Gætum við fengið DoctorE aftur takkfyrir

DoctorE hefur verið fleygt út af moggablogginu, mér og öðrum málfrelsissinnum til sárrar armæðu. Hann slysaðist víst til að segja að margt væri geðheilbrigðara í henni veröld en Lára jarðskjálftamiðill. Hún væri semsé klikk. Gaga. Gúgú. Trufluð. Röskuð. Sködduð. Kleppó. Kex. Snar. Með lausa skrúfu. Ding dong. Nutcase. Held að meining hans hafi hugsanlega verið að hún gengi ekki á öllum kertum eða eitthvað í þá veru.

 

Þeir eru fáir í bloggheimum sem og annarsstaðar sem hafa ekki einhverntíma fengið það í hausinn frá einhverjum að þeir séu geðbilaðir, - þekktir sem óþekktir einstaklingar. Nema þá kannski Davíð Oddsson og Ástþór Magnússon. 

 

Sjálfum þætti mér mun skynsamlegra að hleypa trúfrjálsum efahyggjumönnum einsog DoctorE að netmiðlum en trúflónum og "spámiðlum" sem vinna við að plata og hræða hrekklausa einfeldninga uppúr skónum með órum sínum.

 

Ég bendi enn og aftur á að "miðlar" hanga utaní 253. grein almennra hegningarlaga en þar stendur að noti maður sér bágindi annars manns, einfeldni hans og fákunnáttu í gróðarskyni þá varði það fangelsi allt að tveimur árum. Megum við við fleiri svikahröppum? Þurfum við ekki frekar á gagnrýnisröddum einsog DoctorE að halda, hvort sem menn eru nú skoðanabræður hans eður ei?

 

Ég sé ekkert athugavert við það að DoctorE og aðrir gagnrýni andaheimasveppi með skýru orðbragði rétt einsog við lýsum takmörkuðu áliti okkar á útrásarþjófum og öðrum fjárplógsdólgum með kröftugum hætti.

 

Ef einhverntíma hefur verið þörf fyrir gagnrýna sjálfstæða hugsun og opnar frjálsar umræður og kröftug andmæli gegn hverskyns svindilbraski og trúgirni þá er það akkúrat núna á þessum  síðustu og allra bestu tímum. Þar er DoctorE betri en enginn, allavega mun betri en staurblindir "sjáendur" sem hitta oftar á þumlana á sér en naglann á höfuðið.

Mikið væri nú ánægjulegt ef "miðlar" færu í sína andaheima og DoctorE aftur í bloggheima.

Athugasemdir

[Óskar Þorkelsson, 30.7.2009 kl. 09:34]

heyr heyr.. fáum dokksa aftur.

[Bjarni Kjartansson, 30.7.2009 kl. 09:58]

Hvað gerði hann sér til óhelgis?

Verla nokkuð ógott?

Mibbó

[Óskar Þorkelsson, 30.7.2009 kl. 10:03]

Bjarni, Stormsker segir það í byrjun pistilsins ;)

[Bjarni Kjartansson, 30.7.2009 kl. 10:37]

Þetta eru ekki sakir.

ÞEtta er praktisering á að hafa frelsi til skoðana.

Ég bað um SAKIR.

SEE??

Mibbó

[Valgarður Guðjónsson, 30.7.2009 kl. 11:09]

Ég held að umrædd spákona hafi tekið af allan vafa í óborganlegu viðtali í Harmageddon...

[Páll Blöndal, 30.7.2009 kl. 12:34]

Mig grunar nú að þeir sem bera ábyrgð á því að henda Doksa út séu
skoðanabræður/systur öfgatrúarfólks á borð við kaþólikka og annarra  kuklara.

[DoctorE (IP-tala skráð) 30.7.2009 kl. 12:54]

Hér hanga náttúrulega gríðarlegir hagsmunir á spýtunni, bara ríkiskirkjan er batterí sem fær 6000 milljónir árlega... Omega/Krossinn og aðrir taka gríðarlegar fúlgur til sín... hér eru draugaskólar og margskonar megasvindl í gangi.

Heimurinn telur íslendinga vera algera fávita, hér var að koma útlendingur til að halda fyrirlestur um landvætti, drauga og annað bull... hann sagði að íslendingar væru mestu fávitar í heimi, í beinum tengslum við hitt og þetta yfirnáttúrulegt, álfa og aðra stúpid vitleysu.
ísland má ekki við meira af vitleysisgangi, vilja íslendingar virkilega að heimurinn horfi á okkur eins og vitleysinga með hor og slef?

P.S. Hann sagði ekki beinum orðum að við værum fávitar hér á klakanum,en hann hefði allt eins getað gert það

Og takk fyri stuðningin Sverrir!

[Sólveig Þóra Jónsdóttir, 30.7.2009 kl. 13:44]

Sammála þér ég vil fá DoctorE aftur inn á bloggið.

[Axel Jóhann Axelsson, 30.7.2009 kl. 13:44]

Spákonan sagði fjölmiðlum daginn eftir að skjálftinn kom ekki, að hann myndi þá bara koma seinna.  Þannig stendur spáin ennþá fyrir sínu, algerlega hrein og ómenguð.

Sanniði til, spáin mun rætast einhverntíma.

[DoctorE (IP-tala skráð) 30.7.2009 kl. 13:57]

"Gott" viðtal þarna Helgi

Þetta er semsagt það sem mbl ver, kerlingu sem heyrir raddir í hausnum á sér og varar hana við jarðskjálftum... og svo selur hún jarðskjálfta hús sem er algerlega ótengt dómsdagsspám hennar...
Og mbl bannar mér að segja það augljósa en flaggar kerlingunni sem skapaði angist á meðal fjölda íslendinga.

Er þetta ekki frábært.... framtíðin frestaðist vegna veðurs... <--- Kerlingin ætti að vera þjóðskáld eða eitthvað :)

[DoctorE (IP-tala skráð) 30.7.2009 kl. 14:01]

Jæja ég fékk svar frá Árna
Þetta með vaxtarlagið... ég sagði einfaldlega að hún hefði átt að sjá það fyrir

Sæll vertu.
Í ljósi þess að þú virðist ekki sjá neitt athugavert við það að nafngreindur
einstaklingur sé sagður geðveikur og glæpamaður á opinberum vettvangi og að
sé farið niðrandi orðum um viðkomandi vegna vaxtarlags hans held ég það sé
ljóst að þú átt ekki heima á blog.is.

Viltu að ég taki afrit af blogginu áður en ég eyði því?

arnim.

 

>  Sæll Árni,
>
> hlustaðu á þetta... segðu mér svo að ég hafi sagt eitthvað rangt í málinu
> http://www.vantru.is/2009/07/30/09.00/
>
> Eigum við ekki að opna hjá mér... allir að halda andlitinu vegna þessa
> fáránlega máls
>
> :)
>
> Best
> DoctorE

Þannig að þetta er búið krakkar... takk fyrir stuðningin!!

[DoctorE (IP-tala skráð) 30.7.2009 kl. 14:27]

Ég reyndar prófaði að senda póst á ritstjórn ofl innan mbl... kannski það sé einhver með viti þar.... hlægilegt að Árni/mbl taki upp hanskann fyrir þessa konu, miðað við það þá má með sanni segja að mbl sé á móti almannaheill

[DoctorE (IP-tala skráð) 30.7.2009 kl. 14:29]

Reply from Árni... stjórnmálamenn eru sér á báti.. það má segja þá geðveika en ekki spákonur
Færslan sem Árni er að tala um er um það að Davíð ofl séu geðsjúklingar... en hann ætlar að bregðast við henni þó svo að það sé í lagi að segja stjórnmálamenn geðveika, go figure

Sæll vertu.
Samkvæmt dómum Hæstaréttar verða opinberir einstaklingar, stjórnmálamenn, að
þola harðari gagnrýni en aðrir en við höfum þó alltaf gripið inní ef menn
hafa farið yfir strikið hvað þetta varðar. Að því sögðu þá komumst við ekki
yfir að lesa allar bloggfærslur nú eða allar athugasemdir en nú er þú hefur
bent mér á þessa færslu get ég brugðist við henni. Takk fyrir það.

[Reputo, 30.7.2009 kl. 16:08]

Þú hefur allan minn stuðning í þessu máli DoctorE. Vona bara að þú finnir annan vettvang til að koma þínum bráðnauðsynlega boðskap á framfæri.

[Axel Jóhann Hallgrímsson, 30.7.2009 kl. 17:17]

Þeir sem tala hvað mest fyrir málfrelsi, virðast einhverra hluta vegna, vera hvað mest í nöp við það.

[DoctorE (IP-tala skráð) 30.7.2009 kl. 17:51]

Oftast eru það hjátrúarfullir sem heimta höft, og þá alveg sérstaklega höft á að gagnrýna ruglið í hausnum á þeim... fáránlegt að ríkið verji svona kjaftæði með lögum.. udanskilur það frá skatti og alles... þetta er geðveiki... úps.. jæja ég læt það vaða þó það sé tabú að nefna sum orð sem þó eru akkúrat orðin sem á að nota.

[Sævar Einarsson, 30.7.2009 kl. 19:25]

Ég er búinn að senda fyrirspurnir á þá sem stjórna og ritstýra blog.is og fæ sömu stöðluðu svörin, hef meira að segja fengið afrit frá öðrum sem spyrja um þessa lokun og svarið er nákvæmlega það sama nema nafni sendana breitt. Ég sætti mig ekki við svona vinnubrögð og áframsendi þetta á fréttastofu mbl og ritstjórn, það er ótækt að benda á einhver brot á skilmálum blog.is við suma og aðrir fá að skrifa og níða niður aðra líkt og enginn sé morgundagurinn og ekkert hróflað við þeim, skilmálar eru skilmálar og eiga að virka jafnt yfir alla eða engan, minni svo á stuðningshópinn

[Ómar Ingi, 30.7.2009 kl. 19:32]

Þessi óþolandi ritskoðun Moggans er með öllu óþolandi og þeim til skammar.

Doksa aftur.

[Fransman (IP-tala skráð) 30.7.2009 kl. 19:41]

Axel, ég held að spádómurinn muni aldrei rætast.

Jarðfræðingar hafa sagt að bergið sé of veikt á þessum stað til að geta myndað þá spennu sem þarf til að skjálfti af þeirri stærðargráðu sem klikkaða kerlingin spáði fyrir, geti orðið.

Ég legg til að Lögreglan rannsaki starfsemi þeirra hjóna, þetta getur ekki verið löglegt !!

[Óskar Þorkelsson, 30.7.2009 kl. 19:53]

það er reyndar athyglisvert að dokksi er bannaður en villi í köben fær að skrifa óáreittur bull og níð um fólk til hægri og vinstri

[DoctorE (IP-tala skráð) 30.7.2009 kl. 20:20]

Þau eru í það minnsta sek um vörusvik, ekkert hús stenst jarðskjálfta upp á 12

[Sævar Einarsson, 30.7.2009 kl. 20:48]

Jarðskjálfti á borð við 12 á Richter jafngildir einu petatonni eða 1,000 teratonnum og sem dæmi var styrkleiki Valdivia jarðskjálftans árið 1960 í Chile mældur sem 9.5 Richter og sá styrkur var mældur sem 178 gígatonn að styrk og er það mesti styrkur á jarðskjálfta sem hefur verið mældur svo þeir sem nenna að reikna ættu að geta fengið það út að ef einhvertíma mælist jarðskjálfti á borð við 12 á Richter þýðir það bara eitt ... svo ef þau staðhæfa að húsin þeirra standist jarðskjálfta upp á 12 stig á Richter þá á eru það hrein og klár vörusvik + lygar.

[Odie, 30.7.2009 kl. 21:01]

Við viljum doctorE aftur til að benda okkur á meinsemdir hjátrúar.  Hvort sem hún er skipulögð eða ekki.

[Eygló, 30.7.2009 kl. 21:14]

Hvað með Vikuna?   Af hverju slengdi hún framan í mann nýrnaheila?  Vissu þeir ekki betur? Trúðu þeir þessu?  Eða var þetta ómengað sölubragð.

Hvernig þorði stúlkan að láta sjá sig? Ekki bara mynd, heldur forsíðumynd.

Setti á mig hjálm áður en ég fór að sofa.

[doddý, 30.7.2009 kl. 22:00]

þetta mál er með endemum. kellan reynir að ljúga því að fólki að einhver skellur sé í nánd, útvarpsmenn mála hana út í horn þar sem hún getur enganvegin varið þetta þvaður í sjálfri sér, auðtrúa fólk fer á taugum vegna þessarar bullukollu - og það má ekki tala um það? 

ég á stóran bróður sem er ágætisnáungi - en þessi mblstóri bróðir er óþolandi! kv d  

[DoctorE (IP-tala skráð) 30.7.2009 kl. 22:44]

Úber léleg enska... :P... augljóst að þetta snýst allt saman um svindl og svínarí.. da insurance company how came to see <--- hahaha enska í klessu og verið að vitna í who knows who... hahaha

The house that we build got the nickname &#39;&#39; Earthquakehouse&#39;&#39; because of what they tolerate..The insurance company how came to see this house that fall down,agree about that,this house and other that will be build later,are the best earthquake houses ever build..They say that the fall of this house was so powerfull same at 12 on richter scale..&#39;&#39;

A very warm and simply beautiful,cosy house and the price is very reasonable in comparison to how well the houses are build

[Sævar Einarsson, 30.7.2009 kl. 23:20]

HAHA DoctorE, mig dauðlangar að vita hvernig mældu þau það út að húsin þeirra þoli styrkleika 12 af Richter, ætti maður að benda Pentagon á að panta hjá þeim hús þar sem enginn bygginn í allri veröldinni þolir slíka ógnarkrafta, ekki einu sinni "safe house" byrgi Bandaríkjaforseta, priceless ! og ég hef ekki enn fengið svar frá mbl.is, það rignir yfir þá eldi og brennisteini þessa dagana geri ég ráð fyrir(ekki vegna skjálfta eða Heklugos)

[Jens Guð, 30.7.2009 kl. 23:22]

  Eins og Valli og Helgi Briem benda á er brandarann að heyra á http://www.vantru.is/2009/07/30/09.00/ 

[DoctorE (IP-tala skráð) 30.7.2009 kl. 23:45]

Er andlega heilbrigt að halda því fram að hús þoli 12 sitga jarðskjálfta... eða er það glæpsamlegt...
Er það andlega heilbrigt að segja einhvern geðsjúkan eða glæpamann ef hann segist sjá framtíðina eða tali við fólk að handan til að fá upplýsingar....

Spyrjið mbl... þeim finnst hneyksli að ég gefi þetta í skyn og særi vesalings konuna góðu

[Steingrímur Helgason, 31.7.2009 kl. 01:21]

Ég get nú alveg viðurkennt það hreint út til byrjunar að fígúran þezzi DoctorE er nú ekki í mínum bloggvinahópi, hvað þá að ég leiti sjálfur eftir því að leita eftir hanz framzögu á hanz bloggbóli. Ég er nefnilega einn dona &#39;krizzlíngur&#39; & því að hanz & Matta vantrúaða mati einn vanvita bjáni.

Á móti hef ég mína sérzkoðun á hanz hrokafulla lamadýralega & oft illa ígrundaða barnabarnalega ~frazakennda~ sjálfzánægjunarmali, með tilvízunum í &#39;jútúbuna&#39; & &#39;wíkíið&#39;, en það pirrar mig lítt. Ekki nenna allir vitríngar að leza bækur í skóla.

Ég hinz vegar var líklega einn af þeim fyrstu sem að gekk í grúppuna á Fézbókinni honum til ztuðníngs vegna lokunarinar & finnzt öngvin þverzögn í því fólgin.

Ég virði enda alveg til enda, frelzi einstaklíngzins til athafna & hanz málfrelzi, hvort sem að viðkomandi kýz að koma nakinn fram með kennitöluna á tattúðaða á bakinu eða ekki.

Fann heldur öngva áztæðu hjá Móblóurum fyrir að banna greyzan, fyrir að benda á rétt mal, um sumarhúzaundrin þarna zunnlendiz.

Þannig að ég undirtek & endurtek zem einn graður gæzarzteggur mal frummælanda.

[Nanna Katrín Kristjánsdóttir, 31.7.2009 kl. 01:28]

ER ekki bara komin tími til að loka á mbl.is/blogg. Þetta er löngu búið að missa allt marks, orðið leiðinlegt og tóm vitleysa. Fólk keppist um að úthrópa aðra og fá athyggli með hvaða hætti sem er. Líst vel á hugmyndina hjá DoktorE sem ég las einhversstaðar að búa sér til sitt eigið blogg óháð ritstjórum og öðru sem fylgir mbl.is/blogg. Synd samt, þetta byrjaði svo vel.

[Guðmundur Ásgeirsson, 31.7.2009 kl. 02:39]

Þetta er nú meira bullið. Það hafa ótal margir látið ýmislegt flakka hér á blogginu um nafngreinda einstaklinga, sem er miklu grófara en þetta hjá DoctorE. Ef stjórnendur moggabloggsins væru sjálfum sér samkvæmir yrði líklega nóg að gera hjá þeim við að útiloka notendur, þangað til nánast enginn yrði eftir.

Það má alveg samþykkja að það sé ekki viðeigandi að hafa hátt um geðheilsu annara eða skort þar á, en fyrr má nú vera ef það er orðið brottrekstarsök. Ég hef sjálfur fengið á mig slíkt aðkast í athugasemdum á mínu eigin bloggi og fyrir mér er það meira að segja viðkvæmt mál, en samt hefur aldrei hvarflað að mér að gera veður út af því. Hef ekki einu sinni haft fyrir því að eyða þannig athugasemdum heldur látið þær standa sem vitnisburð um háttalag viðkomandi bloggara.

[brahim, 31.7.2009 kl. 02:46]

Ég hef verið aðdáandi þinn lengi Stormsker...vegna þess hve orðheppin og hreint út sagt frábærlega fyndin þú getur verið í pistlum þínum...en að þú skulir taka upp hanskann fyrir DoktorE...finnst mér einum og mikið...samanber viðtalið sem hann og þessi leiðinda Guð linkar í er með ólíkindum...í þessu viðtali sem t.d. DoktorE vísar í biður hann fólk að meta geðheilbrigði hennar Láru...Halló...ert þú Sverrir eða nokkur annar þess umkomin að meta geðheilbrigði fólks eftir að heyra viðtal við persónu þar sem þáttastjórnendur gera ekki annað en að gjamma fram í fyrir blessaðri konunni og reyna sitt ýtrasta að skjóta hana í kaf án þess að leyfa henni að útskýra sitt mál. Ég bara spyr.

[Sævar Einarsson, 31.7.2009 kl. 03:07]

brahim,var einhver að pína þig til að lesa skrifin hjá DoctorE ? ég les til dæmis aldrei ritskoðuð blogg, ekkert að marka slík blogg og hrein og bein eyðsla á góðum pixlum að opna slík blogg, ég túlka þennan pistill hjá Sverrir sem hann sé á móti ritskoðun og um það snýst málið en ekki hvort menn trúa á Ésú, Jólasveininn, Andrés Önd, Álfa eða tröll.

[brahim, 31.7.2009 kl. 03:25]

Nei svo sannarlega hefur enginn pínt mig til að lesa blogg DoctorE...enda hef ég aldrei gert það sem betur fer...nóg hefur verið að lesa comment hans hjá öðrum.

En nú að þér Sævarinn...hvernig væri að ég upplýsti nú fólk um hver þú ert í raun ? Ætla að byrja á nokkrum atriðum fyrst...bara til  að gera þetta spennandi fyrir fólk.

1)Þú ert kerfisfræðingur...2) þú ert ekki sjálfstæðis-VG eða samfylkingarmaður...3)átt 1 son...4) eigum sameiginlegan kunningja (ekki vin) hann Bjögga.

Hvernig gengur mér ??

Meira síðar

[Sævar Einarsson, 31.7.2009 kl. 03:42]

Hvað kemur mín persóna þessu máli við brahim ? ég kýs nafnaleynd og vonandi virðir þú það, en fyrst þú spyrð þá þekki ég nokkra Bjögga, á fleiri börn og kaus borgarahreyfinguna og ef þú last ekki  DoctorE hvernig getur þú þá vitað um hvað hann var að skrifa ? ...

[brahim, 31.7.2009 kl. 04:45]

Eins og ég sagði fyrr þá hef ég ekki lesið bloggið hjá DoctorE...enda alveg nóg að lesa komment hans á 3ju hverri síðu hjá öðrum...eða þar um bil. En hvað þig varðar þá eigum við aðeins 1 Bjögga (Björgvin) sem kunningja...þann sama og skutlaðist með þér erlendis.

[DoctorE (IP-tala skráð) 31.7.2009 kl. 10:50]

Commentin mín á 3ju hverri síðu hjá öðrum... púra ýkjur dúde

Annars vex málið....

Frábærar fréttir krakkar, þetta er á leið í heimsfréttirnar... ég fer líklega í viðtal um helgina :)
Ég læt ykkur fá slóð þegar þetta er tilbúið...

[Sverrir Stormsker, 31.7.2009 kl. 11:15]

Hef afskaplega takmarkaðan tíma um þessar guðmundir þar sem ég er að ganga frá plötu með hliðarsjálfi mínu honum Serði Monster, plötu sem verður náttúrulega bönnuð einsog margt annað góðgæti þessa heims.

Get því ekki svarað ykkur gott fólk hverju fyrir sig. Vil hinsvegar að það komi fram að ef DoctorE er "sekur" þá erum við það nánast öll sem hér skrifum á moggablogginu.

Trúi ekki öðru en að Árni Matt, sem ég þekki af góðu einu, skelli Dokksanum aftur inn. 

[DoctorE (IP-tala skráð) 31.7.2009 kl. 11:32]

Segi það með þér Sverrir, Árni hefur alltaf verið afar vingjarnlegur... ég skil ekki að þeir séu að hanga á þessu hlægilega máli, bara hallærislegt.

[Sverrir Stormsker, 31.7.2009 kl. 11:38]

Meðan ég man: Hlustið endilega á viðtalið sem Jens Guð nr. 29 bendir á. Algjört MUST. Þetta fáránlega mambó alltsaman ætti í raun að vera absúrd heimsfrétt. Gangi þér vel Dokksi.

Sá maður sem segir að Íslendingar upp til hópa séu heilbrigðir er geðbilaður.

[DoctorE (IP-tala skráð) 31.7.2009 kl. 11:46]

Þetta er að verða heimsfrétt Sverrir... mér þykir leitt að þurfa að láta heimsbyggðina vita um meiri heimsku á klakanum, en hvað getur maður gert...
Svo ég taki mér orð Láru í munn.. ég er ekkert vondur, það er fólk þarna úti sem sagar hausinn af börnum... ég er góður miðað við það fólk :)

[Theódór Norðkvist, 31.7.2009 kl. 12:56]

Þið hljótið að elska að hata blog.is, þið sem kvartið undan ritskoðunartilburðum þeirra, en bloggið hér daginn út og inn.

Ég neita því ekki að útilokun DoctorE virkar tvímælis eins og reyndar fullt af öðrum lokunum á bloggsíðum. Hann hefur nú ekki alltaf vandað orðavalið, en sést hefur ljótt orðbragð víðar án þess að stjórnendur hafi aðhafst.

Enn og aftur bendi ég á að það eru til önnur bloggkerfi, þar sem stóri bróðir er ekki að anda ofan í hálsmálið og sem skiptir ekki minna máli, eru ekki notuð af eigendum þeirra í gróðaskyni.

[Sjóveikur, 31.7.2009 kl. 18:05]

ég er alveg að kafna úr öfundsýki núna, ég er ekki búin að skrá mig í stuðningshóp Doktorsins á Smettisskinnu, eiginlega vegna þess að mér hefur fundist Doktor E frekar þunnur þrettándi og léttvægur, en eins og ég segi, þá er það sennilega vegna einskærrar öfundar, ég er búin að eyðileggja mínar sjómannslúkur við gítaræfingar og gripasettningar sem voru hræðilega erfiðar í byrjun og bara til þess að koma frá mér yndislegum kveðskap sem ég er fullviss um að geti bjargað þjóð okkar frá undirgangi, eða kanski bara egóinu mínu og þá er stóru bjargað ! og ritskoðun ? ég er stundum hissa á því að ég hef ekki verið lokaður frá blogginu eftir æðisköst fingra minna á lyklaborðið, en ég fæ að vera með sennilega vegna þess að ég er ekki nógu fallegur til að henda út og ekki í samkeppnisformi við ráðandi öfl á öldum ljósvakans, svo mér fynnst að Doktorinn eigi að beygja sig pínu og gefa frat í álfa og tröll  svo að við eða þeir sem vilja fáum að njóta hans flæðis um komandi tíð, ritskoðun er hið mesta böl  og er ein af forsettningum hrillings og átroðslu á mannlífi og dýra, svo sit ég hér miklu klókari og skemtilegri en Doktor E og fæ ekki einu sinni spilun á hinum frjálsu fjölmiðlum, bara í "einokunarfjölmiðlum" ríkissins ? og ég hef gefið formlegans skít og yfirlýst kröfum á valdamenn Íslands, en ég fæ að vera !?!? er ég einskiss virði  nei, Doktor E er spjátrungur með stóra kjaft og verður að læra siði eins og aðrir, Doktor E mynnir mig á stubba sem heimta "respekt" en gefa ekki sjálir  svo ég skrái mig ekki í stuðningshóp hans á Smettisskinnu, ég einfaldlega gef skít í hann  og þá er ekki að eyða púðri í spákerlingar greiið, það var augljóst skemmtiefni, hvað getur sjándi gert að því að hún sé með sjónskekkju ?

yndislegar kveðjur til ykkar garpar Íslands

sjoveikur

[Ómar Ingi, 31.7.2009 kl. 19:39]

Sverrir varstu búin að lesa þessa skýrslu frá KB ?

http://ommi.blog.is/blog/ommi/entry/923474/

[Sigurjón, 2.8.2009 kl. 00:52]

Heyr heyr!  Ritskoðun á borð við þessa er viðurstyggileg.

[Eygló, 2.8.2009 kl. 01:24]

Skítt með skúrka og skíthausa. Einn og einn jarðskjálfti er fyrirgefanlegur, jafnvel þótt hann komi ekki.

Það sem mér flökrar við - ef það er hugarrugl eins eða annars - er að þessi unga kona sagðist alveg vita hvar Madelaine litla væri niðurkomin, hjá hverjum og hvernig umhverfið liti út. Vona bara að hún eigi ekki eftir að valda neinum þungum sorgum með þessu.

Í biðröðinni í Bónus las ég á forsíðuna þar sem þessi kona var og texti sem m.a. sagði frá jarðskjálftanum og íverustað Madelaine. Ógeð eða ógeð? Ógeð, ef ég væri spurð.