Skriffinnska ofar mannúð

Innflutningur manna og annarra dýra er ekki vel séður á Íslandi nema helst á vinnuþrælum og glæpaklíkum frá Austur Evrópu. Öldum saman hefur meiraðsegja innflutningur á hráum kjötvörum verið bannaður vegna „sýkingarhættu,“ sem þýðir á mannamáli: Vegna samkeppnishættu. Við neytendur erum nefnilega til fyrir íslenskan landbúnað en ekki öfugt. Á stríðsárunum var landflótta gyðingum vísað héðan beint í gasklefana af stjórn Hermanns Jónassonar. Ísland Ísland Uber Alles! Ísbirnir sem villast hingað eru tafarlaust skotnir í tætlur með blessun umhverfisráðherra, og nýverið var góðum Keníamanni, Paul Ramses, fleygt úr landi og fjölskyldu hans sundrað og drekkt í reglugerðarrugli. Á Íslandi er alltof mikið af ísköldum skriffinskublókum með reglustiku í hjartastað og þrætubók í heilastað.

Á meðan Ingibjörg Sólbrún er uppfyrir haus að sinna mannúðarmálum í Öfganistan þá eru mannréttindi fótumtroðin heimafyrir. Gjafakvótakerfið gott dæmi. Ramses hefur greinilega átt fárra kosta völ úr því hann ákvað að koma hingað á kaldan klakann; kaldasta og hjartakaldasta blýantanaggrísabæli á heimi. Hefði hann verið austur evrópskur sakavottorðslaus kaldrifjaður glæpon þá væri hann hér kominn með fasta búsetu og líklega orðinn ráðherra í ríkisstjórninni. Stjórnvöld eiga bara að ímynda sér að þau séu Davíð Oddsson og að Ramses sé Fisher og málið dautt.

 

 

 

 

 

Þessi pistill birtist í 24 Stundum, 12. júlí

 

 

 

 

 

Í þætti mínum "Miðjunni" á Útvarpi Sögu fm 99.4 í dag klukkan 16:00 verður gestur minn hin skelegga athafnakona Jónína Benediktsdóttir sem hefur lítið álit á Útvarpi Sögu og hefur munninn fyrir neðan nefið og hökuna fyrir neðan munninn og hálsinn fyrir neðan hökuna og svo mætti áfram telja þangað til maður væri orðinn dónalegur. Hún mun vafalaust tjá sig um Baugsmálið, stólpípur og margt annað þarft og þrifalegt. Þátturinn verður endurfluttur á laugardaginn klukkan 16:00 - 18:00. Þennan þátt sem og fyrri þætti má finna á: www.stormsker.net á mánudaginn.

Athugasemdir

[Brynjar Jóhannsson, 16.7.2008 kl. 07:56]

Góður pistill Sverrir.

og í meginatriðum sammála. Það er mjög mikill tvískynnungsháttur varðandi landvistarleyfi hér á Íslandi vegnar strangtrúðaðar Lagabókstafsöfgahyggju.  

[Ómar Ingi, 16.7.2008 kl. 18:05]

Afar hressandi lesning

[Bóas Börkur Bóasson, 16.7.2008 kl. 23:08]

á þessu litla landi, Íslandi, sem er á stærð við þvottageymslu í meðalfyrirtæki í Evrópu, í samanburði við önnur lönd þá tekst okkur samt að hafa flóknara kerfi yfir auðvelda hluti en kambáskveikjuflýtir er í Volkswagen Túareg, og ég er þó ekki bílvélasnyrtir, nei en hins vegar löggiltur straum og gleðigjafi= rafvirki. Hef virkjað rafmagnið til góðs undanfarið, ef frá er talið þegar ég tengdi ömmu beint við orkubú Vestfjarða með framlengingarsnúru, en hún, amma, ekki snúran varð yfirspennt af þessu og talaði tóma þvælu lengi á eftir. Samt talar hún ótrúlega þvælu yfirleitt, en ég tók eftir breytingum hjá henni, en hún er samt komin af breytingaraldrinum, svo líklega eru þessar breytingar ekki til góðs, en breytingar hjá Innflytjendastofu Íslands myndu verða til góðs, kanski að ég ætti að spennustilla fólkið þar, halda því í spennu, svona 220 voltum ?

maður spyr sig.  SS bestur !  kv, BBB.

[Haukur Nikulásson, 17.7.2008 kl. 00:18]

Hver syngur eins og Don Henley í Gray Love - Stormsker?

[Sverrir Stormsker, 17.7.2008 kl. 10:49]

Heill og sæll Haukur,

Gæinn sem þú segir að syngi einsog Don Henley (ekki leiðum að líkjast) í lagi mínu Gray Love heitir Gregory Carroll, bandarískur atvinnusvöngvari sem söng á árum áður með gúrúum einsog Santana, Robert Palmer og fleirum. Sjá: www.stormsker.net

[Margrét St Hafsteinsdóttir, 17.7.2008 kl. 15:29]

Góður pistill.   Mér finnst að Ingibjörg Sólrún ætti að halda sig á klakanum og taka á málum hér í staðinn fyrir að vera að reyna að leysa heimsmálin

[Óskar Þorkelsson, 17.7.2008 kl. 16:52]

góður pistill :)

[Helga Dóra, 18.7.2008 kl. 15:34]

Það virðist vera ótakmarkað em Dalsmynni hjónin geta flutt inn af hundum.... Rosaleg umræðan um þau sem gengur um netið....

[Magnús Unnar, 18.7.2008 kl. 22:23]

Aftur og enn rekurðu naglana í höfuðin með lyklaborðinu (þumall hátt í loft)

[Jón Haukdal (IP-tala skráð) 19.7.2008 kl. 10:04]

Öll stórveldi eru byggð upp á þrældómi og klíkuskap, við reynum eins og við getum!!!