Afmæliskveðja til Davíðs Oddssonar

Innilega til hamingju með afmælið kæri vinur. Vona að þú verðir eldri en Mogginn og jafnvel eldri en Jóhanna Sig, svo langt sé til seilst.

 

Megi hann Davíð lengi lifa
og leiðbeina þjóð sem er skökk og hálf
og sveittur í Moggann sannleikann skrifa.
Sagan skrifar sig ekki sjálf.

 

Morgunblaðið er mannvitssjóður,
manni kemur á lappir.
Mogginn er déskoti dúndur góður
en Dabb’er samt betri pappír.

 

Bestu afmælis- og nýárskveðjur,
Sverrir Stormsker

Athugasemdir

[Sigurður I B Guðmundsson, 19.1.2018 kl. 15:23]

Lífshlaup manna misjafnt snýst

margt um það að segja.

Í mogganum er þó alveg víst

að allir landsmenn deyja!

G. Guðmundarson.

[Sverrir Stormsker, 19.1.2018 kl. 18:28]

Sigurður,

Kostulegt það kalla má,

kann það enginn að skýra enn:

Í Mogganum eingöngu falla frá

fyrirmyndar afreksmenn.