarið.

 

Draumur vinstrimannaÞessi 10 vondu ESB lönd kunna greinilega ekki að meta góða „fjölmenningu“ og nútímalega sharia dómstóla. Hvað ætla háttfirrtir vinstriþingmenn á Íslandi að gera í því? Krefjast viðskiptabanns á þau? Sniðganga vörur frá þeim? Fordæma þessar þjóðir og gangsetja sína dæmigerðu hatursorðræðu gegn þeim og úthrópa þær sem rasista og fasista? Heimta að þær taki við fólki frá löndum múslima með góðu eða illu og raði því á 5 stjörnu hótel á kostnað skattgreiðenda eins og gert er á Íslandi?

 

VinstripressanTraust og virðing Alþingis mælist skiljanlega í frostmarki en samt halda þessir óhæfu óvitar að þeir séu þess umkomnir að skipta sér af innanríkismálum Bandaríkjanna og vanda um fyrir Bandaríkjaforseta með blammeringum og fasistauppnefningum og segja honum til í þjóðaröryggismálum og jafnvel í fóstureyðingarmálum. Síðan hvenær fór rottan að hafa efni á að halda siðaprédikun yfir fílnum? Á hún ekki að vera að taka til í sinni illa þefjandi rottuholu?

 

Háttfirrtir þingmenn eru með allt í rusli hér heimafyrir í öllum málaflokkum og með allt niðrum sig og saursletturnar langt uppá hnakka en halda samt að þeir séu akkúrat réttu mennirnir til að segja Trump hvernig hann eigi að stjórna landi sínu.

Hvað eru þessir jólasveinar eiginlega að reykja? Þurrkaðan grameðluskít? Finnst þeim þeir virkilega hafa efni á að leika einhvern Tarzan útí heimi? Þessi gúmmí Tarzan er ekki einusinni í skýlu eða með bleyju. Hann er ekki apabróðir heldur bara apaköttur.

 

Ísland fyrst

Trumpurinn góðurSvo lengi hafa værukærir krónískir vinstrimenn legið maríneraðir í sínum pólitíska rétthugsunarsora eins og klóakrottur að það er ekki nema von að þeir fái hland fyrir hjartað þegar fram kemur harðduglegur sjálfstætt þenkjandi hreingerningamaður sem lætur hendur standa fram úr ermum og fer að skrúbba allt hátt og lágt.

 

Ef þessir háttfirrtu þingmenn vilja fordæma forseta Bandaríkjanna og saka hann um mannfyrirlitningu og fordóma og rasisma og fasisma og þessháttar ekkisensdellu og prumphænsnapíp þá eiga þeir að gera það í sínu eigin nafni, ekki í nafni Alþingis eða þjóðarinnar - en það er örugglega til of mikils mælst. Þetta eru nefnilega að uppistöðu til sömu flokkarnir og vildu að við borguðum Icesave og slóu tjaldborg um heimilin. Þeir virðast haldnir Íslandófóbíu á mjög háu stigi.

 

Þessir háttfirrtu þingmenn mættu gjarnan taka Trump sér til fyrirmyndar og fara að setja hagsmuni eigin lands og þjóðar í fyrsta sæti. Það væri tímabær tilbreyting. Til þess voru þeir kjörnir og til annars ekki - þó þeir skilji það greinilega ekki ennþá.

 

Til að taka ómakið af góða og gáfaða fólkinu með réttu skoðanirnar þá skal ég titla mig með ofnotuðustu blótsyrðum þess::

 

Sverrir Stormsker

Höfundur er rasisti, fasisti, nasisti, kvenhatari og miðaldra hvítur karlmaður.

 

 

(Þessi grein birtist í Morgunblaðinu í morgun).


« Síðasta færsla | Næsta færsla »

Athugasemdir

1 Smámynd: Sigurður Kristján Hjaltested

Snillingur að venju..😂😂😉

Sigurður Kristján Hjaltested, 21.2.2017 kl. 17:05

2 Smámynd: Valdimar Samúelsson

Ég verð að viðurkenna smá Rasisma en ég hugsaði hvað er Sverrir Stormsker að skrifa um. Nú ætla ég að deila þessari góðu grein kannski of löng á FB og bara vona að Þú Sverrir skrifir meira þá kannski kýs ég þig á þing.  

Valdimar Samúelsson, 21.2.2017 kl. 19:58

3 Smámynd: Sverrir Stormsker

Sigurður, ég er vanafastur maður smile

Sverrir Stormsker, 21.2.2017 kl. 20:01

4 Smámynd: Gunnar Rögnvaldsson

Kærar þakkir Sverrir

Hattur ofan og amen!

Er enn að þurrka upp kaffi- og flisssletturnar mínar síðan í morgun

Kveðjur

Gunnar Rögnvaldsson, 21.2.2017 kl. 20:03

5 Smámynd: Valdimar Samúelsson

Ég varð að láta þetta fylgja. The Trump Storm Group.

https://www.facebook.com/groups/THETRUMPSSTORMGROUP/?ref=unknown

Valdimar Samúelsson, 21.2.2017 kl. 20:07

6 Smámynd: Bjarni Jónsson

Frábær efnistök og kjarnyrt grein. Orð í tíma töluð. 

Bjarni Jónsson, 21.2.2017 kl. 20:28

7 Smámynd: Sverrir Stormsker

Gunnar, það er til lítils að vera með kellingu ef maður þarf að þurrka upp eftir sjálfan sig. Þú verður að fara að kenna henni mannasiði smile

Sverrir Stormsker, 21.2.2017 kl. 21:18

8 Smámynd: Sverrir Stormsker

Valdimar, óneitanlega mjög gott nafn á baráttuhóp: Trump´s Storm Group. Verður ekki mikið betra. Ég kíkti á síðuna. Þar stendur þetta m.a:

 

„Donald Trump's election did not divide the country. It's merely revealed the hatred and intolerance of the Democratic Party.

The Leftist lunatics are the most pathetic group of people I have ever seen in my life. They are an embarrassment to our nation.“

Sverrir Stormsker, 21.2.2017 kl. 21:21

9 Smámynd: Sverrir Stormsker

Bjarni, alveg eins og talað útúr mínu hjarta. Þetta eru orð í tíma töluð hjá þér.

Sverrir Stormsker, 21.2.2017 kl. 21:26

10 Smámynd: Ragnar Kristján Gestsson

"Hvað eru þessir jólasveinar eiginlega að reykja? Þurrkaðan grameðluskít?"

Ég dey úr hlátri.  En takk fyrir góða grein, þó það sé eiginlega sorglegt að þetta skulu ekki vera á allra vörum (sumsé ekki þurrkaði grameðluskíturinn) er samt óborganlegt að heyra þetta hérna.  Raunar mjög áhugaverður munur á demokrötum og republíkönum beggja vegna Atlantsála.

Ragnar Kristján Gestsson, 21.2.2017 kl. 21:43

11 Smámynd: Sverrir Stormsker

Ragnar, Vesturlandabúar skiptast nokkurnveginn í tvo jafn stóra hópa – þeir sem eru sofandi og þeir sem eru vaknaðir.

Mér sýnist þeim fara fjölgandi sem eru að rumska.

Sverrir Stormsker, 21.2.2017 kl. 23:09

12 Smámynd: Dagbjartur Sigursteinsson

Þú er algjör snillingur Stormsker. Gæti ekki verið meira sammála

Dagbjartur Sigursteinsson, 22.2.2017 kl. 00:02

13 Smámynd: Þórarinn Haraldsson

 Rett er ad  Sverrir  er rasisti, fasisti, nasisti, kvenhatari og miðaldra hvítur karlmaður.og ekki verri madur fyrir thad . Einn stor miskilningur thessi greini Thad er Trump,   Thjodrempur , Nasistar og fasistar  sem eru Hræddir 

  i brunu  Buxunum  . Trump er  mjøg hræddur vid muslima og mexikana  og notar bleyju og brunar buxur  af thvi tilefni  Stadrindin er svo einfold einginn hopar ,eda Thjoderni litur eda litleisi a manneskum skiftir mali einginn er alvondur  eda algodur  Thetta med thinar vinstri ranghugmyndir   Sverrir .Vinstri menn og godir kommar  hafa alltaf verid hugrakkir i barattu  sinu fyrir rettlætinu  og gera aldrei i buxurnar  Their hafa fornad lif sinu i miljonum svo menn eins og Sverrir geti skrifad um thad sem honum liggur a hjarta .

 

 

Þórarinn Haraldsson, 22.2.2017 kl. 00:53

14 Smámynd: Sigurður Andrés Jónsson

Er ekki sagt ad öllu grini fylgi einhver alvara. Herna ertu med þetta allveg i gegn, skoplegt en alveg dagsatt og rett.Takk fyrir meirihattar pistil Sverrir.

Sigurður Andrés Jónsson, 22.2.2017 kl. 02:52

15 Smámynd: Sigurður Þórðarson

Snilldar penni

Sigurður Þórðarson, 22.2.2017 kl. 07:02

16 Smámynd: Samstaða þjóðar

Kærar þakkir Sverrir - skrif þín eru alltaf í hæsta gæðaflokki, því þú að nærð kjarnanum í hverju máli og lætur maurana finna fyrir sannleikanum, þar sem mest svíður.

Til að gæta >hlutleysis< dregur Morgunblaðið í dag fram endursögn greinar eftir stuðningsmann Vi&#x1EC7;t Nam C&#x1ED9;ng-s&#x1EA3;n (kommúnistaflokkur Víet Nam), að nafni Peter Englund. Þér til skemmtunar, set ég hér inn slóð á Enska þýðingu greinarinnar:

http://www.dn.se/kultur-noje/peter-englund-with-donald-trump-the-us-has-acquired-its-most-dangerous-leader-ever/

Loftur Altice Þorsteinsson.

Samstaða þjóðar, 22.2.2017 kl. 14:05

17 Smámynd: Sverrir Stormsker

Dagbjartur, gott að vinstri öfgamenn skulu ekki ennþá vera búnir að banna fólki að vera sammála svona &#132;röngum&#147; skoðunum. En þeir eru að reyna.

Sverrir Stormsker, 22.2.2017 kl. 17:21

18 Smámynd: Sverrir Stormsker

Þórarinn, kommúnisminn er gjaldþrota alræðisstefna. Í hvaða alræðisríki (kommúnistaríki) hefur tjáningarfrelsið verið virkt og virt? Engu. Kommúnistar hafa aldrei nokkurntíma fórnað lífi sínu fyrir tjáningarfrelsi annarra en þeir hafa hinsvegar verið manna duglegastir við að fórna lífi þeirra sem hafa verið þeim ósammála. Söguleg staðreynd. Arfleifð kommúnismann er: 100 milljónir manna í valnum. Ég hélt að allir vissu þetta. Meiraðsegja þessir eftirlegukommar sem eftir eru.

Annars fjallar grein mín ekki um þetta og hún fjallar ekki heldur ekki um ótta og hver það er sem gerir í buxurnar. Greinin er svona löng vegna þess að eg vissi að ég þyrfti að klifa á grunnpunktinum svo hann kæmist í gegnum allar hinar miklu hindranir og að lokum inní höfuð vinstrimanna en það virðist samt ekki hafa dugað til, jafnvel þó ég hafi bætt við skýringarmyndum. smile

Í bandi gamli.

Sverrir Stormsker, 22.2.2017 kl. 17:26

19 Smámynd: Sverrir Stormsker

Sigurður Andrés, eins og ég hef sagt: Glens er ekkert grín.

Sverrir Stormsker, 22.2.2017 kl. 17:27

20 Smámynd: Sverrir Stormsker

Sigurður Þórðar, þakka þér frændi sæll.

Sverrir Stormsker, 22.2.2017 kl. 17:28

21 Smámynd: Sverrir Stormsker

Loftur, þessi sænski kommúnisti, Englund eða Nautalund eða hvað hann nú heitir, gagnrýnir Trump fyrir hræðsluáróður og fullyrðir svo að Trump, sem er aðeins búinn að sitja mánuð í embætti, sé &#132;hættulegasti Bandaríkjaforseti allra tíma&#147; Ef þetta er ekki hræðsluáróður hvað er þá hræðsluáróður?

Þessi kommi væri eflaust að rýna í framtíð eigin lands ef það ætti einhverja framtíð.

Þess verður mjög langt að bíða að það komi eitthvað af viti frá Svíþjóð sálugu.

Sverrir Stormsker, 22.2.2017 kl. 17:32

22 Smámynd: Óðinn Þórisson

"Horfðu á björtu hliðarnar, 
heimurinn á ennþá menn eins og Sverri, 
sem allt lýsa upp."

:)

Óðinn Þórisson, 22.2.2017 kl. 17:59

23 Smámynd: Theódór Norðkvist

Sverrir Stormsker, 22.2.2017 kl. 17:26, sá afgreiddi eina andmælandann. cool Ég vona að greyið maðurinn sé ekki kominn á þunglyndislyf, ef hann les þetta. Alveg sammála, allir sem ekki hafa skipt á gráu sellunum þarna uppi í hausnum og sjálfvirkum símsvara pólitísku rétttrúnaðar(kúa)dellunnar, eiga að geta skilið þetta. Frábær grein.

Theódór Norðkvist, 22.2.2017 kl. 18:39

24 Smámynd: Jóhann Elíasson

Þessi grein er tær snilld, þakka þér fyrir.

Jóhann Elíasson, 23.2.2017 kl. 11:15

25 Smámynd: Sverrir Stormsker

Óðinn, já ég var búinn að gleyma því. Þetta er alveg kórrétt hjá þér innocent

Sverrir Stormsker, 23.2.2017 kl. 13:25

26 Smámynd: Sverrir Stormsker

Theódór, libtards eru ekki ennþá að ná þessu og tala núna um að það sé verið að &#132;Trumpvæða&#147; Ísland. Þeir skilja ekki að þeir sjálfir og þeirra rétttrúnaðarofstæki er ástæða þess að menn eins og Trump og svokallaðir &#132;hægri öfgamenn&#147; í Evrópu fá fjöldafylgi.

Stefna libtards í innflytjenda- og varnarmálum hefur beðið algjört skipbrot og fólk hefur einfaldlega fengið uppí kok af öllu þeirra óábyrga eyðileggjandi rugli. En þeir ætla aldrei að fatta þetta. Og hversvegna ekki? Vegna þess að þeir eru libtards.

Sverrir Stormsker, 23.2.2017 kl. 13:29

27 Smámynd: Sverrir Stormsker

Jóhann, það var ekkert. Bara borgaraleg skylda.

Sverrir Stormsker, 23.2.2017 kl. 13:30

28 Smámynd: Helga Kristjánsdóttir

Góðan dag Stormsker! Hér eru engar kellingar!!  Minnir á gamlar venjur hefðarfólks frá liðinni tíð,eftir geggjaðan flutning topp&#39;listamanns draga karlar sig inn í sitt privat og upplifa áfram einskonar eftirskjálfta.(ég er að reyna að vera frumlega sniðug og læt það bara gossa).Ég brýt hefðina uppreisnargjörn  en þó elskandi þessa kalla nær alla.Það hlaut að koma að stórum smelli frá þér um leið hann styrkti baráttu okkar meintu rasista,lifðu heill meistari.

Helga Kristjánsdóttir, 26.2.2017 kl. 06:11

29 Smámynd: Sverrir Stormsker

Helga, gòðan og blessaðan daginn. Gaman að sjá kellingarfálka hérna á athugasemdaþræðinum hjá okkur sveittu karlrembusvínunum. Hér eru allir rasistar og fasistar velkomnir, alveg sama hvaða dýrategund þeir tilheyra :)

Takk fyrir innlitið og kommentið.

Sverrir Stormsker, 26.2.2017 kl. 10:15

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband