Feministur

Feministar hafa barist fyrir mörgu greindarlegu síðustu ár, t.d. því að börn á fæðingardeildum klæðist fötum í kynlausum litum; drengir skulu allsekki vera í bláum fötum og stúlkur allsekki í bleikum því þetta geti haft gríðarleg áhrif á afkomumöguleika stúlknanna í framtíðinni að sögn feminista. Augljóst.

Fleiri dæmi: Feministum finnst mjög niðurlægjandi að konur kallist „ráðherrar." Konur tilheyri nefnilega ekki mannkyninu heldur kvenkyninu. Ég stakk uppá starfsheitinu „ráðherfa" og þær hljóta að vera mjög ánægðar með það. Feministar kvörtuðu mikið yfir Smáralindarbæklingi en þar sást stúlka beygja sig eftir dóti. Stúlkur eiga ekki að beygja sig á myndum því þá er auðvitað verið að gefa til kynna að þær séu hórur.

 

Feministar fóru fram á að svæsin Toyota auglýsing yrði bönnuð en þar sást kona með pilsið svo langt upp um sig að það sást meiraðsegja í hnén á henni. Ógeðslegt. Feministar sögðu að það væri verið að hlutgera líkama kvenna. Einmitt. Toyota fór að tilmælum feminista og fjarlægði auglýsinguna, sem sýnir að það er til nokkuð sem heitir karlkellingar. Svoleiðis tuskur lúffa fyrir hverskyns rugli af ótta við að vera stimplaðar karlrembusvín. Ef fólki finnst öfgafeministar slæmir og allar þeirra hugmyndir, þá myndi ég nú segja að karlkellingarnar sem framfylgja kröfum þeirra væru 10 sinnum verri, - því slæm hugmynd er bara slæm hugmynd, en það að framkvæma slæma hugmynd af ótta við karlrembusvínsstimpilinn er alveg yfirmáta aulalegt. Öfgafeminismi er vondur í orði, en verri á borði.

 

Feministum hefur tekist að breyta sjálfri Biblíunni á þann hátt að ef Krissi segir t.d: „Hey bræður, eru ekki allir í stuði?" þá er það í dag: „Hey bræður og systur, eru ekki allir í stuði?," jafnvel þó engar systur hafi verið á svæðinu.

Orðið „feministi" er karlkyns orð og því ber að breyta á stundinni í „feminista," - hún femínistan. Must! Algjört Must!

 

 

Þessi pistill birtist í 24 stundum 9. ágúst, án djókmyndanna.

 

Minni á þátt minn "Miðjuna" á Útvarpi Sögu fm 99.4 í dag, miðvikudag, milli kl. 16:00 og 18:00. Gestur minn að þessu sinni verður enginn annar en söngvaskáldið hárprúða Bjartmar Guðlaugsson. Munum spjalla um allt milli himins og jarðar, t.d. afhverju mömmur geifli alltaf á sér munninn þegar þær maskara augun og hvort borgarstjórinn í Reykjavík megi láta sjá sig á kaffihúsum í borginni eða eingöngu á Goldfinger í Kópavogi og hvort það eigi að grafa göng milli Vestmannaeyja og Grímseyjar.

Fyrri "Miðjur" má finna á: www.stormsker.net 

Athugasemdir

[Bumba, 27.8.2008 kl. 07:31]

 Heheheheheheh   frábær pistill, rosalega er ég sammála þér. Þær ættu nú að fara að taka til í sálarræskninu sínu hver og ein.    Með beztu kveðju.

[Anna Ragna Alexandersdóttir, 27.8.2008 kl. 09:03]

 Já þetta er nú mannfólkið.

[Gulli litli, 27.8.2008 kl. 09:37]

Frábært...

Gulli litli ráðherfi.

[DoctorE (IP-tala skráð) 27.8.2008 kl. 10:10]

Alvöru dömur og herrar verða að fara að gera sér grein fyrir því að ofurfemínistar eru óvinir jafnréttis.
Þegar hrópað er sí og æ: Ill typpi, ill typpi þá endar með að dömur og herrar dissa þetta algerlega.... hvaða karlmaður vil verða svona karlkerling eins og karladeild ofurfemínistaklúbbsins er... hvaða dama vil verða kynlaus persóna í strigapoka

[Eggert Vébjörnsson (IP-tala skráð) 27.8.2008 kl. 10:28]

Hehe. Það er ekki beint leiðinlegt að lesa þessa pistla þina. Nánast ávanabindandi.

En mikið er ég annars rosalega sammála þér í einu og öllu.

[Ragnheiður Arna Magnúsdóttir (IP-tala skráð) 27.8.2008 kl. 11:20]

hehehehehe......U made my day!!

ein sem er ekki með fast kústskaft í rassg......inu!

[Kjartan Pétur Sigurðsson, 27.8.2008 kl. 14:32]

:)

[Jóhanna Magnúsar- og Völudóttir , 27.8.2008 kl. 16:04]

Ætti orðið herra og þá ráðherra líka,  ekki bara að flokkast sem kvenkyns orð ?  Eru einhver önnur orð sem enda á - a flokkuð sem  karlkyns orð? ....  

Ég hef komist að eftirfarandi lausn: Kona er ráðherra og karl er ráðherri (EF þau standa sig illa, má kalla konuna ráðherfu og karlinn ráðperra).

Þetta verður a.m.k. í minni ríkisstjórn þegar Mamma-mía flokkurinn brýst til valda.

[Ómar Ingi, 27.8.2008 kl. 17:33]

HAHAHAHAHAHA

[Helga Guðrún Eiríksdóttir, 27.8.2008 kl. 18:27]

Hryllilega var þetta skemmtilegur þáttur með ykkur Bjartmari Guðlaugs núna áðan! Ég hló svo mikið að ég er ennþá að engjast úr hlaupasting... eða samskonar þindarkvölum.  Við HáGizz fengum að koma tvisvar.. (reyndar kem ég alltaf amk tvisvar, veit ekki með HHG)  .. en þessi frábæri náungi er hreinræktaður gleðigjafi og snillingur sem þyrfti að koma reglulega og helst alveg rað. Til þín sko...  

Takk flottastur!

[Eggert Ólafur Sigurðsson (IP-tala skráð) 27.8.2008 kl. 21:39]

Stórgott!!

[Helga Guðrún Eiríksdóttir, 29.8.2008 kl. 22:57]

Spaugilegt að tala um minnimáttarkennd gagnvart femínistum þegar öll röksemdafærsla femínista byggist á minnimáttarkennd, svo sem: fléttulistum, kynjakvóta, forgangi, sérréttindum o.s.fr. með þeim formerkjum að þær séu svo gasalega mikil fórnarlömb.

Nei, okkur "finnst" hreint engin ógn af femínösnum. En okkur "stendur" þeir ofsalega aulalegir.

[Gunnar Hrafn Jónsson (IP-tala skráð) 30.8.2008 kl. 21:12]

Femínismi var lengst af alveg ágætis fyrirbæri. Hugtakinu var bara rænt af því... "sérstaka" fóki sem við sjáum berjast gegn bleikum barnafötum og smáralindarbæklingum í dag.  Það er alveg hægt að berjast gegn kynbundnu órétti (t.d. launamismun) án þess að tapa sér í bandarískum póstmódernískum fasistafemínisma. Það er alveg heill skóli af þessum "kyngjafræðum" vestra sem álítur ALLT kynlíf á milli karls og konu vera kynferðislegt ofbeldi.

Rökin eru eitthvað á þá leið að maðurinn ryðji sér leið inn í líkama konunnar og því geti aldrei verið um "level playingfield" að ræða, konan lætur gera þetta við sig á meðan maðurinn er gerandi.

OK, kannski soldið extreme sjónarmið, en alls ekki svo langt frá því sem kallast mainstream í þessum fræðum þessa dagana. Sem er einmitt vandamálið.