Íslendingar orðnir ennþá geðveikari!

 

 

 

 

 

 

 

 

 

 

 

Ástandið hefur stundum verið skárra á Los Klakos. Allar bankalínur eru lokaðar og allar hjálparlínur rauðglóandi. Aðrar línur hafa útrásardólgarnir tekið í nefið. Geðdeildirnar eru yfirfullar og bankastarfsmenn fá daglega áfallahjálp sálfræðinga og prestar blessa bankastjóra í bak og fyrir og skvetta vígðu vatni frá Jóni Ólafssyni á tómar bankahirslurnar. Almúginn hímir í kílómetra löngum biðröðum eftir súpu og Bubbi er betlandi á torgum með apa og lírukassa og er kominn á tveggja ára Range Rover (eða Game Over einsog hann heitir víst í dag). Hummer er orðinn að Bummer og Landcruser að Grandlúser.

 

Útrásarfroskarnir eru flúnir land á einkaþotunum enda ekkert meira að hirða af landslýð sem er svo mergsoginn og vanaður að meiraðsegja Blóðbankinn og Sæðisbankinn eru farnir á hausinn. Pólverjar flýja í ofboði til friðsamlegri og manneskjulegri landa einsog t.d. Íraks, Afganistan og Vestmannaeyja. Á hverjum degi sér maður gjaldþrota fólk fleygja sér fram af byggingum í fallegum boga, en það er sívinsæl vandamálalausn á krepputímum. Fólki bókstaflega rignir niður á gangstéttirnar svo maður er í bráðri lífshættu á göngutúrum um bæinn.

 

 

Þegar maður hringir á Klepp þá kemur sjálfvirkur símsvari: „Þú ert kominn í samband við Klepp. Ef þú hefur fjárfest í íslenskum bönkum, ýttu þá á einn. Ef þú ert farinn að hamstra matvæli í Bónus, ýttu á tvo. Ef þú heldur virkilega að einhver verði látinn sæta ábyrgð á hruninu, ýttu á þrjá. Ef þú treystir stjórnmálamönnum og öðrum íslenskum amatörapaköttum til að leysa úr vandanum, ýttu á fjóra. Ef þér finnst skynsamlegt að sömu hlandaularnir sem áttu stóran þátt í hruninu, Fjármálaeftirlitið og ríkisstjórnin, sjái um uppbygginguna, ýttu á fimm. Ef þú heldur að krónan sé gjaldgengur gjaldmiðill, ýttu á sex. Ef þú ert búinn að gleyma lofræðum forsetans um útrásarkrimmana, ýttu á sjö. Ef ekkert er valið þá verður þér gefið samband við útibúið við Austurvöll. Þú ert númer 168.537 í röðinni."

 

 

 

- - - - - - - - - - - - - - - - - - - - - - - - - - - - - - - - - - - - - - - 

 

 

Gestur minn í síðasta þætti "Miðjunnar" á Útvarpi Sögu fm 99.4 var Jón Baldvin Hannibalsson. Gestur minn í dag, miðvikudag, frá klukkan 16:00 til 18:00 verður hinsvegar enginn annar en Jón Baldvin Hannibalsson. Jón Baldvin er einsog Marteinn Mosdal; hann kemur alltaf aftur og aftur og aftur og aftur. Að þessu sinni munum við fjalla um alveg hreint stórmerkilega hluti. Sjá: HÉR.

Allir fyrri þættir eru komnir inná:  www.stormsker.net

Athugasemdir

[alva (IP-tala skráð) 22.10.2008 kl. 14:14]

Alveg óborganlegur Sverrir Stormsker!! Vissir þú að margir Toyota Landcruser eigendur voru að skipta yfir og fá sér Ice-Land-crash-er...síðan fá allir fyrrum bankastjórar og starfandi ríkisstjórn og bossarnir hjá FME, gefins nýjasta eintakið af Ford jeppanum, sem heitir því skemmtilega og viðeigandi nafni; Ford Kuga...þar sem þeir hafa algerlega skitið upp á bak og alveg upp að hnakka sumir undanfarið..

[Magnús Sigurðsson, 22.10.2008 kl. 14:39]

Er ekki betra að ýta á sjö ef maður er ekki viss hún er orðin svo andskoti löng röðin.  Svo væri náttúrlega reynandi að hringja í Davíð, hann á ráð undir rifi hverju.

[Sverrir Stormsker, 22.10.2008 kl. 14:58]

Ef þér finnst að Seðlabankinn eigi að vera elliheimili fyrir stjórnmálamenn, ýttu þá á 8.

[Brynja skordal, 22.10.2008 kl. 15:24]

Góður!!

[Ómar Ingi, 22.10.2008 kl. 16:10]

HAHAHAHAHAHA

Alltaf ferskur

[Óskar Þorkelsson, 22.10.2008 kl. 16:32]

he he góð færsla 

[Hallgerður Pétursdóttir (IP-tala skráð) 22.10.2008 kl. 18:18]

Spaugstofan hvað? Þú átt að fá Óskarinn fyrir að koma því til leiðar að það tekur sig upp gamalt bros, já gott ef ekki skellihlátur. Segir ein sem hef verið eins og hertur handavinnupoki.

[Kjartan Pétur Sigurðsson, 22.10.2008 kl. 18:34]

:)

[Gerður Pálma, 22.10.2008 kl. 18:51]

Þrælgóður ertu, gott að geta hlegið með góðgætinu sem boðið er uppá í þjóðfélagssúpunni.

Að mínu mati eigum við að láta ALLA flokka fokka og kjósa þá fáu heiðarlegu og ærlegu fulltrúa innan þess hóps í þann faghóp sem þeir valda síðan fagmenn fyrir hvern málaflokk.  Fjármál, Atvinnumál, Heilbrigðismál, Landverndarmál o.s.frv. 

Annar kostur er að sitja áfram í súpunni, sem smámsaman verður að þykkum sykurlausum graut sem lykst um okkur og kæfir.

[Þorsteinn Gunnarsson, 22.10.2008 kl. 20:43]

Góður pistill - Oytota Landcrusher er nýjasta nafnið í bílaflórunni....

Kv. Steini

[Jón Snæbjörnsson, 22.10.2008 kl. 21:05]

haha flottur

þeir voru nú oft hálfklikkaðir hanniballarnir þegar þeir ferðuðurst með ríkisskipum í den dííí

[Ólafur Björn Ólafsson, 22.10.2008 kl. 22:52]

Flottur!!!!

Þetta með toyotu Landcruiser, þá er ég vanur að kalla þá Hlandcruiser vegna þess að margir ef ekki flestir fá hland fyrir hjartað um hver mánaðarmót þegar reikningurinn kemur.

Snildarpistlar hjá þér Stormsker

[Jón Halldór Guðmundsson, 22.10.2008 kl. 22:57]

Frábær pistill.

Sannkölluð sáluhjálp.  Ég leyfi mér þá að ýta á 9. 

[Sigríður Inga Ingimarsdóttir, 23.10.2008 kl. 08:39]

... Þú ert snilld .. HR. STORMSKER...Þú léttir lundina mína með pistlum þínum hahah.. sé þig fyrir mér í pontu að þrusa yfir þingheimi.. er einhver von til þess???? 

[Bjarni Kjartansson, 23.10.2008 kl. 10:19]

Í denn var það sverasta sem menn gerðu, að fá sér í eina feita.

Nú snorkla menn línur og gera bú bú í stórmennskubrjálæðisköstum.

Tjilla bara með eina Jónu eða svo, er miklu meira mellow og  gerir færrum mein.

E-töflur og línur eyðilögðu Bluesinn.

Comfort og Jóna var gott fyrir Janis en þegar harðara stöff tók við fór allt í fokk.

Detoxum þjóðina í hvelli

Miðbæjaríhaldið

vill henda listasafninu úit og setja góðan dansstað inn í húsið við hliðina á Fríkirkjunni.

Back to back

[Jens Guð, 24.10.2008 kl. 00:47]

  Spjallið við Jón Baldvin í Miðjunni var góð skemmtun - eins og í fyrri skipti sem þið hafið spjallað saman í útvarpinu.  Já,  og þessi færsla er snilld!

[Brúnkolla (IP-tala skráð) 24.10.2008 kl. 00:51]

Jæja þá er kominn dagur...

Ertu nokkuð búinn að gefa út lagið með textanum - kjósum þá ekki á ný gefum þeim ævilangt frí....?

Það vantar í spilarann

[Sverrir Stormsker, 24.10.2008 kl. 13:03]

Það er engin föst regla á endurflutningum á Sögu en Arnþrúður var að segja mér að þátturinn verði endurfluttur kl. 1:00 - 3:00 í nótt og svo kl. 16:00 - 18:00 á sunnudaginn. Svo verður honum jafnvel skotið inn á fleiri stöðum. Gott mál.

Þess má geta til fróðleiks að þessi grein fékkst ekki birt í Mogganum vegna þess að hún þótti ekki nógu siðsamleg. Það er nefnilega bannað að segja sannleikann með grínrænu ívafi í Mogganum.

Lifi leiðindin!

Þakka kommentin gott fólk.

[Eyjólfur Daníel Jóhannsson, 24.10.2008 kl. 15:39]

Hæ Sverrir, ég heiti Eyjó.

ég held að þú sért rétti maðurinn til að svara þessum manni

http://webtv.tv2.no/webtv/?progId=269417&treeId=777 

Ertu ekki til í að skoða málið?

Bestu kveðjur,  Eyjó (sár íslendingur í Noregi)

[Sverrir Stormsker, 24.10.2008 kl. 15:52]

Jón Baldni er stórgáfaður maður og þessvegna talaði hann um margt annað en ESB einsog t.d. KGB, JFK, BSÍ, ASÍ, CIA og LSD. Hann fór vítt og breitt yfir sviðið enda gáfu spurningar mínar tilefni til þess. En líklegast værum við ekki í þessum hyldjúpa skít ef við hefðum gengið í ESB og tekið upp evru fyrir svosem einsog 10 árum síðan. Íslenskir stjórnmálamenn eru fyrir löngu búnir að sanna að þeim er ekki treystandi fyrir peningamálastjórn landsins og því væri kannski best einsog staðan er núna að skella ráðuneytunum og Alþingi í lás og fleygja lyklunum og fá hingað til lands erlenda óháða sérfræðinga til að koma skikki á hlutina og stjórna þessu ótrúlega heimska  og óheiðarlega ribbaldaþjóðfélagi næstu árin.

Góða helgi.

[Sævar Einarsson, 25.10.2008 kl. 10:05]

Það ekki spurning Sverrir að það á að sæma þig Stórriddarakrossinum fyrir þína orðasnilld, það er vöntun á fólki eins og þér, reyndar eru baggalútsmenn líka snillingar og ég tala nú ekki um þeirra nýjasta útspil að smella sér í útrás sjá hér. Takk fyrir þennan snilldar pistil og eigðu (g)óða helgi.

— ICELAND'S MOST WANTED —

GORDON BROWN

Wanted, alive and preferably in working order - for treason and severe plotting against the innocent Icelandic nation. Also wanted for sheep theft.

Tekið héðan